Edwɛkpa ne kɛmɔ Maake hɛlɛle la 13:19 - BAEBOLO ANZƐƐ BULUKU NWUANZANWUANZA

¹⁹ Ɔluakɛ mekɛ ne anu anwongyelelɛ ne bayɛ ɛzulolɛ kpalɛ mɔɔ sumunli kɛ Nyamenle bɔle ewiade toonwo mɔɔ yeradwu bekezɛ la, bie ɛtɛsile ɛlɛ, yɛɛ bie noko ɛnrɛzi ɛlɛ.

Edwɛkpa ne kɛmɔ Maake hɛlɛle la 13:19 ပူးပေါင်းရင်းမြစ်များ

Gyɛlɛmaya Awolɛyelɛ 1:12

“Asoo ɔnvane bɛ nwo, bɛdabɛ mɔɔ bɛse ɛke la? Bɛdo bɛ nye bɛnlea saa nyane bie nee me ɛdeɛ ye mɔɔ ɛra me nwo zo la sɛ a. Ɛdɛnkɛma a manle anwubɛnyunlu ɛhye rale a wɔ mekɛ mɔɔ ɔvale ɛya kpole la.

Gyɛlɛmaya Awolɛyelɛ 2:13

O Gyɛlusalɛmma, duzu a menga a, duzu a menva bɛ mendo nwo a? Duzu a menva bɛ mendo nwolɛ, amaa meakyekye bɛ rɛle a, O Gyɛlusalɛm? Ɔluakɛ mɔɔ ɛdo bɛ la le kpole tɛla nyevile tandane; awie ɛngola nwolɛ ɛhwee yɛ.

Gyɛlɛmaya Awolɛyelɛ 4:6

Me menli ne ndeanlɛ ɛyɛ kpole ɛdɛla Sodɔm ɛdeɛ ne; yemɔ, bɛzɛkyele ye arɛlevilɛ nu, tɛ sonla a zɛkyele ye a.

Daneɛle Buluku ne 12:1

Nyamenle soanvolɛ ne mɔɔ wula Lenen tɛladeɛ ne la hanle kɛ, “Mekɛ zɔhane Nyamenle soanvolɛ Maekeɛle mɔɔ nea wɔ menli ne mɔ anwo zo la badwazo. Mekɛ zɔhane amaneɛnwunlɛ mɔɔ bie ɛtɛsile ɛlɛ la basisi, noko bɛbalie wɔ menli ne mɔ anu biala mɔɔ bɛkɛnwu kɛ bɛhɛlɛ ye duma wɔ Nyamenle buluku ne anu la ngoane.

Daneɛle Buluku ne 9:12

Ninyɛne mɔɔ ɛzele kɛ ɛbava wɔayɛ yɛ nee yɛ mgbanyima mɔɔ sie yɛ la ɛyɛ zɔhane ɛmaa munzule mɔɔ ɛdo yɛ la ɛyɛ totohyia, ɔluakɛ mɔɔ ɛzi Gyɛlusalɛmma anwo zo la, bie ɛtɛsile ewiade ye anu ɛleka biala.

Daneɛle Buluku ne 9:26

Mekɛ zɔhane anzi bɛbahu sonla ne mɔɔ bɛkpokpa ye nwole la atisesebɛ nu. Na belemgbunli holɛ ko ne mɔɔ bara la ɛlɔnema ne bazɛkye suakpole ne nee ɛleka nwuanzanwuanza ne. Ye awieleɛ bara kɛ azuyilɛ na nzinlii yeawie konle. Ninyɛne dɔɔnwo bazɛkye, kɛmɔ Nyamenle ɛhyehyɛ la.

Dwowɛle Buluku ne 2:2

Ɔbayɛ awozinli nee alɔbɔlɛ kenle, amungu nee awozinli kabii kenle. Abɛbɛ ɛlɔne ɛyɛ kɛ menli anwo ɛzulolɛ, ɛheda awoka ne mɔ azo kɛ awozinli. Ɛhye, ɔvi tete, bie ɛtɛsile ɛlɛ, yɛɛ bieko ɛnrɛzi ɛlɛ wɔ awolɛndoazo kɔsɔɔti mɔɔ bara la anu.

Edwɛkpa ne kɛmɔ Mateyu hɛlɛle la 24:21

Ɔluakɛ anwongyelelɛ mɔɔ bara mekɛ zɔhane ne anu la, ye ɛzulolɛ, sumunli kɛ ewiade bɔle ɔ bo dedee mɔɔ yeradwu ɛnɛ la, bie ɛtɛsile ɛlɛ, yɛɛ bie noko ɛnrɛzi ɛlɛ na aloa abɔ.

Edwɛkpa ne kɛmɔ Maake hɛlɛle la 10:6

Na aloa kabɔ ɔ bo la, Nyamenle Edwɛkɛ ne se, ‘Nyamenle bɔle bɛ nrenya nee raalɛ.

Edwɛkpa ne kɛmɔ Maake hɛlɛle la 13:18

Bɛzɛlɛ Nyamenle na anwongyelelɛ ɛhye amba fɔsɛlɛ nu.

Edwɛkpa ne kɛmɔ Maake hɛlɛle la 13:20

Na Awulae ɛnlea ye menli ne mɔɔ yekpa nu yeye bɛ la ati yede mekɛ ne azo, anrɛɛ sonla ko bɔbɔ ɛnrɛha.

Mɛla 28:59

Ɛdɛnkɛma bava munzule ɛhye mɔ nee ewule ngakyile mɔɔ anloa yɛ se la arɛlɛ bɛ nee bɛ mra mɔɔ bɛyɛ nwolɛ ɛhwee a ɔnrɛyɛ boɛ a. Ɔbaha bɛ nwo dahuu.

Mɛla 4:32

“Akee bɛbizebiza bɛnwu mekɛ mɔɔ ɛraze ɛhɔ la anu edwɛkɛ, ɔvi mekɛ mɔɔ Nyamenle bɔle ewiade na ɔbɔle sonla ɔdole nu la toonwo bɛradwu mekɛ mɔɔ bɛwole bɛ la; bɛbiza bɛhɔ ewiade ye ati nee ɔ bo na bɛdie saa debie kpole mɔɔ le zɛhae la bie ɛzi ɛlɛ anzɛɛ saa bɛde bie anwo edwɛkɛ ɛlɛ a.

Yekile 7:14

Membuale ye kɛ, “Yɛmenle, ɛdawɔ yɛɛ ɛze a.” Na ɔzele me kɛ, “Menli ɛhye mɔ a le bɛdabɛ mɔɔ bɛho bɛdɔ zolɛ wɔ amaneɛnwunlɛ kpole ne anu la. Bɛkpole bɛ adɛladeɛ ne mɔ nwohyee wɔ Boaneralɛ ne mogya ne anu.