Edwɛkpa ne kɛmɔ Maake hɛlɛle la 13:15 - BAEBOLO ANZƐƐ BULUKU NWUANZANWUANZA

¹⁵ Awie mɔɔ gyi ye sua ti zo la mmaka kɛ ɔdwu aze yeahɔ ye sua ne anu kɛ ɔkava debie.

Edwɛkpa ne kɛmɔ Maake hɛlɛle la 13:15 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 19:22

Ka ɛ nwo nriandi kɔ ɛkɛ. Ɔboalekɛ saa ɛtɛdwule ɛkɛ ne a menrɛyɛ ɛhwee.” Zɔhane ati bɛvɛlɛle sua zɔhane Zowaa

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 19:26

Na Lɔɔto aye ne mɔɔ ɛnee li ɔ nzi la dole ɔ nye ɔ nzi, na ɔhakyile ngyenle mpila.

Dwobu Buluku ne 2:4

Na Seetan buale Ɛdɛnkɛma kɛ, “Ɔle zɔhane, na ye nwonane ne noko ɛ! Sonla kɛhulo kɛ ɔkɛdɛnla ngoane nu tɛla kɛ ɔkɛminli anwonyia biala mɔɔ ɔlɛ la.

Mrɛlɛbulɛ Buluku ne 22:3

Sonla mɔɔ anye gyi ɔ ti anwo la nwu munzule na ɔtwe ɔ nwo ɔfea, na mɔɔ ɛnlɛ adwenle la kɔtɔ nu na ɔnwu amaneɛ.

Edwɛkpa ne kɛmɔ Maake hɛlɛle la 13:16

Mɔɔ ɛhɔ ɛbɔ nu noko la mmasia ba sua zo kɛ ɔbava ye tɛladeɛ.

Ɛzoanvolɛma Gyima ne 27:38

Akee mɔɔ awie biala ako yile la bɛdule abɛlɛ mɔɔ wɔ ɛlɛne ne anu la bie bɛguale nyevile nu, amaa ɛlɛne ne ayɛ felafela.

Kɛlata mɔɔ bɛhɛlɛle bɛhɔmanle Hibuluma la 11:7

Diedi zo yɛɛ Nowa luale mɔɔ ɔdele Nyamenle kɔkɔbɔlɛ ne mɔɔ fane ninyɛne mɔɔ kenle bie bazi la anwo a. Ɔdiele Nyamenle ane na ɔbobɔle ɛlɛnemgbole ɔvale ɔliele ɔ nwo nee ye sua nu amra ngoane. Ɔluale zɛhae adenle zo ɔbule ewiade ye kɛ ɔle debie mgbane, na ɔ sa hanle Nyamenle nu fɔɔnwoyɛlɛ ne mɔɔ bɛdua diedi zo bɛ sa ka ye la.