Edwɛkpa ne kɛmɔ Maake hɛlɛle la 12:32 - BAEBOLO ANZƐƐ BULUKU NWUANZANWUANZA

³² Mɛla kilehilevolɛ ne zele Gyisɛse kɛ, “Kilehilevolɛ, mo! Ɔle nɔhalɛ, kɛmɔ ɛlɛka la, Awulae angome a le Nyamenle a, nyamenle bieko ɛnle ɛkɛ.

Edwɛkpa ne kɛmɔ Maake hɛlɛle la 12:32 ပူးပေါင်းရင်းမြစ်များ

Ayezaya Buluku ne 44:8

Bɛmmasulo yɛɛ bɛmmamaa ɛzulolɛ ka bɛ; meha mehile bɛ dɛba yɛɛ meva medo gua. Bɛmɛ a bɛle me alasevolɛ a! Asoo ɛye me a nyamenle bieko wɔ ɛkɛ ɔ? Pepɛdievolɛ biala ɛnle ɛkɛ kɛ medame; menze bie memboka me nwo.”

Ayezaya Buluku ne 45:14

Ɛdɛnkɛma se, “Yigyibiti nee Sudan anwonyia ne amuala bapɛ ali bɛmɛ Yizilayɛma bɛ ɛkɛ, yɛɛ Sibama, menli kakanyinlima ne, barazonle bɛmɛ Yizilayɛma, bɛbagua bɛ anga bɛara, na bɛarahoto bɛ. Bɛbabodo bɛazɛlɛ bɛ bɛaha kɛ, ‘Nyamenle nee bɛmɛ Yizilayɛma angome a lua a, nyamenle bieko ɛnle ɛkɛ kɛ ɔ ngome ala.

Ayezaya Buluku ne 45:18

Ɛdɛnkɛma mɔɔ bɔle anwuma la, yemɔ a ɔle Nyamenle a! Yemɔ mɔɔ ɔhyehyɛle na ɔbɔle azɛlɛ ye la, ɔbɔle ɔmanle ɔlile munli, yeambɔ ye sesakaa biala yeanzie ɛkɛ; ɔbɔle ewiade, amaa sonla adɛnla nu. Ɔse, “Medame a mele Ɛdɛnkɛma a, bieko ɛnle ɛkɛ.

Ayezaya Buluku ne 46:9

Bɛhakye alumua ninyɛne mɔɔ zile dɛba ne la; ɔluakɛ medame a mele Nyamenle a, bieko ɛnle ɛkɛ. Medame a mele Nyamenle a, bieko ɛnle ɛkɛ mɔɔ le kɛ medame.

Edwɛkpa ne kɛmɔ Maake hɛlɛle la 12:29

Gyisɛse buale kɛ, “Ɛhye a le mɛla ne anu titile kpalɛ kpalɛ a: ‘Yizilayɛma, bɛdie! Awulae yɛ Nyamenle ne a le Awulae kokye ne a.

Edwɛkpa ne kɛmɔ Maake hɛlɛle la 12:33

Na ɔwɔ kɛ sonla biala fa ye ahonle muala, ye adwenle muala, nee ye anwosesebɛ muala kulo Nyamenle, na ɔkulo ɔ gɔnwo sonla kɛ ɔdaye ɔ nwo la. Ɔhyia kpalɛ kɛ ɛkɛli mɛla nwiɔ ɛhye azo tɛla kɛ ɛkɛva nane nee ninyɛne ɛkɛbɔ azu ɛkɛmaa Nyamenle.”

Mɛla 4:35

Bɛyɛle ɛhye bɛmanle bɛnwunle ye, amaa bɛanwu kɛ Ɛdɛnkɛma a le Nyamenle a; nyamenle bieko ɛnle ɛkɛ.

Mɛla 4:39

Zɔhane ati bɛnwu ye ɛnɛ na bɛva bɛzie bɛ ti anu kɛ Ɛdɛnkɛma a le Nyamenle wɔ anwuma nee azɛlɛ ti anu a; nyamenle bieko ɛnle ɛkɛ.

Mɛla 5:7

“ ‘Bɛmmanyia nyamenle biala kɛ medame me ngome ala.

Mɛla 6:4

“Yizilayɛma, bɛdie, Ɛdɛnkɛma yɛ Nyamenle ne le Ɛdɛnkɛma kokye ala.