Edwɛkpa ne kɛmɔ Maake hɛlɛle la 12:3 - BAEBOLO ANZƐƐ BULUKU NWUANZANWUANZA

³ Abunsama ne zɔle akɛlɛ ne nu, bɛbole ye na bɛmanle ɔvale ɔ sa mgbane ɔziale ɔhɔle.

Edwɛkpa ne kɛmɔ Maake hɛlɛle la 12:3 ပူးပေါင်းရင်းမြစ်များ

1 Arl 18:13

Me menle, ɔkɛyɛ kɛ ɛtɛtele nyɛleɛ mɔɔ menyɛle wɔ mekɛ mɔɔ Gyɛzɛbɛle kuhu Nyamenle kpɔmanvolɛma ne mɔ la, nee kɛ menzile menvale Nyamenle kpɔmanvolɛma ɛya ko menveale awolɛ mbɔne nu la. Mengyɛle bɛ nu nwiɔ na menvale bɛ abulanlu abulanlu menveale, memanle bɛ aleɛ nee nzule.

1 Arl 18:4

Mekɛ mɔɔ Gyɛzɛbɛle kuhu Nyamenle kpɔmanvolɛma ne mɔ la, Obadaya liele bɛ nuhua ɛya ko ngoane. Ɔvale bɛ abulanlu abulanlu ɔveɛveale awolɛ mbɔne nu na ɔmanle bɛ aleɛ nee nzule.)

1 Arl 19:10

Ɔbuale kɛ, “Melɛtwe ɛdawɔ Tumivolɛ Ɛdɛnkɛma Nyamenle ɛ ti nungule, ɔluakɛ Yizilayɛma ɛgyakyi wɔ edwɛkɛ ne anzi ɛlilɛ, bɛbubu wɔ azukponle ne mɔ, na bɛhu wɔ kpɔmanvolɛma ne mɔ amuala; me ngomekye ala yɛɛ meha a, yɛɛ eza bɛlɛkpondɛ medame noko bɛahu me.”

1 Arl 19:14

Yilaegya buale kɛ, “Melɛtwe ɛdawɔ Tumivolɛ Ɛdɛnkɛma Nyamenle ɛ ti nungule, ɔluakɛ Yizilayɛma ɛkpo wɔ ngyekyeleɛ ne, bɛbubu wɔ azukponle ne mɔ na bɛhu wɔ kpɔmanvolɛma ne mɔ amuala; me ngomekye ala a meha a, yɛɛ eza bɛkpondɛ medame noko bɛahu me.”

1 Arl 22:27

Bɛze ye kɛ, ‘Belemgbunli se, Fa sonla ɛhye sie na maa bɛmaa ye aleɛ mɔɔ ɛnza ye di la nee nzule ekyi bie kɔkpula mekɛ mɔɔ menwɔzia menwɔradwu sua nu anzonudwolɛ nu la.’ ”

2 Edk 16:10

Belemgbunli Esa vale Nyamenle sonla ne anwo ɛya kpole kpalɛ wɔ mɔɔ ɔhanle la anwo, na ɔmanle bɛhyele ye, bɛdole ye efiade, na bɛbɔle ye kpanwu. Eza ɔvi mekɛ zɔhane anu ala, Belemgbunli Esa bɔle ɔ bo kɛ ɔyɛ menli ne bie mɔ asa.

2 Edk 36:16

Noko bɛhɔle zo bɛzile menli mɔɔ Nyamenle zoanle bɛ la amgbu, bɛkpole kɛ bɛnrɛdie bɛ edwɛkɛ ne, na bɛgolole Nyamenle kpɔmanvolɛma ne anwo toonwo bɛmanle Ɛdɛnkɛma vale ɛya kpole mɔɔ bɛyɛ ye ɛhwee a ɔnyɛ boɛ a.

Nihɛmaya Buluku ne 9:26

“Wɔ menli ne dele ɛ nwo atua na bɛandie wɔ aneɛ, bɛhakyile bɛ nzi bɛzile wɔ mɛla ne. Bɛhunle Nyamenle kpɔmanvolɛma mɔɔ bɔle bɛ kɔkɔ, na bɛzele bɛ kɛ bɛzia bɛdoa wɔ la; bɛbɔle munzule kpole!

Gyɛlɛmaya Buluku ne 2:30

Bɛ mra ne mɔ ɛmaa mevɛ mgbane; medea bɛ, noko bɛande folɛ. Bɛdabɛ a bɛhu bɛ Nyamenle kpɔmanvolɛma ne mɔ kɛ awenade mɔɔ asa ɛha nane la.

Gyɛlɛmaya Buluku ne 20:2

Na Pahyɛ manle bɛbole Nyamenle Kpɔmanvolɛ Gyɛlɛmaya na bɛbɔle ye kpanwu wɔ Ɛdɛnkɛma Ɛzonlenlɛ Sua ne Sɔlɔ Bɛngyaman Anlenkɛ Kpole ne anwo.

Gyɛlɛmaya Buluku ne 29:26

‘Ɛdɛnkɛma ɛyɛ wɔ sɛlɛvolɛ kɛ ɛli Sɛlɛvolɛ Gyɛhɔyada agyakɛ anu, na ɛnlea ɛbɔ sɛnvolɛ biala mɔɔ kɛha Nyamenle nrɛlaleɛ wɔ Ɛdɛnkɛma Ɛzonlenlɛ Sua ne anu la kpanwu, na ɛva bulalɛ kɛba ɛgyela ɔ kɔme.

Gyɛlɛmaya Buluku ne 44:16

“Gyɛlɛmaya, edwɛkɛ ne mɔɔ wɔlua Ɛdɛnkɛma duma nu wɔha wɔhile yɛ la, yɛnrɛdie.

Edwɛkpa ne kɛmɔ Mateyu hɛlɛle la 15:22

Raalɛ bie mɔɔ boka maanyɛlɛ fane ne mɔɔ bɛfɛlɛ ye Keena la anwo, na ɔvi maanzinli ne anu la rale Gyisɛse anwo ɛkɛ rahanle hilele ye kɛ, “Yɛmenle, Devidi ara! Nwu me anwunvɔne! Sunsum ɛtane bie ɛlɛgyegye me ra raalɛ, na kɛkala ɔyɛ se kpalɛ kpalɛ.”

Edwɛkpa ne kɛmɔ Maake hɛlɛle la 12:2

Ɛbuhenle ne dwule la, ɔzoanle ye akɛlɛ ko wɔ abunsama ne ɛkɛ kɛ ɔhɔlie ye ɛkpɔ ɛdeɛ ne ɔrɛlɛ ye.

Edwɛkpa ne kɛmɔ Maake hɛlɛle la 12:4

Egyinli menle ne zoanle akɛlɛ fofolɛ, na ɔdaye noko bɛbole ye, bɛbobɔle ɔ ti anwo mbaka na bɛzale ye.

Ɛzoanvolɛma Gyima ne 7:52

Nyamenle kpɔmanvolɛ ko bɔbɔ ɛnle ɛkɛ mɔɔ bɛ mgbanyima andwazo ɔ nwo zo a. Bɛhunle menli mɔɔ Nyamenle zoanle bɛ kɛ bɛrabɔ ye Sonvolɛ Nwuanzanwuanza ne anwo nolo la amuala, na eza bɛye ɔdaye mumua ne bɛmaa bɛhu ye.

1 Tɛs 2:15

Dwuuma hunle Awulae Gyisɛse nee kpɔmanvolɛma ne mɔ, bɛyɛle yɛ kpɔdekpɔde bɛmanle yɛnriandile. Bɛha Nyamenle ɛya kpole! Bɛkyi awie biala.