Edwɛkpa ne kɛmɔ Maake hɛlɛle la 12:24 - BAEBOLO ANZƐƐ BULUKU NWUANZANWUANZA

²⁴ Gyisɛse buale bɛ kɛ, “Bɛvo kpole! Na bɛze ɔ bo ɔ? Yemɔ a le kɛ bɛnze Nyamenle Edwɛkɛ ne, yɛɛ bɛnze ye tumi ne.

Edwɛkpa ne kɛmɔ Maake hɛlɛle la 12:24 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 18:14

Debie biala ɛnyɛ se ɛmmaa Ɛdɛnkɛma. Mekɛ ne dwu a mebazia meara, ɛvolɛ bieko kabezɛhae, na Sɛla bawo ralɛ nrenya.”

Ayezaya Buluku ne 25:8

Ɔbame ewule bɔkɔɔ, na Awulae Nyamenle ne bakyikyi awie biala anye anwo monle, na yeakpa bɛ nwo nyiane kɔsɔɔti yeavi azɛlɛ ye azo. Ɛdɛnkɛma ɔdaye a ɔse a.

Ayezaya Buluku ne 26:19

Mɔwuamra bara ngoane nu, bɛbava bɛ nwonane ne bɛadwazo. O bɛmɛ mɔwuamra, bɛdunwue na bɛva anyelielɛ bɛdo edwɛne! Ɔluakɛ Ɛdɛnkɛma ɛbɔlɛ mɔɔ tɔ bɛ nwo zo la le wienyi, na ɔbada mɔwuamra anwo zo.

Ayezaya Buluku ne 8:20

Bɛdie mɔɔ Ɛdɛnkɛma ɛlɛka la na bɛli ye ngilehilelɛ zo! Nɔhalɛ, edwɛkɛ ɛhye mɔɔ bɛka la aleɛ ɛnrɛhye zo.

Gyɛlɛmaya Buluku ne 32:17

wɔmɔ yɛɛ wɔva wɔ tumi kpole ne nee wɔ anwosesebɛ wɔbɔ anwuma nee aze a!

Daneɛle Buluku ne 12:2

Menli mɔɔ ɛwu la anu dɔɔnwo badwazo ara ngoane nu; bie mɔ banyia ngoane mɔɔ ɛnlɛ awieleɛ, bie mɔ dɔɔnwo noko babɔ anyiemgba mɔɔ ɛnlɛ awieleɛ.

Hozia Buluku ne 13:14

Memkpɔne bɛ menvi Ɛbolɔ tumi bo ɔ? Menlie bɛ menvi Ewule asa anu ɔ? O Ewule, wɔ bɔlɔ ne wɔ nienwu? O Ɛbolɔ, wɔ ɛzɛkyelɛ tumi ne wɔ nienwu? Anwunvɔnezelɛ ɛnle me nye zo bieko.

Hozia Buluku ne 6:2

Kenle nwiɔ ne azo ɔbamaa yɛabɔzɔbɔzɔ, na ye kenle nsa ne azo yeadwazo yɛ, na yɛadɛnla ngoane nu.

Hozia Buluku ne 6:6

ɔluakɛ mekpondɛ ɛhulolɛ kpundii, na tɛ nane azubɔlɛ ɔ. Mekulo kɛ bɛnwu Nyamenle bɛtɛla ɛyelalɛ azubɔdeɛ ne mɔ.

Hozia Buluku ne 8:12

Saa mekɛlɛ me mɛla apenle apenle bulu meamaa bɛ a, anrɛɛ bɛbabu bɛ debie ngakyile bie.

Edwɛkpa ne kɛmɔ Mateyu hɛlɛle la 22:29

Gyisɛse buale bɛ kɛ, “Bɛvo kpole! Ɔboalekɛ bɛnze Nyamenle Edwɛkɛ ne anzɛɛ Nyamenle tumi ne kɛ si de la.

Edwɛkpa ne kɛmɔ Maake hɛlɛle la 10:27

Gyisɛse nleanle bɛ koonwu na ɔzele bɛ kɛ, “Mɔɔ yɛ se bo sonla nwo zo la ɛnyɛ se ɛmmaa Nyamenle, ɔluakɛ Nyamenle kola yɛ debie biala.”

Edwɛkpa ne kɛmɔ Maake hɛlɛle la 12:23

Ɛnee akee saa mɔwuamra dwazo ba ngoane nu wɔ ewudwazo kenle ne a, nwane aye a le raalɛ ye mɔɔ mediema nsuu ne amuala gyale ye bie la?”

Edwɛkpa ne kɛmɔ Maake hɛlɛle la 12:25

Ɔluakɛ saa mɔwuamra dwazo ba ngoane nu a, bɛbayɛ kɛ anwuma soanvolɛma la, agyalɛ biala ɛnle ɛkɛ.

Edwɛkpa ne kɛmɔ Luku hɛlɛle la 1:37

Ɔluakɛ debie biala ɛnle ɛkɛ mɔɔ Nyamenle ɛnrɛhola ɛnrɛyɛ a.”

Dw 20:9

(Ɛnee bɛtɛtele Nyamenle Edwɛkɛ ne abo kɛ ɔse ɔwɔ kɛ ɔdwazo ɔfi ewule nu.)

Dw 5:39

Bɛmɛ, bɛsukoa Nyamenle Edwɛkɛ ne, ɔluakɛ bɛdwenle kɛ nuhua yɛɛ bɛkɛnwu ngoane mɔɔ ɛnlɛ awieleɛ ne a. Nyamenle Edwɛkɛ mumua ne ɔdaye ɔka me nwo edwɛkɛ.

Ɛzoanvolɛma Gyima ne 17:11

Dwuuma mɔɔ wɔ ɛkɛ ne la adwenle nu ɛbuke ɛdɛla bɛdabɛ mɔɔ bɛwɔ Tɛsalonaeka la. Zɔhane ati bɛliele Edwɛkpa ne na dahuu bɛnleɛnleanle Nyamenle Edwɛkɛ ne anu kpalɛ kɛ saa mɔɔ Pɔɔlo ɛlɛka la le nɔhalɛ a.

Wulo 15:4

Debie biala mɔɔ bɛhɛlɛ ye wɔ Nyamenle Edwɛkɛ ne anu la wɔ ɛkɛ ne kilehile yɛ, amaa yɛagyinla kpundii, yɛazi yɛ ahonle yɛalua mɔɔ Nyamenle Edwɛkɛ ne fa maa yɛ la azo yɛanyia anyelazo.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:19

nee kɛ ye tumi ne kpole si de la. Tumi ɛhye mɔɔ ɛlɛdi gyima wɔ yɛmɛ mɔɔ yɛdie ye yɛdi la anu la, yemɔ ala a le anwosesebɛ bedevinli ne

Pɔɔlo Kɛlata mɔɔ ɔhɛlɛle ɔhɔmanle Felepaema la 3:21

Na ɔbalua tumi ne mɔɔ maa ɔkola ɔfa ninyɛne kɔsɔɔti ɔbawula ɔ bo la azo yeahakyi yɛ nwonane wulera ɛhye yeayɛ ye kɛ ye anyunlunyia nwonane ɛdeɛ ne la.