Edwɛkpa ne kɛmɔ Maake hɛlɛle la 12:2 - BAEBOLO ANZƐƐ BULUKU NWUANZANWUANZA

² Ɛbuhenle ne dwule la, ɔzoanle ye akɛlɛ ko wɔ abunsama ne ɛkɛ kɛ ɔhɔlie ye ɛkpɔ ɛdeɛ ne ɔrɛlɛ ye.

Edwɛkpa ne kɛmɔ Maake hɛlɛle la 12:2 ပူးပေါင်းရင်းမြစ်များ

2 Arl 17:13

Ɛdɛnkɛma ɛmaa ye soanvolɛma nee kpɔmanvolɛma ɛrahakye Yizilayɛma nee Dwudama fane dɔɔnwo kɛ, “Bɛgyakyi ninyɛndane ɛyɛlɛ, na bɛli me edwɛkɛ nee me ngyehyɛlɛ ne mɔ mɔɔ wɔ Mɛla ne mɔɔ menvale memanle bɛ nlenya mɔ, na menluale me sonvolɛ kpɔmanvolɛma anwo zo menvale membɛlɛle bɛ la azo.”

2 Edk 36:15

Ɛdɛnkɛma, bɛ ze mɔ Nyamenle ne, zoanle menli manle bɛrabɔle bɛ kɔkɔ, ɔboalekɛ ɛnee ɔse ye menli ne nee Ɛzonlenlɛ Sua ne anwunvɔne.

Ɛzela Buluku ne 9:11

ɛluale wɔ ngɛkɛlɛ Nyamenle kpɔmanvolɛma anwo zo ɛvale ɛmanle yɛ kɛ, ‘Azɛlɛ ne mɔɔ bɛlɛkɔ bɛahɔva la le azɛlɛ mɔɔ menli mɔɔ wɔ zolɛ la ɛva munzule ɛbɛla ɛzɛkye ye, ɔvi ɔ ti yehɔdwu ɔ bo a.

Edwɛndolɛ Buluku ne 1:3

Ɔle kɛ azule nloa baka, mɔɔ so ma wɔ ye ɛlobɔ nloa, ye nya ɛmkpolo ɛlɛ, yɛɛ ɔkpazi debie biala anu.

Gyɛlɛmaya Buluku ne 35:15

Mezoa me sonvolɛma, Nyamenle kpɔmanvolɛma bɛ nwo mekɛ dɔɔnwo kɛ bɛraze bɛ kɛ, ‘Bɛgyakyi nyɛleɛ ɛtane ɛtane ne mɔ; awie biala ɛhakyi ye subane. Bɛmmakɔdi nyamenle gyɛne gyɛne nzi bɛsonle bɛ, na bɛkɛdɛnla azɛlɛ ne mɔɔ menvale memanle bɛ nee bɛ ze mɔ la azo.’ Noko bɛandie me ne.

Gyɛlɛmaya Buluku ne 44:4

Menzoanle me sonvolɛma, Nyamenle kpɔmanvolɛma amuala bɛ nwo ɛkɛ ne dahuu kɛ, ‘O, bɛmmayɛ bɛkyi ninyɛne ɛhye mɔ na mekyi!’

Maeka Buluku ne 7:1

Abule ɛbu me! Ɔluakɛ meyɛ kɛ sonla mɔɔ ɛhɔne ɛlɛku ye na bɛtete ye wawaa nzoleɛ muala la, vanye ma ɛwie vanye mbaka zo, yɛɛ feege ma mɔɔ ɛlielie la bie ɛnle ɛkɛ na meade bie meazɔ me ɛbolɛ.

Zɛkalaya Buluku ne 7:7

“Mekɛ mɔɔ ɛnee Gyɛlusalɛm le gbudugbudu na awie biala asa ɛyia ɔ nwo, mɔɔ ɛnee azuamgbole ɛbɔ ɛyia ye, na ye nyiakɛ nee ye adɔleɛ ndololeɛ nu kɔsɔɔti le menli ngome la, Ɛdɛnkɛma ammaa ye alumua kpɔmanvolɛma ambɔ edwɛkɛ ɛhye mɔ nolo angile bɛ ɔ?”

Edwɛkpa ne kɛmɔ Mateyu hɛlɛle la 21:34

Ɛbuhenle ne dwule la, ɔzoanle ye sonvolɛma bie mɔ kɛ bɛhɔ bɛhɔlie ye ɛkpɔ ɛdeɛ ne bɛrɛlɛ ye.

Edwɛkpa ne kɛmɔ Maake hɛlɛle la 12:1

Gyisɛse akee dendɛle hilele bɛ wɔ mrɛlɛ nu zele kɛ, “Nrenya bie zonle ye ɛya, ɔluale vanye ma wɔ nu na ɔhyele nwolɛ, ɔdule kuma mɔɔ bɛbahwihwi vanye ma ne anu nzule bɛagua nu la, na ɔzile tawa mɔɔ bɛfo zo bɛsinza egyinli ne la wɔ nu. Akee ɔvale egyinli ne ɔwulale abunsama asa anu na ɔdule ye adenle.

Edwɛkpa ne kɛmɔ Maake hɛlɛle la 12:3

Abunsama ne zɔle akɛlɛ ne nu, bɛbole ye na bɛmanle ɔvale ɔ sa mgbane ɔziale ɔhɔle.

Edwɛkpa ne kɛmɔ Luku hɛlɛle la 12:48

Na sonvolɛ mɔɔ ɛnze mɔɔ ɔ menle kpondɛ, na ɔyɛ debie mɔɔ ɔwɔ kɛ bɛbila ye empele a, yemɔ bɛkɛbila ye ekyii bie ala. Sonla mɔɔ bɛkɛmaa ye ninyɛne dɔɔnwo la, bɛkɛlie ninyɛne dɔɔnwo wɔ ye ɛkɛ ne, yɛɛ mɔɔ bɛkɛva dɔɔnwo kpalɛ bɛkɛwula ɔ sa nu la, bɛkɛbiza ye bɛkɛlie dɔɔnwo kpalɛ bɛkɛvi ye ɛkɛ.

Edwɛkpa ne kɛmɔ Luku hɛlɛle la 20:10

Ɛbuhenle ne dwule la, ɔzoanle ye sonvolɛ ko ɔmanle ɔhɔzele abunsama ne kɛ bɛva ye ɛkpɔ ɛdeɛ bɛmaa ɔrɛlɛ ye. Na abunsama ne bole ye na bɛmanle ɔlɛle ɔ sa mgbane ɔhɔle.

Kɛlata mɔɔ bɛhɛlɛle bɛhɔmanle Hibuluma la 1:1

Mɔmoane ne, Nyamenle vale ndenle dɔɔnwo azo luale ye kpɔmanvolɛma anwo zo dendɛle hilele yɛ nlenya mɔ wɔ mekɛ dɔɔnwo ne ala,