Edwɛkpa ne kɛmɔ Maake hɛlɛle la 12:14 - BAEBOLO ANZƐƐ BULUKU NWUANZANWUANZA

¹⁴ Bɛrale la bɛbizale ye kɛ, “Kilehilevolɛ, yɛze kɛ wɔmɔ ɛnnea sonla nyunlu, yɛɛ ɛndie menli ngehanleɛ, na ɛkilehile Nyamenle ɛhulolɛdeɛ ne nɔhalɛ nu. Na ɛnea a, ɛnee ɔtia yɛ mɛla ne kɛ yɛkɛdua adwule yɛkɛmaa Maanle Maanle Belemgbunli ne ɔ? Ɔwɔ kɛ yɛtua anzɛɛ ɔnle kɛ yɛtua? Ka kile yɛ.”

Edwɛkpa ne kɛmɔ Maake hɛlɛle la 12:14 ပူးပေါင်းရင်းမြစ်များ

2 Edk 18:13

Maekaya zele ye kɛ, “Meka tease Ɛdɛnkɛma kɛ, mɔɔ me Nyamenle ne kɛva kɛmaa me la, yemɔ ala yɛɛ mebaha a.”

2 Edk 19:7

Bɛzulo Ɛdɛnkɛma na bɛnlea boɛ wɔ mɔɔ bɛkɛze kɛ bɛyɛ la anwo, ɔluakɛ Ɛdɛnkɛma yɛ Nyamenle ne ɛnli mɔguazo, ɔnnea sonla nyunlu, yɛɛ ɔnlie ndoloboa.”

Nihɛmaya Buluku ne 9:37

Aleɛ mɔɔ azɛlɛ ne maa la kɔ arelemgbunli ne mɔ mɔɔ sie yɛ la ɛkɛ, ɔboalekɛ yɛyɛ ɛtane. Bɛfa yɛ nee yɛ nlankɛ bɛyɛ mɔɔ bɛdabɛ bɛkulo la, yɛwɔ nyane nu kpole!”

Edwɛndolɛ Buluku ne 120:2

O Ɛdɛnkɛma, die me fi adalɛma nee mɛlɛbɛlama asa anu.

Edwɛndolɛ Buluku ne 55:21

Ɔ nloa anu menlemenle tɛla ngyenle, noko konle ala yɛɛ ɔzo ɔlua a. Ye edwɛkɛ yɛ fɛ tɛla asikyelɛ, noko bɛpɛ kɛ konle dadeɛ.

Gyɛlɛmaya Buluku ne 42:20

Bɛva bɛ ngoane bɛdo nzeleba na bɛminli, ɔluakɛ bɛzoanle me wɔ Ɛdɛnkɛma bɛ Nyamenle ne ɛkɛ kɛ menzɛlɛ Ɛdɛnkɛma bɛ Nyamenle ne memaa bɛ, na edwɛkɛ biala mɔɔ ɔkɛze bɛ la bɛkɛli zolɛ.

Maeka Buluku ne 3:8

Na mame, Ɛdɛnkɛma Sunsum ne ɛva tumi ɛyi me tɛkɛɛ, yemaa me pɛlepɛlelilɛ nee anwosesebɛ kɛ membɔ Gyɛkɔbo abo zo amra mɛladonlɛ ne nee Yizilayɛma ɛtane mɔɔ bɛyɛ la nolo mengile bɛ.

Edwɛkpa ne kɛmɔ Mateyu hɛlɛle la 22:16

Yemɔti bɛzoanle bɛ ɛdoavolɛma ne bie mɔ nee belemgbunli Hɛlɔdo asa zo ne mɔ bie wɔ Gyisɛse anwo ɛkɛ na bɛhɔbizale ye kɛ, “Kilehilevolɛ, yɛze kɛ wɔmɔ ɛka nɔhalɛ. Ɛkilehile Nyamenle adenle ne nɔhalɛ nu mɔɔ ɛndwenle mɔɔ menli ka la anwo a, ɔboalekɛ ɛnnea sonla nyunlu.

Edwɛkpa ne kɛmɔ Mateyu hɛlɛle la 22:17

Zɔhane ati yɛbiza wɔ, kɛ ɛdwenle ɛhye anwo ɛ? Asoo ɔfa yɛ mɛla ne adenle zo kɛ yɛkɛdua adwule yɛkɛmaa Wulomu Maanle Maanle Belemgbunli ne?”

Edwɛkpa ne kɛmɔ Maake hɛlɛle la 12:13

Bɛzoanle Falasiima nee Hɛlɔdo asa zo ne bie mɔ wɔ Gyisɛse anwo ɛkɛ ne kɛ bɛhɔdo ye abɛla bɛhye ye wɔ edwɛkɛ ɛhanlɛ nu.

Edwɛkpa ne kɛmɔ Maake hɛlɛle la 12:15

Gyisɛse nwunle bɛ nzi na ɔbizale bɛ kɛ, “Duzu ati a bɛra bɛbado me abɛla ɛ? Bɛva dwɛtɛ ne mɔɔ bɛdi la ko bɛrɛla bɛmaa menea.”

Edwɛkpa ne kɛmɔ Maake hɛlɛle la 14:45

Dwudase dwule ɛkɛ ne ala la, ɔhɔle Gyisɛse anwo ɛkɛ ne na ɔhɔzele ye kɛ, “Kilehilevolɛ!” na ɔvole ɔ nloa anwo.

Edwɛkpa ne kɛmɔ Luku hɛlɛle la 20:22

Ka kile yɛ, asoo yɛ mɛla ne tua kɛ yɛmmatua adwule yɛmaa Wulomu Maanle Maanle Belemgbunli ne anzɛɛ ɔwɔ kɛ yɛtua?”

Edwɛkpa ne kɛmɔ Luku hɛlɛle la 23:2

na bɛbɔle ɔ bo kɛ bɛtoɔdoa ye kɛ, “Yɛhyele nrenya ɛhye kɛ ɔlɛsɛkye yɛ menli ne mɔ adwenle, ɔse bɛmmatua adwule bɛmaa Maanle Maanle Belemgbunli ne na eza ɔkilehile kɛ ɔdaye mumua ne ɔle Kelaese, belemgbunli bie.”

Dw 7:18

Awie mɔɔ di ɔ ti anwo kilehile la kpondɛ ɔdaye ɔ ngome ɔ nyunlu. Mɔɔ kpondɛ anyunlunyia maa mɔɔ zoanle ye la ka nɔhalɛ ne, yɛɛ nvonleɛ biala ɛnle ye nu.

Wulo 13:6

Zɔhane ati yɛɛ ɔwɔ kɛ bɛtua bɛ maanle adwule noko a, ɔluakɛ saa mgbanyima ne mɔ mɔɔ di zɛhae gyima la yɛ bɛ gyima ne adenle kpalɛ zo a, ɛnee bɛlɛyɛ bɛ Nyamenle gyima.

2 Kɔl 2:17

Yɛmɛ, yɛnle kɛ menli mɔɔ fa Nyamenle edwɛkɛ ne si kongo la, ɔboalekɛ Nyamenle a ɛzoa yɛ a, yɛɛ yɛgyinla ɔ nyunlu yɛtendɛ kɛ Kelaese sonvolɛma.

2 Kɔl 2:2

Ɔluakɛ saa mebɔ bɛ rɛle a, nwane a kɛlielie me nye a? Kyesɛ menli ko ne ala mɔɔ membɔle bɛ rɛle la ala.

2 Kɔl 4:1

Nyamenle ɛlolɛ nu ala yɛɛ yeva gyima ɛhye yewula yɛ sa nu a, zɔhane ati yɛ rɛle ɛmbɔ.

2 Kɔl 5:11

Kɛmɔ yɛze kɛ Nyamenlezulolɛ si de la ati, yɛbɔ mɔdenle kɛ yɛkɛmaa menli kɛzulo Nyamenle; na kɛ yɛmɛ yɛde la, Nyamenle ɔdaye ɔze, yɛɛ meze kɛ bɛdabɛ bɛze ye wɔ bɛ adwenle nu.

2 Kɔl 5:16

Ɛhye ati, ɔvi ɛnɛ mɔɔ kɔ la, yɛnnea awie biala anyunlu yɛmbua ndɛne. Saa mekɛ bie mɔɔ ɛze ɛhɔ la yɛbuale Kelaese ndɛne wɔ zɔhane adenle zo bɔbɔ a, ɛnɛ yɛnyɛ ye zɔhane bieko.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:10

Ɛnee ɔyɛ bɛ kɛ kɛkala akee mekpondɛ menli nganvolɛ, anzɛɛ Nyamenle nganvolɛ ɔ? Anzɛɛ mekpondɛ me nyunlu wɔ menli nu ɔ? Kyɛkyɛ! Saa mekpondɛ me nyunlu wɔ menli nu a, ɛnee menle Kelaese akɛlɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:6

Mengilehilele Edwɛkpa ne mɔɔ mebɔ ye nolo la anu menwiele la, menli zɛhae mɔ, mɔɔ bɛse bɛle mgbanyima la anga kɛ debie bieko wɔ ɛkɛ mɔɔ ɔwɔ kɛ meyɛ a. Bɛle duzu menli bɔbɔ a, ɔnvane me nwo, ɔboalekɛ menli kɔsɔɔti sɛ wɔ Nyamenle anyunlu.

Mɛla 16:19

Bɛmmadi mɔguazo, bɛmmanea sonla nyunlu yɛɛ bɛmmadie ndoloboa, ɔluakɛ ndoloboa ɛlielɛ si nrɛlɛbɛvolɛ bɔbɔ anye na ɔsɛkye mɔɔ di pɛlepɛle la adenle ɔmaa ɔbua mgbɔvodɛne.

1 Tɛs 2:4

Mɔɔ yɛyɛle la a le kɛ dahuu yɛtendɛ, kɛmɔ Nyamenle kpondɛ kɛ yɛtendɛ la, ɔboalekɛ yemaa yɛzɔ ɔ nye na yeva ye Edwɛkpa ne yewula yɛ sa nu. Ɛhye ati yɛmbɔ mɔdenle kɛ yɛsɔ menli nye. Nyamenle mɔɔ ze yɛ ahonle nu la yɛɛ yɛkulo kɛ yɛsɔ ɔ nye a.