Edwɛkpa ne kɛmɔ Maake hɛlɛle la 12:12 - BAEBOLO ANZƐƐ BULUKU NWUANZANWUANZA

¹² Dwuu mgbanyima ne yɛle kɛ bɛkye ye, ɔluakɛ bɛnwunle kɛ ɔbule ɛrɛlɛ ne ɔtiale bɛ. Noko bɛzulole menli dɔɔnwo ne, yemɔti bɛgyakyile ye na bɛhɔle.

Edwɛkpa ne kɛmɔ Maake hɛlɛle la 12:12 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 21:26

Saa yɛka noko kɛ, ‘Ɔvi sonla’ a, yɛsulo menli ye, ɔboalekɛ bɛ muala bɛdie bɛto nu kɛ Dwɔn le Nyamenle kpɔmanvolɛ.”

Edwɛkpa ne kɛmɔ Mateyu hɛlɛle la 22:22

Bɛdele ɛhye la ɔzinle bɛ nwo, na bɛgyakyile ye bɛhɔle.

Edwɛkpa ne kɛmɔ Maake hɛlɛle la 11:18

Sɛlɛvolɛ mgbanyinli nee mɛla kilehilevolɛma ne mɔ dele ɛhye la, bɛbɔle ɔ bo kɛ bɛkpondɛ adenle bɛalua zolɛ bɛahu Gyisɛse. Noko bɛzulole, ɔluakɛ ye ngilehilelɛ ne zinle menli dɔɔnwo ne amuala anwo.

Edwɛkpa ne kɛmɔ Maake hɛlɛle la 11:32

Saa yɛka noko kɛ, ‘Ɔvi sonla a…’ ” (Bɛzulole menli ne mɔ, ɔluakɛ ɛnee awie biala ɛlie ɛdo nu kɛ Dwɔn le Nyamenle kpɔmanvolɛ.)

Edwɛkpa ne kɛmɔ Luku hɛlɛle la 20:19

Mɛla kilehilevolɛma ne nee sɛlɛvolɛ mgbanyinli ne mɔ yɛle kɛ bɛkye Gyisɛse ɛkɛ ne ala, ɔboalekɛ bɛze kɛ ɔbule ɛrɛlɛ ne ɔtiale bɛ; noko akee bɛzulole menli ne anye.

Edwɛkpa ne kɛmɔ Luku hɛlɛle la 20:6

Saa yɛka noko kɛ, ‘Ɔvi sonla’ a, menli ɛwolaa ye mɔɔ wɔ ɛke la amuala kɛzi yɛ awolɛ, ɔboalekɛ bɛdie bɛto nu kɛ Dwɔn le Nyamenle kpɔmanvolɛ.”

Dw 7:25

Menli mɔɔ vi Gyɛlusalɛm ɛkɛ ne la bie mɔ hanle kɛ, “Asoo tɛ nrenya ne mɔɔ bɛlɛkpondɛ ye bɛahu ye la ɛne?

Dw 7:30

Yemɔti bɛyɛle kɛ bɛkye ye, noko awie angola anzɔ ye nu, ɔboalekɛ ɛnee ye mekɛ ne ɛtɛdwule.

Dw 7:44

Bie mɔ yɛle kɛ bɛkye ye, noko awie biala angola anzɔ ye nu.