Edwɛkpa ne kɛmɔ Maake hɛlɛle la 11:18 - BAEBOLO ANZƐƐ BULUKU NWUANZANWUANZA

¹⁸ Sɛlɛvolɛ mgbanyinli nee mɛla kilehilevolɛma ne mɔ dele ɛhye la, bɛbɔle ɔ bo kɛ bɛkpondɛ adenle bɛalua zolɛ bɛahu Gyisɛse. Noko bɛzulole, ɔluakɛ ye ngilehilelɛ ne zinle menli dɔɔnwo ne amuala anwo.

Edwɛkpa ne kɛmɔ Maake hɛlɛle la 11:18 ပူးပေါင်းရင်းမြစ်များ

1 Arl 21:20

Ehabe nwunle Yilaegya ala la ɔhanle kɛ, “Hue e! Me kpɔvolɛ ɛvinde me.” Yilaegya buale ye kɛ, “Ɛhɛe, mevinde wɔ! Ɔboalekɛ wɔbɔ kpɔkɛ kɛ wɔmɔ, amumuyɛ ala a ɛyɛ wɔatia Ɛdɛnkɛma a.

1 Arl 22:18

Yizilayɛ belemgbunli ne hanle hilele Gyɛhɔhyafate kɛ, “Meanze kɛ ɔba la ɔmbanga kpalɛ ɔmmaa me, munzule yɛɛ ɔbazuzu yeamaa me a?”

1 Arl 22:8

Yizilayɛ belemgbunli ne hanle hilele Gyɛhɔhyafate kɛ, “Sonla bieko wɔ ɛkɛ mɔɔ yɛkola yɛkɔnwu ye yɛmaa ɔbiza Ɛdɛnkɛma ɔmaa yɛ a. Yemɔ a le Yemela ara Maekaya. Na mekyi ye kɔkɔ kɔkɔ zɛhae, ɔboalekɛ ɔmbɔ me munzule kpalɛ; dahuu munzule ɛtane ala a ɔbɔ me a.” Gyɛhɔhyafate buale kɛ, “Nana, mmaka mɔɔ ɛlɛka la.”

Ayezaya Buluku ne 49:7

Ɛdɛnkɛma, Yizilayɛ Kpɔnevolɛ ne, Yizilayɛ Nwuanzanwuanza Ko ne ɛlɛka ahile sonla ne mɔɔ le arelemgbunli sonvolɛ, mɔɔ maanle maanle ne mɔ ɛkpo ye, na bɛkyi ye kpole kpalɛ la kɛ, “Arelemgbunli banwu wɔ na bɛadwazo; arelemgbunli amra mrenya badu agua ɛ nyunlu, ɔboalekɛ Ɛdɛnkɛma, Yizilayɛ Nwuanzanwuanza Ko ne, mɔɔ ɛkpa nu ɛye wɔ la di nɔhalɛ.”

Edwɛkpa ne kɛmɔ Mateyu hɛlɛle la 21:15

Mɔɔ sɛlɛvolɛ mgbanyinli ne nee mɛla kilehilevolɛma ne nwunle nwanwane gyima mgbole mɔɔ ɔlɛdi, nee ngakula ne mɔ alɛra mɔɔ bɛlɛyɛ, bɛayeyɛ Gyisɛse wɔ Ɛzonlenlɛ Sua ne anu kɛ, “Ayɛlɛyelɛ ɛha Devidi Ara ne!” la, bɛvale ɛya.

Edwɛkpa ne kɛmɔ Mateyu hɛlɛle la 7:28

Mɔɔ Gyisɛse wiele ɛhye mɔ ka la, ye ngilehilelɛ ne zinle menli dɔɔnwo ne anwo,

Edwɛkpa ne kɛmɔ Maake hɛlɛle la 1:22

Ye ngilehilelɛ ne zinle menli mɔɔ diele ye la anwo, ɔboalekɛ ɔngilehile kɛ mɛla kilehilevolɛma ne mɔ la. Ɔkilehile kɛ sonla mɔɔ lɛ tumi la.

Edwɛkpa ne kɛmɔ Maake hɛlɛle la 11:32

Saa yɛka noko kɛ, ‘Ɔvi sonla a…’ ” (Bɛzulole menli ne mɔ, ɔluakɛ ɛnee awie biala ɛlie ɛdo nu kɛ Dwɔn le Nyamenle kpɔmanvolɛ.)

Edwɛkpa ne kɛmɔ Maake hɛlɛle la 12:12

Dwuu mgbanyima ne yɛle kɛ bɛkye ye, ɔluakɛ bɛnwunle kɛ ɔbule ɛrɛlɛ ne ɔtiale bɛ. Noko bɛzulole menli dɔɔnwo ne, yemɔti bɛgyakyile ye na bɛhɔle.

Edwɛkpa ne kɛmɔ Maake hɛlɛle la 3:6

Zɔhane ati Falasiima ne vile nyianu sua ne anu vindele, na ndɛndɛ ne ala bɛ nee Belemgbunli Hɛlɔdo eku ne anu amra ne mɔ hɔvale adwenle kɛ bɛku ye.

Edwɛkpa ne kɛmɔ Maake hɛlɛle la 6:20

Hɛlɔdo zulole, ɔboalekɛ Dwɔn le sonla mɔɔ ye ɛbɛla tenrɛ na ɔ nwo te a, yemɔti ɔvale ye ɔziele kpalɛ. Ɔhulole kɛ ɔkɛdie Dwɔn anloa edwɛkɛ, noko kenle mɔɔ ɔkɛdie ye la ɛnee ɔ ti akunlu ɛzɛkye bɔkɔɔ.

Edwɛkpa ne kɛmɔ Luku hɛlɛle la 19:47

Kenle biala Gyisɛse kilehile wɔ Ɛzonlenlɛ Sua ne anu. Sɛlɛvolɛ mgbanyinli ne, mɛla kilehilevolɛma ne, yɛɛ mgbanyima ne mɔ kpondɛle kɛ bɛkɛhu ye,

Edwɛkpa ne kɛmɔ Luku hɛlɛle la 2:47

Nrɛlɛbɛ mɔɔ wɔ ye nyelebɛnloa nee ye ndelebɛbo nu la zinle bɛdabɛ mɔɔ ɛnee bɛlɛtie ye la anwo.

Edwɛkpa ne kɛmɔ Luku hɛlɛle la 20:19

Mɛla kilehilevolɛma ne nee sɛlɛvolɛ mgbanyinli ne mɔ yɛle kɛ bɛkye Gyisɛse ɛkɛ ne ala, ɔboalekɛ bɛze kɛ ɔbule ɛrɛlɛ ne ɔtiale bɛ; noko akee bɛzulole menli ne anye.

Edwɛkpa ne kɛmɔ Luku hɛlɛle la 4:22

Bɛ muala bɛ nye liele ɔ nwo na ye ɛdendɛlɛ bɔbɔ zinle bɛ nwo, na bɛzele kɛ, “Asoo tɛ Dwosefi ara ye ɛ?”

Dw 7:1

Ɛhye anzi, Gyisɛse hɔle akpɔsa wɔ Galeli maanzinli nu. Yeangulo kɛ ɔkɛhɔ Dwudiya, ɔluakɛ ɛnee Dwuu mgbanyima ne mɔ ɛlɛtɛ ye wɔ ɛkɛ ne ahu ye.

Dw 7:19

Tɛ Mosisi a vale mɛla ne rɛlɛle bɛ la ɔ? Noko bɛ nuhua ko biala ɛnli mɛla ne azo. Duzu ati a bɛkpondɛ kɛ bɛku me ɛ?”

Dw 7:46

Bɛbuale bɛ kɛ, “Awie biala ɛtɛtendɛle kɛ nrenya ɛhye tendɛ la.”

Ɛzoanvolɛma Gyima ne 24:25

Pɔɔlo noko hɔle zolɛ, na mɔɔ ɔka boɛlilɛ, bɛ nwo zo ɛhomonlɛ, yɛɛ Ndɛnebualɛ Kenle ne mɔɔ bara la anwo edwɛkɛ la, Filekese ahonle dule na ɔzele kɛ, “Yeyɛ boɛ, kɔ. Saa menyia alagye a mebazoa meamaa bɛarava wɔ bieko.”