Edwɛkpa ne kɛmɔ Maake hɛlɛle la 10:5 - BAEBOLO ANZƐƐ BULUKU NWUANZANWUANZA

⁵ Gyisɛse zele bɛ kɛ, “Ɔlua bɛ anzosesebɛ ti yɛɛ Mosisi hɛlɛle mɛla ɛhye manle bɛ a.

Edwɛkpa ne kɛmɔ Maake hɛlɛle la 10:5 ပူးပေါင်းရင်းမြစ်များ

Nihɛmaya Buluku ne 9:26

“Wɔ menli ne dele ɛ nwo atua na bɛandie wɔ aneɛ, bɛhakyile bɛ nzi bɛzile wɔ mɛla ne. Bɛhunle Nyamenle kpɔmanvolɛma mɔɔ bɔle bɛ kɔkɔ, na bɛzele bɛ kɛ bɛzia bɛdoa wɔ la; bɛbɔle munzule kpole!

Edwɛkpa ne kɛmɔ Mateyu hɛlɛle la 19:8

Gyisɛse buale kɛ, “Mosisi manle bɛ adenle kɛ bɛbɔ bɛ ye mɔ ewole ɔboalekɛ bɛ nzo yɛ se. Mɔlebɛbo ne amuala ɛnee ɔnle zɔ.

Ɛzoanvolɛma Gyima ne 7:51

Sitivin hɔle zolɛ zele bɛ kɛ, “Bɛdabɛ, bɛ nzo yɛ se kpalɛ! Bɛnlie Nyamenle bɛnli fee; bɛkpɔla bɛ nzo anzi wɔ Nyamenle edwɛkɛ ne anwo! Bɛva bɛ nlenya mɔ agyakɛ, dahuu bɛko bɛtia Sunsum Nwuanzanwuanza ne!

Mɛla 24:1

“Saa nrenya gya raalɛ na nzinlii ɔnwu kɛ raalɛ ne ɛnli ɔ nwo eni a, ɔhɛlɛ ewolebɔlɛ kɛlata ɔwula ɔ sa nu na ɔye ye ali wɔ ye sua nu ɛkɛ.

Mɛla 31:27

Ɔluakɛ meze kɛ bɛngyɛ na bɛade atua. Mɔɔ medame mumua ne mede aze la, medame me nye zo, bɛdele Ɛdɛnkɛma anwo atua, na akee mɔɔ menwɔwu la!

Mɛla 9:6

Zɔhane ati bɛnwu ye kɛ, tɛ bɛ tenlene ti yɛɛ Ɛdɛnkɛma bɛ Nyamenle ne ɛlɛfa azɛlɛ ne amaa bɛadɛnla zolɛ a, ɔluakɛ bɛle menli mɔɔ bɛ nzo yɛ se kpalɛ a.