Edwɛkpa ne kɛmɔ Maake hɛlɛle la 10:4 - BAEBOLO ANZƐƐ BULUKU NWUANZANWUANZA

⁴ Bɛbuale kɛ, “Mosisi manle adenle kɛ nrenya ne ɛhɛlɛ ewolebɔlɛ kɛlata ɛmaa ɔ ye na ɔgyakyi ye.”

Edwɛkpa ne kɛmɔ Maake hɛlɛle la 10:4 ပူးပေါင်းရင်းမြစ်များ

Ayezaya Buluku ne 50:1

Ɛdɛnkɛma se, “Bɛ nli kɛlata ne mɔɔ mengɛlɛle membɔle ye ewole, menvoanle ye la wɔ nienwu? Anzɛɛ nwane a metua ye kakɛ, mɔɔ ɔlua zo medɔne bɛ memaa ye a? Bɛnlea, ɔlua bɛdabɛ bɛ ɛtane nee bɛ mɛladonlɛ ti yɛɛ bɛdɔne bɛ na bɛvoa bɛ nli a.

Gyɛlɛmaya Buluku ne 3:1

Ɛdɛnkɛma se, “Saa ɛbɔ raalɛ ewole na ɔkɔ na nrenya fofolɛ gya ye a ɔ hu ne ɛngola ɛngya ye bieko. Saa ɔsia ɔgya ye bieko a ɛnee yeva evinli yeha azɛlɛ ne. Yizilayɛma, asoo mɔɔ bɛ nee bɛ kulovolɛma ɛbɔ tuutuu ɛbɛla la, bɛbahola bɛazia bɛara me nwo ɛkɛ ne bieko?

Edwɛkpa ne kɛmɔ Mateyu hɛlɛle la 1:19

Kɛmɔ ɛnee Dwosefi le sonla mɔɔ di pɛlepɛle na yeangulo kɛ ɔkɛbɔ ye anyiemgba la, ɔdwenlenle nwolɛ kɛ ɔfa ahane yeahɔye ɔ nloa wɔ ɔ nwo.

Edwɛkpa ne kɛmɔ Mateyu hɛlɛle la 19:7

Falasiima ne bizale ye kɛ, “Ɛnee duzu ati a Mosisi lile mɛla kɛ nrenya mɔɔ bɔ ɔ ye ewole la ɔwɔ kɛ maa ye ewolebɔlɛ kɛlata na ɔye ye ali ɛ?”

Edwɛkpa ne kɛmɔ Maake hɛlɛle la 10:3

Gyisɛse bizale bɛ kɛ, “Duzu mɛla a Mosisi vale manle bɛ a?”