Edwɛkpa ne kɛmɔ Maake hɛlɛle la 10:39 - BAEBOLO ANZƐƐ BULUKU NWUANZANWUANZA

³⁹ Bɛbuale kɛ, “Yɛkɛhola.” Gyisɛse zele bɛ kɛ, “Amgba, bɛkɛhola amaneɛnwunlɛ dwora ne mɔɔ ɔwɔ kɛ meno nu la anu no, bɛkɛlie ewule ɛzɔnenlɛ ne mɔɔ bɛfa bɛazɔne me la die,

Edwɛkpa ne kɛmɔ Maake hɛlɛle la 10:39 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 10:25

Ɔwɔ kɛ ɛdoavolɛ biala yɛ kɛ ɔ menle la, yɛɛ ɔwɔ kɛ akɛlɛ yɛ kɛ ɔ menle la. Saa bɛvɛlɛ sua menle ne Biyɛlezɛbɛle a, ɛnee ye sua nu ɛkɛ ne amra ɛdeɛ bɛkɛvɛlɛ bɛ aluma dɔɔnwo kpalɛ.

Edwɛkpa ne kɛmɔ Mateyu hɛlɛle la 3:6

bɛrahanle bɛ ɛtane na ɔzɔnenle bɛ wɔ Azule Dwɔdan ne anu.

Edwɛkpa ne kɛmɔ Maake hɛlɛle la 14:31

Pita vuale kɛ, “Ewule nu bɔbɔ a, menrɛha kɛ menze wɔ!” Na ɛdoavolɛma mɔɔ hale la noko vuale zɔhane ala.

Edwɛkpa ne kɛmɔ Maake hɛlɛle la 14:36

Na ɔzɛlɛle kɛ, “Egya! Me Papa, ɛkola debie biala yɛ; ye amaneɛnwunlɛ kɔpo ɛhye ɛkɛ ne maa me; noko akee, tɛ kɛmɔ mame mekulo la ɔ, na kɛmɔ wɔ ɛhulolɛdeɛ ne de la ɔ.”

Dw 13:37

Pita bizale ye kɛ, “Awulae, duzu ati a menrɛhola wɔ toa kɛkala ɛ? Meziezie me nwo kɛ saa ewule bɔbɔ a menwɔwu menwɔmaa wɔ.”

Dw 15:20

Bɛhakye mɔɔ meha mehile bɛ la; ‘Akɛlɛ ɛnle kpole ɛndɛla ɔ menle.’ Saa bɛyɛle me kpɔdekpɔde a ɛnee bɛbayɛ bɛdabɛ noko kpɔdekpɔde; saa bɛlile me ngilehilelɛ zo a, ɛnee bɛbali bɛdabɛ noko bɛ ngilehilelɛ zo.

Dw 17:14

Meha wɔ nrɛlaleɛ ne mehile bɛ, yemɔti ɛtane ewiade ɛhye kpɔ bɛ, ɔboalekɛ bɛnle ɛtane ewiade ye ɛdeɛ, kɛmɔ menle ɛtane ewiade ye ɛdeɛ la.

Ɛzoanvolɛma Gyima ne 12:2

Ɔmanle bɛpɛle Dwɔn adiema Gyemise ati.

Kɔlɔ 1:24

Kɛkala, bɛdabɛ bɛ ti ɔyɛ me fɛ kɛ melɛnwu amaneɛ a, ɔluakɛ melua me nwonane nu amaneɛnwunlɛ ye azo melɛboa meamaa Kelaese amaneɛnwunlɛ wɔ ye Asɔne ne ati ali munli.

Yekile 1:9

Mame a mele bɛ diema Dwɔn. Kelaese ati yɛ muala yɛle ko na yɛlɛ abotane yɛlɛnwu amaneɛ mɔɔ kile kɛ yɛ nwo fɛta ye Belemgbunlililɛ ne a. Bɛvale me bɛradole bɔra ye mɔɔ bɛfɛlɛ ye Patemɔso la azo, ɔluakɛ membɔle Nyamenle edwɛkɛ ne nee nɔhalɛ ne mɔɔ Gyisɛse yele hilele la nolo.