Edwɛkpa ne kɛmɔ Maake hɛlɛle la 10:38 - BAEBOLO ANZƐƐ BULUKU NWUANZANWUANZA

³⁸ Gyisɛse zele bɛ kɛ, “Bɛnze mɔɔ bɛlɛbiza bɛalie la. Asoo bɛkɛhola amaneɛnwunlɛ dwora ne mɔɔ ɔwɔ kɛ meno nu la anu no, anzɛɛ bɛkɛhola ewule ɛzɔnenlɛ ne mɔɔ ɔwɔ kɛ bɛfa bɛsɔne me la die?”

Edwɛkpa ne kɛmɔ Maake hɛlɛle la 10:38 ပူးပေါင်းရင်းမြစ်များ

1 Arl 2:22

Belemgbunli ne bizale ɔ nli kɛ, “Duzu ati a ɛbiza Abehyage agyalɛ wɔamaa Adonaegya ɛ? Saa zɔhane ɛdeɛ a ɛnee die Yizilayɛ maanle ne amuala noko boka nwo maa Adonaegya ɛ. Yemɔ a ɔle adiema koatee a. Eza yeanga ye zɔhane, sɛlɛvolɛ Abayata nee Dwowabe wɔ ɔ nzi.”

Edwɛndolɛ Buluku ne 75:8

Ɔluakɛ Ɛdɛnkɛma lɛ kɔpo ɔ sa nu, ɔlɛ nwanye mɔɔ ɛwie be na ɔlɛwu awubue la wɔ nu; ɔbawola ekyi bie yeagua, na azɛlɛ ye azo amumuyɛma banlo ɔ muala.

Ayezaya Buluku ne 51:22

Ɛdɛnkɛma, bɛ Awulae, bɛ Nyamenle ne mɔɔ die ye menli ne ati la se, “Bɛnlea, melie kɔpo ne mɔɔ maa bɛyɛ sesɛsesɛ, me ɛya kɔpo ne mɔɔ maa bɛte nyane la mevi bɛ sa nu, bɛnrɛnlo nuhua bieko;

Gyɛlɛmaya Buluku ne 25:15

Akee Ɛdɛnkɛma, Yizilayɛ Nyamenle ne zele me kɛ, “Gyɛlɛmaya, die nwanye dwora ɛhye, mɔɔ me ɛya ɛyi ye tɛkɛɛ la kɔmaa maanle maanle kɔsɔɔti mɔɔ menwɔzoa wɔ bɛ nwo ɛkɛ la ɛnlo.

Gyɛlɛmaya Buluku ne 45:5

Na wɔmɔ, ɛkpondɛ ninyɛne mgbole ɔ? Mmakpondɛ bɛ bo zo, ɔluakɛ nea, melɛmaa munzule ado menli kɔsɔɔti, na wɔmɔ, ɛleka biala mɔɔ ɛkɛhɔ la ɛlɛ ngoane. Medame Ɛdɛnkɛma a mese a.’ ”

Edwɛkpa ne kɛmɔ Mateyu hɛlɛle la 26:39

Akee ɔhɔle ɔ nyunlu ekyii la ɔbutule mutule nu na ɔzele kɛ, “Egya, saa ɛyɛ na ɔkɛyɛ boɛ a, ye amaneɛnwunlɛ dwora ye fi me nloa! Noko tɛ kɛ mɔɔ mame mekulo la ɔ, na maa ɔyɛ kɛ mɔɔ wɔ ɛhulolɛ ne de la.”

Edwɛkpa ne kɛmɔ Mateyu hɛlɛle la 3:6

bɛrahanle bɛ ɛtane na ɔzɔnenle bɛ wɔ Azule Dwɔdan ne anu.

Edwɛkpa ne kɛmɔ Maake hɛlɛle la 14:36

Na ɔzɛlɛle kɛ, “Egya! Me Papa, ɛkola debie biala yɛ; ye amaneɛnwunlɛ kɔpo ɛhye ɛkɛ ne maa me; noko akee, tɛ kɛmɔ mame mekulo la ɔ, na kɛmɔ wɔ ɛhulolɛdeɛ ne de la ɔ.”

Edwɛkpa ne kɛmɔ Luku hɛlɛle la 12:50

Noko akee ɔwɔ kɛ mesɔ amaneɛnwunlɛ sa, na saa ɛhye ɛtɛsenle a me ti akunlu ɛtɛgyale!

Edwɛkpa ne kɛmɔ Luku hɛlɛle la 22:42

“Egya, saa ɔyɛ wɔ ɛhulolɛ a, ye nyanenwunlɛ dwora ɛhye fi me nloa; tɛ me ɛhulolɛdeɛ ɔ, na wɔ ɛhulolɛdeɛ ɛyɛ ɛkɛ.” [

Dw 18:11

Gyisɛse zele Pita kɛ, “Fa wɔ dadeɛ ne wula ye boa ne anu. Ɛdwenle kɛ menrɛnlo nyane kɔpo ne mɔɔ Egya ɛva ɛmaa me la anu ɔ?”

Wulo 8:26

Zɔhane ala yɛɛ kɛmɔ yɛnlɛ anwosesebɛ la, Sunsum Nwuanzanwuanza ne baboa yɛ a. Ɔluakɛ yɛnze nzɛlɛlɛ yɛ, kɛmɔ ɔwɔ kɛ yɛyɛ la. Sunsum ne ɔdaye a ɔsɛlɛ Nyamenle ɔmaa yɛ wɔ nyanedelɛ nee ɛkponlenlɛ mɔɔ ɛnloanlɛ ɛnrɛhola ye ka la anu a.

Gyemise Kɛlata ne 4:3

Bɛbiza noko a bɛ sa ɛnga ye, ɔboalekɛ bɛnva adwenle kpalɛ bɛmbiza; bɛbiza ninyɛne mɔɔ kɛmaa bɛ ngome bɛ nye kɛlie la.