Edwɛkpa ne kɛmɔ Maake hɛlɛle la 10:24 - BAEBOLO ANZƐƐ BULUKU NWUANZANWUANZA

²⁴ Edwɛkɛ ɛhye hwenle ɛdoavolɛma ne nu kpalɛ, na Gyisɛse hɔle zolɛ zele kɛ, “Ayi mɔ, Nyamenle Belemgbunlililɛ ne ɛnyianlɛ yɛ se kpalɛ!

Edwɛkpa ne kɛmɔ Maake hɛlɛle la 10:24 ပူးပေါင်းရင်းမြစ်များ

Edwɛndolɛ Buluku ne 17:14

O Ɛdɛnkɛma, fa wɔ tumi ne die me fi menli sa nu, menli mɔɔ bɛ kyɛfoa a le ewiade la. Maa mɔɔ wɔva wɔzie bɛ la ɛyi bɛ ko; maa bɛ mra ɛnyia bie ɛmaa ɔbo zo; na bɛdabɛ bɛgyakyi bie bɛmaa bɛ mra.

Edwɛndolɛ Buluku ne 52:7

“Bɛnlea sonla ne mɔɔ anva Nyamenle anyɛ ye ɛvealeka, na ɔvale ɔ rɛle ɔwulale ye anwonyia kpole ne anu na ɔvale ye anwonyia ɔyɛle ye ɛvealeka la.”

Edwɛndolɛ Buluku ne 62:10

Mmafa ɛ rɛle ɛwula apobɔlɛ nu, mmafa ɛ nye ɛto ɛwualɛ zo; saa anwonyia nu noko a, mmafa wɔ ahonle ɛto zo.

Mrɛlɛbulɛ Buluku ne 11:28

Sonla mɔɔ fa ɔ rɛle wula ye anwonyia nu la babɔ aze, na mɔɔ le tenlene la bayɛ duhuduhu kɛ nya amolɛ.

Mrɛlɛbulɛ Buluku ne 18:11

Sukoavolɛ anwonyia le ye suakpole ɛsesebɛ; ɔle kɛ bane tendenle ɔbɔ ɔ nwo bane.

Mrɛlɛbulɛ Buluku ne 23:5

ɔluakɛ ezukoa lɛ ndɛbalɛ; ɔkola ɔtu arɛlevilɛ nu kɛ kɔleɛ ɔminliminli ɛ nye zo.

Gyɛlɛmaya Buluku ne 9:23

Ɛdɛnkɛma se, “Nrɛlɛbɛvolɛma mmafa bɛ nrɛlɛbɛ ne tu bɛ nwo, anwosesebɛma mmafa bɛ anwosesebɛ ne tu bɛ nwo, yɛɛ sukoavolɛma mmafa bɛ anwonyia ne tu bɛ nwo.

Habakɛke Buluku ne 2:9

Munzule ɛha sonla ne mɔɔ fa adenle ɛtane zo kpondɛ anyiabɛnwo ba ye awuke nu, maa ye awuke ne yɛ bedevinli na ɔbɔ ɔ nwo bane, amaa awie biala angyegye ye la.

Zɛfanaya Buluku ne 1:18

Bɛ ezukoa nvutuke nee dwɛtɛ fufule ɛnrɛhola ɛnrɛlie bɛ wɔ Ɛdɛnkɛma ɛya kenle ne anu. Ewiade amuala bayela wee wɔ ye ɛya senle ne anu, ɔluakɛ ɔbazɛkye bɛdabɛ mɔɔ bɛwɔ azɛlɛ ye azo la arɛlevilɛ nu.

Edwɛkpa ne kɛmɔ Mateyu hɛlɛle la 19:25

Mɔɔ ɛdoavolɛma ne dele ɛhye la, ɔzinle bɛ nwo kpole, na bɛbizale ye kɛ, “Ɛnee akee nwane a kɛnyia ngoane a?”

Edwɛkpa ne kɛmɔ Maake hɛlɛle la 1:27

Ɛhye yɛle menli ne amuala azibɛnwo kpole na bɛbizale bɛ nwo ngoko kɛ, “Duzu edwɛkɛ ɛ? Ngilehilelɛ fofolɛ boni ɛ? Nrenya ye lɛ tumi mɔɔ ɔtendɛ ɔkile sunsum ɛtane ne mɔ bɔbɔ a, bɛtie ye!”

Edwɛkpa ne kɛmɔ Maake hɛlɛle la 10:23

Gyisɛse hakyile ɔ nye nleanle ye ɛdoavolɛma ne mɔ na ɔzele bɛ kɛ, “Ɔbayɛ se yeamaa sukoavolɛma kɛ bɛkɛnyia Nyamenle Belemgbunlililɛ ne a.”

Edwɛkpa ne kɛmɔ Luku hɛlɛle la 16:14

Falasiima ne mɔ dele ɛhye amuala la, bɛgolole Gyisɛse anwo, ɔboalekɛ bɛkulo ezukoa kpalɛ.

Dw 13:33

Me mra, me nee bɛ ɛnrɛdɛnla ɛnrɛhyɛ. Bɛbakpondɛ me, na mɔɔ menganle mengilele Dwuu mgbanyima ne mɔ la yɛɛ meka meahile bɛdabɛ noko a. ‘Bɛnrɛhola ɛleka mɔɔ melɛkɔ la kɔ’.

Dw 21:5

Na ɔbizale bɛ kɛ, “Mgbavolɛ ye mɔ, bɛhyele fɛlɛ ɔ?” Bɛbuale ye kɛ, “Yɛannyia debie!”

Dw 6:60

Menli ne mɔɔ doa ye la anu dɔɔnwo dele ɛhye mɔɔ ɔhanle la na bɛhanle kɛ, “Ngilehilelɛ ɛhye yɛ se. Nwane a kɛhola ɛhye azo di a?”

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:19

O me mra ngakula, medi bɛ nwo nyane, na mete ye wɔ me nwonane nu kɛ raalɛ mɔɔ ɛvo awolɛ zo la, na ɔbahɔ zo zɔhane kɔkpula mekɛ mɔɔ bɛkɛnyia Kelaese su ne wɔ bɛ nu la.

1 Tem 6:17

Tendɛ kile bɛdabɛ mɔɔ bɛlɛ ngoane ɛhye anu anwonyia la kɛ bɛmmamemaa bɛ nwo zo, yɛɛ bɛmmafa bɛ nye bɛto ninyɛne mɔɔ pɛ nu se kɛ anwonyia la azo, bɛmaa bɛ nye ɛla Nyamenle mɔɔ maa yɛ debie biala molozo mɔɔ yɛfa yɛdie yɛ nye la anwo zo.

1 Dw 2:1

Me mra ngakula, melɛkɛlɛ bɛ kɛlata ɛhye, amaa bɛanyɛ ɛtane, na saa bɛ nuhua bie yɛ ɛtane a, yɛlɛ kamaavolɛ wɔ Selɛ ne anwo lɔ mɔɔ kpa yɛ ti kyɛlɛ a, yemɔ a le Gyisɛse Kelaese, mɔɔ le fɔɔnwonli ko ne.

1 Dw 4:4

Me mra ngakula, bɛmɛ bɛle Nyamenle ɛdeɛ, na bɛli Nyamenle kpɔmanvolɛma adalɛ ɛhye mɔ anwo zo konim, ɔluakɛ sunsum ne mɔɔ wɔ bɛ nu la le kpole tɛla sunsum ne mɔɔ wɔ ɛtane ewiade ye amra anu la.

1 Dw 5:21

Me mra ngakula, bɛhwe bɛ nwo bɛvi awozonle ɛzonlenlɛ nwo.

Yekile 3:17

Wɔmɔ ɛse, ‘Mede boɛ, menyia me nwo. Mengyia ɛhwee.’ Ɛnze kɛ ɛyɛ anwunvɔne na ɛ nwo yɛ alɔbɔlɛ. Ɛnlɛ bie, ɛlɛ ɛ nwo zɔ, yɛɛ ɛ nye ɛzi.