Edwɛkpa ne kɛmɔ Maake hɛlɛle la 10:14 - BAEBOLO ANZƐƐ BULUKU NWUANZANWUANZA

¹⁴ Mɔɔ Gyisɛse nwunle ye la, ɔvale ɛya na ɔzele ye ɛdoavolɛma ne mɔ kɛ, “Bɛgyakyi ngakula ne mɔ bɛmaa bɛrɛla me nwo, bɛmmatua bɛ, na bɛdabɛ mɔɔ bɛle kɛ ɛhye mɔ zɛhae la yɛɛ Nyamenle Belemgbunlililɛ ne le bɛ ɛdeɛ a.

Edwɛkpa ne kɛmɔ Maake hɛlɛle la 10:14 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 17:7

“Me nee wɔ nee ɛ bo zo amra bayɛ ngyekyeleɛ mɔɔ baha awolɛndoazo ne mɔ amuala la, na yeayɛ ngyekyeleɛ mɔɔ bɛntulu ye ɛlɛ a. Mebayɛ wɔ Nyamenle na meayɛ ɛ bo zo amra noko Nyamenle.

Edwɛndolɛ Buluku ne 78:4

Yɛnrɛva yɛnrɛvea bɛ nlɔnra, yɛbaha yɛahile awolɛndoazo mɔɔ bara la. Ɛdɛnkɛma lile gyima mgbole, ɔlɛ tumi, yɛɛ ɔyɛle nwanwane ninyɛne dɔɔnwo.

Ayezaya Buluku ne 65:23

Bɛnrɛvɛ ɛvɛlɛ mgbane, anzɛɛ bɛnrɛwo mralɛ bɛnrɛmaa munzule ɛnrɛzi bɛ nwo zo, ɔluakɛ bɛbayɛ Ɛdɛnkɛma menli ne mɔɔ yeyila bɛ la amra. Bɛ bo zo amra noko banyia nyilalɛ ne bie.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:31

Na bɛ mra ne mɔ mɔɔ bɛhanle kɛ bɛbadɔ donvula la, me nee bɛ bahɔ azɛlɛ ne mɔɔ bɛkpo la azo.

Edwɛkpa ne kɛmɔ Mateyu hɛlɛle la 18:10

“Bɛnlea na bɛambu ngakula ɛhye mɔ anu biala, kɛ ɔle mgbane, ɔluakɛ anwuma lɔ, bɛ soanvolɛma nwu Egya mɔɔ wɔ anwuma la anyunlu dahuu. [

Edwɛkpa ne kɛmɔ Mateyu hɛlɛle la 18:4

Mɔɔ le kpole kpalɛ wɔ Anwuma Belemgbunlililɛ nu la a le sonla ne mɔɔ bɛlɛ ɔ nwo aze na ɔyɛ kɛ kakula ɛhye la.

Edwɛkpa ne kɛmɔ Mateyu hɛlɛle la 19:14

Na Gyisɛse zele ɛdoavolɛma ne kɛ, “Bɛmmasi ngakula ne mɔ aze, bɛmaa bɛ adenle bɛmaa bɛrɛla me nwo, na Anwuma Belemgbunlililɛ ne le bɛdabɛ mɔɔ bɛle kɛ ɛhye mɔ zɛhae la ɛdeɛ.”

Edwɛkpa ne kɛmɔ Mateyu hɛlɛle la 5:10

“Nyilalɛ ɛha bɛdabɛ mɔɔ bɛyɛ bɛ kpɔdekpɔde kɛ bɛbɔ mɔdenle bɛyɛ mɔɔ Nyamenle kpondɛ la; Anwuma Belemgbunlililɛ ne le bɛ ɛdeɛ!

Edwɛkpa ne kɛmɔ Mateyu hɛlɛle la 5:3

“Nyilalɛ ɛha bɛdabɛ mɔɔ bɛze kɛ bɛdi Nyamenle Sunsum ne anwo ehyia la, Ɔluakɛ bɛbanwu Anwuma Belemgbunlililɛ ne!

Edwɛkpa ne kɛmɔ Maake hɛlɛle la 3:5

Gyisɛse vale ɛya na ɔnleanle bɛ nyunlu ɔyiale, noko eza ɔlile bɛ nwo nyane, ɔluakɛ bɛle menli mɔɔ ɛzua anyetele na bɛ ti yɛ se a. Yemɔti ɔzele nrenya ne kɛ, “Tenrɛ ɛ sa ne anu.” Nrenya ne denrɛle ɔ sa ne mɔɔ ɛdwe la anu, na ɔyɛle kpalɛ bieko.

Edwɛkpa ne kɛmɔ Maake hɛlɛle la 8:33

Na Gyisɛse hakyile ɔ nwo na ɔnwunle ye ɛdoavolɛma ne mɔ la, ɔdeanle Pita ɔzele kɛ, “Seetan, twe ɛ nwo fi ɛkɛ ne. Ɛndu folɛ kpalɛ! Wɔ adwenle ne ɛnvi Nyamenle, ɔle sonla adwenle.”

Dw 3:3

Gyisɛse buale ye kɛ, “Meka nɔhalɛ meahile wɔ: awie biala ɛnrɛnwu Nyamenle Belemgbunlililɛ ne kyesɛ bɛwo ye fofolɛ.”

Dw 3:5

Gyisɛse buale kɛ, “Meka nɔhalɛ ne meahile wɔ: kyesɛ bɛfa nzule nee Sunsum Nwuanzanwuanza ne bɛsɔne sonla anrɛɛ ɔnrɛnwu Nyamenle Belemgbunlililɛ ne ɛlɛ.

Ɛzoanvolɛma Gyima ne 2:39

Ɔluakɛ Nyamenle ɛwɔkɛ ne le bɛ nee bɛ mra nee menli mɔɔ wɔ ɛleka muala, mɔɔ yɛ Awulae Nyamenle ne kɛvɛlɛ bɛ la ɛdeɛ.”

Ɛzoanvolɛma Gyima ne 3:25

Nyamenle ɛwɔkɛ ne mɔɔ ɔluale ye kpɔmanvolɛma anwo zo ɔbɔle la le bɛ ɛdeɛ, yɛɛ ngyekyeleɛ ne mɔɔ Nyamenle nee bɛ nlenya mɔ kyekyele la, bɛwɔ nu bie, ɔluakɛ ɔhanle ɔhilele Ebileham kɛ, ‘Ɛ bo zo amra anwo zo yɛɛ mebalua meayila maanle maanle kɔsɔɔti a.’

Wulo 11:16

Saa bɛfa alumua kpanwo ebule ekyi ne bɛmaa Nyamenle a, ɛnee noko kpanwo kunguma ko ne amuala le ye ɛdeɛ; yɛɛ saa baka bie ndinli anwo te na bɛfa bɛbɔ azu bɛmaa Nyamenle a ɔyɛ boɛ a, ɛnee ye ngane ne mɔ amuala noko anwo te.

Wulo 11:28

Dwuuma kpole Edwɛkpa ne la ati, Nyamenle ɛyɛ kpɔvolɛ wɔ bɛmɛ mɔɔ bɛnle Dwuuma la ati. Noko kɛmɔ Nyamenle ɛkpa nu ɛye bɛ la ati, bɛle ɔ gɔnwo mɔ wɔ bɛ nlenya mɔ ati.

1 Kɔl 14:20

Mediema, bɛmmadwenle ngakula adwenle. Bɛyɛ bɛ nwo kɛ mbɔdɔma mɔɔ ɛnze ɛtaneyɛlɛ deɛ holɛ la, na bɛva mgbanyinli adwenle.

1 Kɔl 7:14

Ɔluakɛ diedinli yelɛ ne te kunli ne mɔɔ ɛnlɛ diedi la anwo maa ɔsɔ Nyamenle anye, yɛɛ diedinli nrenya ne te ɔ ye ne mɔɔ ɛnlɛ diedi la anwo maa ɔsɔ Nyamenle anye. Saa yeamba ye zɔhane a bɛ mra ne mɔ anwo ɛnrɛde, na ɔnle zɔ, bɛ nwo te.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:26

Saa ɛfa ɛya a, mmamaa ɔfa wɔ ɔkɔ ɛtane nu; eza mmamaa sɛnzɛne ne tɔ wɔ ɛya zo.

Mɛla 4:37

Kɛmɔ ɔhulole bɛ ze mɔ na ɔkpale nu ɔyele bɛ nee bɛ bo zo amra la ati, ɔyele ɔ nyunlu ɔvale tumi kpole ɔyele bɛ ɔvile Yigyibiti.

2 Tem 1:5

Mekakye nɔhalɛ diedi ne mɔɔ ɛlɛ ye, diedi ne mɔɔ ɛnee ɛ nla Loyese nee ɛ nli Yunaesi lɛ ye la bie, na medie medi kɛ ɛdawɔ noko ɛlɛ zɔhane diedi ne.

2 Tem 3:15

yɛɛ ɛkakye kɛ sumunli wɔ ngakula nu yɛɛ ɛzukoale Nyamenle Edwɛkɛ ne mɔɔ maa wɔ nrɛlɛbɛ mɔɔ saa ɛdie Kelaese Gyisɛse ɛdi a, ɔkola ɔmaa wɔ ngoanelielɛ la.

Dwɔhyua Buluku ne 8:35

Dwɔhyua gengale Mosisi mɛla ne mɔ ngoko ngoko hilele Yizilayɛma kɔsɔɔti, mrenya nee mraalɛ, ngakula, yɛɛ nyɛvolɛ mɔɔ wɔ bɛ avinli la amuala.

1 Pit 2:2

Bɛyɛ bɛ nwo kɛ nlɔma mɔɔ sunsum nu nyɛfonzule ɛhɔne ɛlɛku bɛ la, amaa saa bɛnyia ye bɛno a bɛanyi na bɛanyia ngoane.

Yekile 14:5

Bɛtɛbɔle adalɛ ɛlɛ, ɔluakɛ bɛ nwo te bɔkɔɔ.

1 Sam 1:11

Na Hana bɔle ɛwɔkɛ kɛ, “Tumivolɛ Ɛdɛnkɛma, to ɛ nye nea me, wɔ sonvolɛ; mehyia na kakye me; mmamaa ɛ rɛle fi me. Mebɔ ɛwɔkɛ kɛ saa ɛmaa menyia ɛkolɛ mewo ralɛ nrenya a menwɔdu ye nee ye ɛbɛlabɔlɛ muala menwɔmaa wɔ, na ye enrinli ko bɔbɔ, bɛnrɛde bɛnrɛdo aze.”

1 Sam 1:22

Hana angɔ bie. Ɔzele ɔ hu kɛ, “Mekendɛ, saa kakula ne pɛ nyɛfonlɛ na ɔ nwo kputi a mebava ye meahɔ Ɛdɛnkɛma Ɛzonlenlɛ Sua ne anu, na ɛkɛ ne yɛɛ ɔbadɛnla dahuu a.”