Edwɛkpa ne kɛmɔ Maake hɛlɛle la 1:7 - BAEBOLO ANZƐƐ BULUKU NWUANZANWUANZA

⁷ Ɔbɔle nolo ɔhilele menli ne kɛ, “Sonla ne mɔɔ li me nzi ɛlɛba la lɛ tumi tɛla me. Menfɛta kɛ menwɔbutu kɛ mesianyi ye mgbɔlaboa zo nyɛma bɔbɔ.

Edwɛkpa ne kɛmɔ Maake hɛlɛle la 1:7 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 3:11

Mame mefa nzule a mesɔne bɛ a, amaa bɛanwu kɛ bɛnlu bɛ nwo, na awie bie vi me nzi ɛlɛba mɔɔ yemɔ ɔle kpole ɔtɛla me a. Menfɛta kɛ menwɔzoa ye mgbɔlaboa bɔbɔ. Na yemɔ, ɔbava Sunsum Nwuanzanwuanza ne nee ndɛnebualɛ senle ne a yeazɔne a.

Edwɛkpa ne kɛmɔ Mateyu hɛlɛle la 3:14

Na Dwɔn hanle kɛ, “Menfɛta kɛ menwɔzɔne wɔ. Wɔmɔ a ɔwɔ kɛ ɛsɔne me a, na duzu ati a wɔra kɛ menzɔne wɔ ɛ?”

Edwɛkpa ne kɛmɔ Maake hɛlɛle la 1:6

Dwɔn wula tɛladeɛ mgbane bie mɔɔ bɛva afunlumu enrinli a bɛnwo la, na ɔhye nwoma akyeso; ye aleɛ a le abɛbɛ nee wolɛ.

Edwɛkpa ne kɛmɔ Maake hɛlɛle la 1:8

Mame, mefa nzule a mesɔne a; na yemɔ, ɔbava Sunsum Nwuanzanwuanza ne a yeazɔne bɛ a.”

Edwɛkpa ne kɛmɔ Luku hɛlɛle la 3:16

Yemɔti Dwɔn zele bɛ kɛ, “Mame, mefa nzule a mesɔne bɛ a, na awie ɛlɛba mɔɔ ɔle kpole ɔtɛla me a. Sonla zɔhane mgbɔlaboa bɔbɔ, menfɛta kɛ menwɔzianyi zolɛ nyɛma. Na yemɔ, ɔbava Sunsum Nwuanzanwuanza ne nee senle a yeazɔne bɛ a.

Dw 1:27

Yemɔ, ɔli me nzi ɔlɛba, na menfɛta kɛ menwɔzianyi ye mgbɔlaboa zo nyɛma bɔbɔ.”

Ɛzoanvolɛma Gyima ne 13:25

Na mɔɔ Dwɔn bawie ye gyima ne la, ɔbizale menli ne kɛ, ‘Bɛdwenle kɛ mame a le nwane? Tɛ mɔɔ bɛlɛkendɛ ye la a le me. Na nea, ɔli me nzi ɔlɛba, na ye mgbɔlaboa bɔbɔ menfɛta kɛ menwɔyeye.’

Ɛzoanvolɛma Gyima ne 19:4

Na Pɔɔlo zele bɛ kɛ, “Dwɔn zɔnenle menli mɔɔ nlunle bɛ nwo wɔ bɛ ɛtane nwo la; na ɔzele Yizilayɛma kɛ bɛva bɛ rɛle bɛwula mɔɔ ɔli ɔ nzi ɛlɛba la anu. Na sonla zɔhane a le Gyisɛse.”

1 Sam 25:41

Abegeli dwazole na ɔbɔle ɔ ti aze na ɔhanle kɛ, “Mele ye sonvolɛ mɔɔ ɛboɔboa ɔ nwo kɛ ɔkɛwowo ye sonvolɛma agyakɛ anwo a.”