Edwɛkpa ne kɛmɔ Maake hɛlɛle la 1:5 - BAEBOLO ANZƐƐ BULUKU NWUANZANWUANZA

⁵ Menli dɔɔnwo vi Dwudiya maanzinli ne anu nee suakpole Gyɛlusalɛm azo hɔle kɛ bɛkadie Dwɔn. Bɛhanle bɛ ɛtane ne mɔ na ɔzɔnenle bɛ wɔ Azule Dwɔdan ne anu.

Edwɛkpa ne kɛmɔ Maake hɛlɛle la 1:5 ပူးပေါင်းရင်းမြစ်များ

Edwɛndolɛ Buluku ne 32:5

Menganle me ɛtane mengilele wɔ; meanvea me amumuyɛ zo. Menganle kɛ, “Meka me mɛladonlɛ meahile Ɛdɛnkɛma!” na ɛvale me ɛtane ɛhyɛle me.

Mrɛlɛbulɛ Buluku ne 28:13

Sonla mɔɔ fea ye mɛladonlɛ zo la ɛnrɛkpazi, na sonla mɔɔ ka ye ɛtane na ɔgyakyi ye ɛyɛlɛ la, bɛse ye anwunvɔne.

Edwɛkpa ne kɛmɔ Mateyu hɛlɛle la 4:25

Akee menli dɔɔnwo ne ala mɔɔ vi Galeli nee Azuamgbole Bulu ne azo, Gyɛlusalɛm nee Dwudiya maanzinli nu nee Azule Dwɔdan ne anzi lɔ la amuala doale ye.

Edwɛkpa ne kɛmɔ Maake hɛlɛle la 1:4

Mekɛ ne anu Dwɔn vindele fienemgbole ne anu, ɔzɔnenle menli na ɔbɔle nolo kɛ, “Bɛnlu bɛ nwo na bɛmaa bɛzɔne bɛ, na Nyamenle kɛva bɛ ɛtane ne mɔ kɛhyɛ bɛ.”

Edwɛkpa ne kɛmɔ Maake hɛlɛle la 1:6

Dwɔn wula tɛladeɛ mgbane bie mɔɔ bɛva afunlumu enrinli a bɛnwo la, na ɔhye nwoma akyeso; ye aleɛ a le abɛbɛ nee wolɛ.

Dw 1:28

Ɛhye mɔ amuala zile Bɛtani, Azule Dwɔdan ne anloa mɔɔ di kɔ aduduleɛ, ɛleka mɔɔ Dwɔn ɛlɛsɔne menli la.

Dw 3:23

Mekɛ ne anu ɛnee Dwɔn noko ɛlɛsɔne menli wɔ Enɔn mɔɔ bikye Salem la, ɔboalekɛ nzule dɔɔnwo wɔ ɛkɛ, na menli dɔɔnwo hɔle ɔ nwo ɛkɛ manle ɔzɔnenle bɛ.

Dw 5:35

Dwɔn le kɛ kɛnlaneɛ la, ɔzɔle na ɔdale, noko bɛ nye liele ye wienyi ne anu mekɛ ekyi bie ala.

Ɛzoanvolɛma Gyima ne 19:18

Na menli somaa ne ala mɔɔ liele lile la rale bagua nu rahanle ɛtane mɔɔ bɛyɛ bɛvea la amuala.

Ɛzoanvolɛma Gyima ne 2:38

Pita zele bɛ kɛ, “Bɛnlu bɛ nwo na bɛgyakyi ɛtane ɛyɛlɛ, na bɛmaa bɛzɔne bɛ wɔ Gyisɛse Kelaese duma nu, amaa bɛava bɛ ɛtane bɛahyɛ bɛ na bɛanyia Nyamenle ahyɛlɛdeɛ ne, mɔɔ le Sunsum Nwuanzanwuanza ne.

Gyemise Kɛlata ne 5:16

Yemɔti, bɛha bɛ ɛtane ne mɔ bɛhile bɛ nwo ngoko ngoko, na bɛzɛlɛ bɛmaa bɛ nwo ngoko ngoko, na bɛkɛde kpɔkɛ. Sonla tenlene biala nzɛlɛlɛ yɛ nla eza tumi wɔ nu.

Dwɔhyua Buluku ne 7:19

Na Dwɔhyua zele ye kɛ, “Me ra nrenya, ka nɔhalɛ ne na fa anyunlunyia maa Ɛdɛnkɛma mɔɔ le Yizilayɛ Nyamenle ne, na ye ye ayɛlɛ; to mɔɔ wɔyɛ la kpaa nu. Ka mɔɔ wɔyɛ la kile me. Mmafa ɛfea me.”