Edwɛkpa ne kɛmɔ Maake hɛlɛle la 1:24 - BAEBOLO ANZƐƐ BULUKU NWUANZANWUANZA

²⁴ “Gyisɛse mɔɔ vi Nazalɛte, kɛ yɛze wɔ ɛ? Wɔra kɛ ɛbazɛkye yɛ ɔ? Meze wɔ sonlazule: Wɔmɔ a ɛle Nyamenle Sonla ne mɔɔ anwo te la!”

Edwɛkpa ne kɛmɔ Maake hɛlɛle la 1:24 ပူးပေါင်းရင်းမြစ်များ

Edwɛndolɛ Buluku ne 16:10

Ɔluakɛ wɔanye me wɔammaa Ɛbolɔ, yɛɛ wɔammaa wɔ Nwuanzanwuanza Ko ne amkpɔlɔ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:12

Anzɛɛ yɛanze wɔ kɛ, ‘Gyakyi yɛ koonwu maa yɛzonle Yigyibitima ɔ?’ Ɔluakɛ ɔle kpalɛ kɛ anrɛɛ ɛnee yɛkɛzonle Yigyibitima tɛla kɛ yɛkɛwu yɛkɛgua fienemgbole ye anu.”

Daneɛle Buluku ne 9:24

“Ɛnyelɛzodeɛnwunlɛ ne kile kɛ wɔ menli Yizilayɛma bava ɛvolɛ ɛya nna abulahɔnla (ɛvolɛ abulasuu fane nsuu) a alie bɛ nwo nee bɛ suakpole ne wɔ ɛtane nee munzule nu, bɛayɛ bɛ ɛtane nwo mgbɔdalɛ nzɛlɛlɛ na bɛali pɛlepɛle dahuu a, amaa ɛnyelɛzodeɛnwunlɛ ne nee Nyamenle nrɛlaleɛ ne ali munli, na bɛadu Ɛzonlenlɛ Sua ne bɛamaa Nyamenle bieko.

Edwɛkpa ne kɛmɔ Mateyu hɛlɛle la 2:23

na ɔhɔdɛnlanle sua ne mɔɔ bɛfɛlɛ ye Nazalɛte la azo. Ɛhye manle mɔɔ Nyamenle luale ye kpɔmanvolɛma ne mɔ anwo zo hanle la yɛle nɔhalɛ kɛ, “Bɛbavɛlɛ ye Nazalɛtenli.”

Edwɛkpa ne kɛmɔ Mateyu hɛlɛle la 8:29

Na bɛdeanle nu kɛ, “Wɔmɔ Nyamenle Ara, duzu yɛɛ ɛkpondɛ wɔ yɛ ɛkɛ ne a? Wɔra kɛ ɛbadea yɛ kolaa na kenle ne adwu ɔ?”

Edwɛkpa ne kɛmɔ Maake hɛlɛle la 1:23

Mekɛ ne anu ala, nrenya bie mɔɔ sunsum ɛtane wɔ ɔ nwo la vindele nyianu sua ne anu na ɔdeanle nu ɔzele kɛ,

Edwɛkpa ne kɛmɔ Maake hɛlɛle la 1:25

Gyisɛse deanle sunsum ɛtane ne nu zele kɛ, “Yɛ koonwu na ɛvi ɔ nwo tu!”

Edwɛkpa ne kɛmɔ Maake hɛlɛle la 10:47

Mɔɔ ɔdele kɛ Gyisɛse mɔɔ vi Nazalɛte la a ɛlɛse la, ɔdeanle nu kɛ, “Devidi Ara Gyisɛse! Nwu me anwunvɔne!”

Edwɛkpa ne kɛmɔ Maake hɛlɛle la 14:67

Ɔnwunle Pita kɛ ɔlɛte senle wɔ ɛkɛ ne la, ɔnleanle ye koonwu na ɔzele kɛ, “Wɔmɔ, ɛ nee Gyisɛse mɔɔ vi Nazalɛte la a lua a?”

Edwɛkpa ne kɛmɔ Maake hɛlɛle la 16:6

Na kpavolɛ ne zele bɛ kɛ, “Bɛmmamaa bɛ ahonle tu, meze kɛ bɛkpondɛ Gyisɛse mɔɔ vi Nazalɛte, mɔɔ bɛbɔle ye meanubaka nu la. Ɔnle ɛke, Nyamenle ɛdwazo ye! Bɛnlea, ɛke a bɛdole ye a.

Edwɛkpa ne kɛmɔ Maake hɛlɛle la 5:7

na ɔhanle ye kpole kɛ, “Anwuma Anwuma Nyamenle Ara Gyisɛse, ɛ nee me lɛ bie ɔ? Mefa Nyamenle mekpa wɔ kyɛlɛ, mmatea me!”

Edwɛkpa ne kɛmɔ Luku hɛlɛle la 1:35

Nyamenle soanvolɛ ne buale ye kɛ, “Sunsum Nwuanzanwuanza ne bara ɛ nwo zo, na Nyamenle tumi ne baheda ɛ nwo zo. Ɛhye ati bɛbavɛlɛ kakula ne Nwuanzanwuanza, yɛɛ Nyamenle Ara.

Edwɛkpa ne kɛmɔ Luku hɛlɛle la 24:19

Ɔbizale bɛ kɛ, “Duzu edwɛkɛ?” Bɛbuale ye kɛ, “Edwɛkɛ mɔɔ ɛzi Gyisɛse mɔɔ vi Nazalɛte la anwo zo la.” Akee bɛvale bɛzɔle zolɛ kɛ, “Nrenya ɛhye le Nyamenle kpɔmanvolɛ, yɛɛ wɔ Nyamenle nee menli kɔsɔɔti anyunlu, ɔhilele kɛ tumi wɔ ye edwɛkɛhanlɛ nee ye nyɛleɛ nu.

Edwɛkpa ne kɛmɔ Luku hɛlɛle la 4:34

“Aa! Wɔmɔ Gyisɛse mɔɔ ɛvi Nazalɛte, kɛ yɛze wɔ ɛ? Wɔra kɛ ɛbazɛkye yɛ ɔ? Meze wɔ sonlazule. Wɔmɔ a ɛle Nyamenle Sonla ne mɔɔ anwo te la!”

Edwɛkpa ne kɛmɔ Luku hɛlɛle la 8:28

Mɔɔ ɔnwunle Gyisɛse la, ɔdeanle nu kpole bie, ɔradule ɔdɔle ɔ nyunlu na ɔhanle ye kpole kpalɛ kɛ, “Anwuma Anwuma Nyamenle Ara Gyisɛse, ɛ nee me lɛ bie ɔ? Mekpa wɔ kyɛlɛ, mmatea me!”

Edwɛkpa ne kɛmɔ Luku hɛlɛle la 8:37

Ɛzulolɛ kpole mɔɔ hanle Gɛlasa maanlema la manle bɛzele Gyisɛse kɛ ɔvi bɛ maanle ne anu ɔhɔ. Yemɔti Gyisɛse vole ɛlɛne nu kɛ ɔkɔ.

Dw 6:69

Kɛkala yɛlie yɛli, na yɛze kɛ wɔmɔ a ɛle Nwuanzanwuanza Ko ne mɔɔ vi Nyamenle ɛkɛ ɛra a.”

Ɛzoanvolɛma Gyima ne 2:27

Ɔluakɛ wɔmɔ Nyamenle, ɛnrɛgyakyi me ɛkɛla wɔ mɔwuamra anu, yɛɛ ɛnrɛmaa wɔ Nwuanzanwuanza Ko ne nwonane ɛnrɛkpɔlɔ.

Ɛzoanvolɛma Gyima ne 24:5

Yɛnwu kɛ sonla ɛhye le agyegyeamra kpalɛ, ɔlɛtwehwe manzonle yeado Dwuuma mɔɔ wɔ aleɛabo la amuala avinli. Ɔli fane ne mɔɔ bɛfɛlɛ ye Nazalin la ati.

Ɛzoanvolɛma Gyima ne 3:14

Ɔle sonlakpalɛ mɔɔ anwo te a, noko bɛkpole ye, na bɛkpale Paelɛte kyɛlɛ kɛ ɔdwula kɔdiawu ne ɔmaa bɛ.

Ɛzoanvolɛma Gyima ne 4:27

Hɛlɔdo nee Pɔnteɛse Paelɛte, nee bɛdabɛ mɔɔ bɛnle Dwuuma la, nee menli mɔɔ wɔ Yizilayɛ la amuala yiale nu wɔ suakpole ɛhye azo na bɛvale adwenle bɛtiale wɔ Sonvolɛ Nwuanzanwuanza Gyisɛse mɔɔ wɔyɛ ye Mɛzaya la.

Gyemise Kɛlata ne 2:19

Bɛdie bɛdi kɛ Nyamenle kokye a wɔ ɛkɛ a. Ɔdaye ne ala ɛne! Mbɔnsam noko die di, na ɛzulolɛ maa bɛ nwo wozo bɛ.

1 Dw 2:20

Na bɛmɛ, Nwuanzanwuanza Ko ne ɛmaa bɛ ye Sunsum ne bie, bɛdabɛ bɛze debie biala.

Yekile 3:7

“Kɛlɛ ɛhye kɔmaa Feladɛlefea asɔne ne Nyamenle soanvolɛ ne. “Nrɛlaleɛ ɛhye vi Nwuanzanwuanzanli ne mɔɔ le nɔhalɛnli ne ɛkɛ. Yemɔ yɛɛ ɔlɛ Belemgbunli Devidi sanvɛ ne a. Ɔto nu a, awie ɛmbuke, yɛɛ ɔbuke a, awie ɛndo nu.