Edwɛkpa ne kɛmɔ Maake hɛlɛle la 1:16 - BAEBOLO ANZƐƐ BULUKU NWUANZANWUANZA

¹⁶ Gyisɛse lua Galeli Tandane ne anloa la, ɔnwunle fɛlɛkyevoma nwiɔ kɛ bɛlɛgua asawu. Bɛmɛ a le Saemɔn nee ɔ diema Andelu.

Edwɛkpa ne kɛmɔ Maake hɛlɛle la 1:16 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 10:2

Ɛzoanvolɛma bulu nee nwiɔ ne aluma ɛne: mɔɔ lumua la a le Saemɔn, mɔɔ bɛfɛlɛ ye Pita la nee ɔ diema Andelu; Gyemise nee ɔ diema Dwɔn, mɔɔ bɛ ze a le Zɛbɛdi la;

Edwɛkpa ne kɛmɔ Maake hɛlɛle la 3:16

Menli bulu nee nwiɔ ne mɔɔ Gyisɛse vɛlɛle bɛ la a le ɛhye mɔ: Saemɔn mɔɔ Gyisɛse manle ye duma bieko kɛ bɛfɛlɛ ye Pita la,

Edwɛkpa ne kɛmɔ Maake hɛlɛle la 3:18

Andelu, Felepe, Baatɔlomiyu, Mateyu, Tɔmase, Alefiyɛse ara Gyemise, Tadease, Saemɔn mɔɔ le Maanle Kulovolɛ ne,

Edwɛkpa ne kɛmɔ Luku hɛlɛle la 6:14

Bɛmɛ a le: Saemɔn mɔɔ ɔmanle ye duma fofolɛ kɛ bɛfɛlɛ ye Pita la, nee ɔ diema Andelu; Gyemise nee Dwɔn, Felepe yɛɛ Baatɔlomiyu,

Dw 12:22

Felepe hɔhanle hilele Andelu, na bɛ mu nwiɔ bɛhɔhanle bɛhilele Gyisɛse.

Dw 6:8

Ye ɛdoavolɛma ne mɔ anu ko, Saemɔn Pita adiema Andelu hanle kɛ,

Ɛzoanvolɛma Gyima ne 1:13

Bɛdwule la, bɛhɔle anwuma sua ne mɔɔ ɛnee bɛwɔ nu la anu. Bɛmɛ a le: Pita, Dwɔn, Gyemise yɛɛ Andelu; Saemɔn mɔɔ le Maanle Kulovolɛ ne yɛɛ Felepe nee Tɔmase; Baatɔlomiyu, Mateyu, Afeɛse ara Gyemise, yɛɛ Dwudase mɔɔ le Gyemise ara ne.