Edwɛkpa ne kɛmɔ Maake hɛlɛle la 1:14 - BAEBOLO ANZƐƐ BULUKU NWUANZANWUANZA

¹⁴ Nzinlii mɔɔ bɛhyele Dwɔn bɛdole efiade la, Gyisɛse hɔle Galeli hɔbɔle Edwɛkpa ne nolo kɛ,

Edwɛkpa ne kɛmɔ Maake hɛlɛle la 1:14 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 11:2

Gyisɛse gyima mɔɔ ɛnee ɔlɛdi la nganeɛ dwule Dwɔn Sɔnevolɛ ne anzo nu wɔ mekɛ mɔɔ ɛnee ɔla efiade la. Yemɔti ɔzoanle ye ɛdoavolɛma ne bie mɔ wɔ Gyisɛse ɛkɛ ne;

Edwɛkpa ne kɛmɔ Mateyu hɛlɛle la 14:2

na ɔzele ye sonvolɛma ne kɛ, “Dwɔn Sɔnevolɛ ne ala a ɛzia ɛra ngoane nu bieko la, yemɔti a ɔlɛdi tumi gyima mgbole ɛhye mɔ a.”

Edwɛkpa ne kɛmɔ Mateyu hɛlɛle la 4:12

Mɔɔ Gyisɛse dele kɛ bɛhye Dwɔn la ɔhwenle ɔ nwo ɔhɔle Galeli.

Edwɛkpa ne kɛmɔ Mateyu hɛlɛle la 4:17

Ɔvi mekɛ zɔhane Gyisɛse bɔle ɔ bo kɛ ɔbɔ nolo kɛ, “Bɛnlu bɛ nwo na Anwuma Belemgbunlililɛ ne ɛbikye!”

Edwɛkpa ne kɛmɔ Mateyu hɛlɛle la 4:23

Gyisɛse hɔkpɔsale Galeli maanzinli ne anu amuala na ɔhilehilele wɔ bɛ nyianu azua ne mɔ anu, ɔhanle Anwuma Belemgbunlililɛ ne anwo Edwɛkpa ne, na ɔmanle menli mɔɔ ewule nee anwondolɛ ngakyile ɛha bɛ la anwo zale.

Edwɛkpa ne kɛmɔ Mateyu hɛlɛle la 9:35

Gyisɛse hɔkpɔsale maanzinli ne anu azua nee namunamu ne mɔ amuala azo, ɔhilehilele wɔ nyianu azua ne mɔ anu, ɔhanle Edwɛkpa ne mɔɔ fane Anwuma Belemgbunlililɛ ne anwo la ɔhilele menli ne. Ɔmanle menli mɔɔ ewule ngakyile ɛha bɛ nee mɔɔ anwonyane ɛbɔ bɛ la amuala anwo zale.

Edwɛkpa ne kɛmɔ Luku hɛlɛle la 3:20

Ɛtane kpole bɔbɔ mɔɔ bo ɛhye mɔ amuala azo, mɔɔ Hɛlɔdo akee yɛle la a le kɛ ɔhyele Dwɔn ɔdole efiade.

Edwɛkpa ne kɛmɔ Luku hɛlɛle la 8:1

Nzinlii Gyisɛse hɔkpɔsale azua nee namunamu zo na ɔbɔle Edwɛkpa ne mɔɔ fane Nyamenle Belemgbunlililɛ ne nolo. Ɛdoavolɛma bulu nee nwiɔ ne nee ye hɔle.

Ɛzoanvolɛma Gyima ne 20:25

“Mekpɔsa bɛ nwo zo meha Nyamenle Belemgbunlililɛ ne anwo edwɛkɛ mehile bɛ. Kɛkala, bɛ biala ɛnrɛnwu me nyunlu bieko.

Ɛzoanvolɛma Gyima ne 28:23

Na bɛ nee Pɔɔlo hilele kenle. Kenle ne dwule la, menli dɔɔnwo rayiale ɛleka mɔɔ Pɔɔlo de la. Na ɔhanle Nyamenle Belemgbunlililɛ ne anwo edwɛkɛ ɔhilehilele nu ɔhilele bɛ, na ɔbɔle mɔdenle kɛ ɔmaa bɛalie Gyisɛse anwo edwɛkɛ ne mɔɔ Nyamenle kpɔmanvolɛma nee Mosisi mɛla ne ka la bɛali. Ɔdendɛle ɛhye anwo ɔvi nwonlomɔ mangyee ne toonwo aledwolɛ.

Wulo 1:1

Medame Pɔɔlo, mɔɔ mele Kelaese Gyisɛse akɛlɛ, na Nyamenle ɛvɛlɛ me kɛ membanyɛ ɛzoanvolɛ na yeze me kɛ membɔ ye Edwɛkpa ne nolo la a melɛkɛlɛ kɛlata ɛhye a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:17

Yemɔti Kelaese rabɔle anzonudwolɛ nwo Edwɛkpa nolo ne hilele menli kɔsɔɔti; ɔbɔle ɔhilele bɛmɛ mɔɔ bɛnle Dwuuma, mɔɔ bɛwɔ moa moa la yɛɛ Dwuuma mɔɔ bikye ye la.