Edwɛkpa ne kɛmɔ Maake hɛlɛle la 1:10 - BAEBOLO ANZƐƐ BULUKU NWUANZANWUANZA

¹⁰ Mɔɔ Gyisɛse vi azule ne anu vole file zo ala la, ɔnwunle kɛ anwuma ɛbuke na Sunsum ne ɛlɛdwu ɔ nwo zo kɛ abubule la.

Edwɛkpa ne kɛmɔ Maake hɛlɛle la 1:10 ပူးပေါင်းရင်းမြစ်များ

Ayezaya Buluku ne 42:1

Ɛdɛnkɛma se, “Bɛnlea me sonvolɛ ne mɔɔ sɔ me nye la, yemɔ a mekpa nu meye ye a; me nye die ɔ nwo. Meva me Sunsum ne mewula ye, ɔbava pɛlepɛlelilɛ yeara maanle maanle ne mɔ anu.

Ayezaya Buluku ne 64:1

O kpakye anwomanyunlu na dwu aze maa awoka ne mɔ ɛnwu wɔ, na bɛkpusu.

Yizikeɛle Buluku ne 1:1

Wɔ ɛvolɛ abulasa ne anu, siane nna ne, ye kenle nnu ne azo, ɛnee medame, sɛlɛvolɛ Yizikeɛle, mɔɔ me ze a le Buzi la mewɔ Dwuuma mɔɔ bɛhye bɛ, bɛ nee bɛ ɛhɔ nlɔnu la avinli wɔ Azule Kibaa ne anloa. Na menwunle kɛ anwuma ɛbuke, na Nyamenle yele ɔ nwo hilele me.

Edwɛkpa ne kɛmɔ Mateyu hɛlɛle la 3:16

Mɔɔ bɛzɔnenle Gyisɛse bɛwiele la, ɔvi azule ne anu ɔvole file zo ndɛndɛ ne ala. Anwuma bukele na ɔnwunle kɛ Nyamenle Sunsum ne ɛlɛdwu kɛ abubule la na ɔrazinzele ɔ nwo zo.

Edwɛkpa ne kɛmɔ Maake hɛlɛle la 1:11

Na ɛnelɛ bie vi anwuma zele kɛ, “Wɔmɔ a ɛle me ra mɔɔ mekulo wɔ kpalɛ a. Me nye die ɛ nwo kpole.”

Edwɛkpa ne kɛmɔ Maake hɛlɛle la 1:9

Mekɛ ne anu Gyisɛse vi Nazalɛte mɔɔ wɔ Galeli maanzinli nu la rale, na ɔmanle Dwɔn zɔnenle ye wɔ Dwɔdan ne anu.

Edwɛkpa ne kɛmɔ Luku hɛlɛle la 3:22

na Sunsum Nwuanzanwuanza ne le kɛ abubule la dwule ɔ nwo zo. Ɛnelɛ bie vi anwuma zele kɛ, “Wɔmɔ a ɛle me Ra mɔɔ mekulo wɔ kpalɛ a. Me nye die ɛ nwo kpole.”