Edwɛkpa ne kɛmɔ Mateyu hɛlɛle la 9:2 - BAEBOLO ANZƐƐ BULUKU NWUANZANWUANZA

² Menli bie vale awie mɔɔ ɛdwidwe na ɔla ɛkpa zo la rɛlɛle ye kɛ ɔyɛ ye ayile. Mɔɔ Gyisɛse nwunle bɛ diedi ne la, ɔzele nrenya ne kɛ, “Me ra nrenya, to ɛ rɛle azule nu! Bɛva wɔ ɛtane ne mɔ bɛhyɛ wɔ.”

Edwɛkpa ne kɛmɔ Mateyu hɛlɛle la 9:2 ပူးပေါင်းရင်းမြစ်များ

Nolo 9:7

Kɔ zolɛ, di wɔ aleɛ anyelielɛ nu, na fa anyelielɛ no wɔ nza, ɔluakɛ Nyamenle ɛlie debie biala mɔɔ ɛyɛ la ɛdo nu.

Ayezaya Buluku ne 44:22

Mepia bɛ mɛladonlɛ ne mɔ amuala kɛ amungu mehɔ, yɛɛ mepia bɛ ɛtane ne mɔ kɛ ɛbɔlɛ megua; bɛzia bɛrɛla, ɔluakɛ mekpɔne bɛ.

Edwɛkpa ne kɛmɔ Mateyu hɛlɛle la 14:27

Na ɛkɛ ne ala Gyisɛse zele bɛ kɛ, “Bɛmmasulo, bɛha bɛ ahonle bɛdo azule nu na medame ɔ.”

Edwɛkpa ne kɛmɔ Mateyu hɛlɛle la 4:24

Ye nganeɛ dendenle hɔle Selea maanle ne anu amuala, na bɛvale bɛdabɛ mɔɔ ewule ngakyile ɛha bɛ na bɛlɛnwu amaneɛ: mɔɔ ɛbubu, mɔɔ awozonle ɛva bɛ, yɛɛ mɔɔ tɔ mgbutike la amuala bɛrɛlɛle ye, na ɔyɛle bɛ muala ayile.

Edwɛkpa ne kɛmɔ Mateyu hɛlɛle la 6:12

Na fa yɛ ɛtane kyɛ yɛ, Kɛmɔ yɛfa yɛkyɛ bɛdabɛ mɔɔ bɛfo yɛ la;

Edwɛkpa ne kɛmɔ Mateyu hɛlɛle la 8:10

Gyisɛse dele ɛhye la ɔzinle ɔ nwo, na ɔzele bɛdabɛ mɔɔ bɛdoa ye la kɛ, “Nɔhalɛ, metɛnwunle awie mɔɔ lɛ diedi zɛhae bie la ɛlɛ, bɔbɔ wɔ Yizilayɛma avinli.

Edwɛkpa ne kɛmɔ Mateyu hɛlɛle la 8:16

Ye nɔsolɛ nu, bɛvale menli dɔɔnwo mɔɔ sunsum ɛtane ɛva bɛ la bɛrɛlɛle ye na ɔvale ɔ nloa edwɛkɛ ɔdudule bɛ, na ɔyɛle wuleravolɛma dɔɔnwo noko ayile.

Edwɛkpa ne kɛmɔ Mateyu hɛlɛle la 9:22

Gyisɛse hakyile ɔ nye na ɔnwunle ye la, ɔzele raalɛ ne kɛ, “Ralɛ raalɛ, maa ɛ rɛle ɛdɔ wɔ azule nu. Wɔ diedi ɛmaa ɛ nwo ɛza.” Na ɛkɛ ne ala raalɛ ne anwo zale.

Edwɛkpa ne kɛmɔ Mateyu hɛlɛle la 9:5

Boni a ye ɛhanlɛ ɛnyɛ se a, kɛ ɛse awie kɛ, ‘Bɛva wɔ ɛtane ne mɔ bɛhyɛ wɔ’, anzɛɛ ‘Dwazo na tia?’

Edwɛkpa ne kɛmɔ Mateyu hɛlɛle la 9:6

Akee memaa bɛanwu kɛ medame, Sonla Ra, melɛ tumi wɔ azɛlɛ ye azo kɛ mefa ɛtane mekyɛ.” Yemɔti ɔzele nrenya ne mɔɔ ɛdwidwe la kɛ, “Dwazo, nyenya wɔ ɛkpa ne, na kɔ sua nu!”

Edwɛkpa ne kɛmɔ Maake hɛlɛle la 1:32

Ɔdwule nɔsolɛ nu mɔɔ ɛnee sɛnzɛne ne ɛdɔ la, menli vale bɛ wuleravolɛma nee bɛdabɛ mɔɔ mbɔnsam wɔ bɛ nwo la rɛlɛle Gyisɛse.

Edwɛkpa ne kɛmɔ Maake hɛlɛle la 10:49

Gyisɛse gyinlanle na ɔzele kɛ, “Bɛvɛlɛ ye bɛmaa me.” Bɛvɛlɛle nrenya anyenzinliravolɛ ne na bɛzele ye kɛ, “Ka wɔ ahonle to azule nu; dwazo na ɔlɛfɛlɛ wɔ.”

Edwɛkpa ne kɛmɔ Maake hɛlɛle la 5:34

Gyisɛse zele ye kɛ, “Me ra raalɛ, wɔ diedi ɛlie wɔ ngoane. Fa anzonudwolɛ kɔ na wɔ ewule ne ɛhɔ bɔkɔɔ.”

Edwɛkpa ne kɛmɔ Maake hɛlɛle la 6:50

ɔluakɛ ɛnee bɛ ahonle ɛdu kpole kpalɛ. Ndɛndɛ ne ala Gyisɛse zele bɛ kɛ, “Bɛdo bɛ ahonle azule nu! Medame ɔ, bɛmmasulo!”

Dw 16:33

Meha ɛhye mehile bɛ amaa saa bɛmeta me nwo a bɛanyia anzonudwolɛ. Ɛtane ewiade ɛhye bamaa bɛali nyane, noko bɛgyinla kpundii. Meli ɛtane ewiade ɛhye anwo zo konim!”

Dw 2:25

Yeangyia kɛ awie kɛha sonla nwo edwɛkɛ kɛhile ye, ɔboalekɛ ɔdaye mumua ne ɔze mɔɔ wɔ sonla biala ahonle nu la.

Dw 21:5

Na ɔbizale bɛ kɛ, “Mgbavolɛ ye mɔ, bɛhyele fɛlɛ ɔ?” Bɛbuale ye kɛ, “Yɛannyia debie!”

Ɛzoanvolɛma Gyima ne 14:9

Ɛnee nrenya ɛhye ɛlɛtie Pɔɔlo kpalɛ. Na Pɔɔlo nwunle kɛ nrenya ne ɛnyia diedi mɔɔ kola yɛ ye ayile la, ɔnleanle ye koonwu

Ɛzoanvolɛma Gyima ne 19:12

Saa bɛfa ye hameteduku anzɛɛ ahedazo bɛkɔgua awuleravolɛ nwo zo a, bɛte kpɔkɛ, na sunsum ɛtane ne mɔ fi bɛ nwo nriandi.

Ɛzoanvolɛma Gyima ne 23:11

Kenle ko ne nɔe ne, Awulae ragyinlanle Pɔɔlo anwo ɛkɛ ne na ɔzele ye kɛ, “Gyinla kpundii! Wɔli me nwo daselɛ bɔkɔɔ wɔ Gyɛlusalɛm ɛke, na ɔwɔ kɛ ɛyɛ ye zɔhane noko wɔ Wulomu.”

Wulo 5:11

Noko tɛ ɔ muala ɛ. Yɛdua Awulae Gyisɛse Kelaese anwo zo yɛdi fɛlɛko wɔ Nyamenle anu, ɔluakɛ yeyɛ yɛ Nyamenle agɔnwo mɔ.

Gyemise Kɛlata ne 2:18

Awie baze kɛ, “Sonla ne bie lɛ diedi yɛɛ ko noko kola yɛ gyima.” Me mualɛ a le kɛ, kile me kɛ sonla si nyia diedi mɔɔ gyimayɛlɛ ɛmboka nwo la, na medame noko menwɔva me gyimayɛlɛ menwɔhile wɔ me diedi.