Edwɛkpa ne kɛmɔ Mateyu hɛlɛle la 9:11 - BAEBOLO ANZƐƐ BULUKU NWUANZANWUANZA

¹¹ Falasiima bie mɔ nwunle ye na bɛzele Gyisɛse ɛdoavolɛma ne kɛ, “Duzu ati a bɛ menle nee adwuledievolɛma nee bɛdabɛ mɔɔ awie ɛmbu bɛ la to bɛ sa ɛyɛba ko anu ɛ?”

Edwɛkpa ne kɛmɔ Mateyu hɛlɛle la 9:11 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 11:19

Medame, Sonla Ra noko mera, na melɛdi meanlo a, awie biala se, ‘Bɛnlea ɛhye! Adidikpoku, nzanli, adwuledievolɛma nee bɛdabɛ mɔɔ awie ɛmbu bɛ la agɔnwo!’ Noko Nyamenle nrɛlɛbɛ ne amra ne mɔ nyɛleɛ maa bɛnwu kɛ ɔle nɔhalɛ.”

Edwɛkpa ne kɛmɔ Luku hɛlɛle la 5:30

Falasiima bie nee mɛla kilehilevolɛma bie mɔ mɔɔ boka Falasiima fane ne anwo la bizale Gyisɛse ɛdoavolɛma ne kɛ, “Duzu ati a bɛ nee adwuledievolɛma nee menli mɔɔ awie ɛmbu bɛ la to bɛ sa ɛyɛba ko anu ɛ?”

Edwɛkpa ne kɛmɔ Maake hɛlɛle la 2:16

Mɛla kilehilevolɛma ne bie mɔ mɔɔ le Falasiima la nwunle kɛ ɔ nee menli zɛhae mɔ ɛlɛdi debie la, bɛbizale ye ɛdoavolɛma ne kɛ, “Duzu ati a ɔ nee menli zɛhae mɔ to bɛ sa ɛyɛba ko anu ɛ?”

Kɛlata mɔɔ bɛhɛlɛle bɛhɔmanle Hibuluma la 5:2

Kɛmɔ ɔdaye mumua ne ɔtɔ sinli wɔ ndenle dɔɔnwo anu la ati, ɔmaa ɔ nee bɛdabɛ mɔɔ bɛnze nwolɛ bie na bɛvo la di ye bɛtɛɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:15

Ɔle nɔhalɛ kɛ bɛwole yɛ Dwuuma, na yɛnle kɛ menli mɔɔ ɛnle Dwuuma mɔɔ ɛnze Nyamenle la.

Edwɛkpa ne kɛmɔ Luku hɛlɛle la 19:7

Menli mɔɔ nwunle ye la amuala dendɛle bɛ nzo abo kɛ, “Akee ɛtanenli ɛhye sua nu a nrenya ye ɛhɔ kazokoɛ a!”

Ayezaya Buluku ne 65:5

Bɛka bɛkile bɛ gɔnwo mɔ kɛ, ‘Bɛhwe bɛ nwo, bɛmmabikye yɛ, ɔluakɛ bɛdu yɛ bɛmaa; ɔnle kɛ bɛ nwo ka yɛ.’ Ɛhye mɔ le kɛ esike wɔ me bonyi nu; bɛle kɛ senle mɔɔ sɔ alehyenlɛ biala la.

2 Dw 1:10

Saa awie ba bɛ ɛkɛ ne na ɔngilehile mɔɔ Kelaese hilehilele la a, bɛmmadie ye bɛkɔ bɛ azua nu; bɛmmayɛ ye akoaba bɔbɔ.

Edwɛkpa ne kɛmɔ Mateyu hɛlɛle la 5:46

Saa bɛkulo menli mɔɔ kulo bɛ la angome a, ɛnee duzu ahatualɛ a bɛnyia ye wɔ Nyamenle ɛkɛ a? Anzɛɛ tɛ mɔɔ adwuledievolɛma yɛ la ala ɛne?

Edwɛkpa ne kɛmɔ Mateyu hɛlɛle la 9:10

Mɔɔ Gyisɛse kpula ɔ sa wɔ Mateyu sua nu ɛkɛ ne la, adwuledievolɛma dɔɔnwo nee bɛdabɛ mɔɔ awie ɛmbu bɛ la rabokale Gyisɛse nee ye ɛdoavolɛma ne mɔ na bɛ muala bɛkpulale bɛ sa.

Ɛzoanvolɛma Gyima ne 11:3

na bɛbizale ye kɛ, “Kɛ ɔyɛle mɔɔ ɛhɔle menli mɔɔ ɛtɛyɛle bɛ mrenyanu nzonlɛ la sua nu na ɛ nee bɛ dole bɛ sa ɛyɛba ko anu ɛ?”