Edwɛkpa ne kɛmɔ Mateyu hɛlɛle la 8:4 - BAEBOLO ANZƐƐ BULUKU NWUANZANWUANZA

⁴ Na Gyisɛse bɔle ɔ nloa kɛ, “Nea, mmabɔ zo ɛkile awie biala. Kɔ na kɔva ɛ nwo kile sɛlɛvolɛ ne maa ɔnleɛnlea ɛ nwo, na bɔ azu ne mɔɔ Mosisi hyehyɛle dole ɛkɛ ne la maa awie biala ɛnwu kɛ ɛ nwo ɛza.”

Edwɛkpa ne kɛmɔ Mateyu hɛlɛle la 8:4 ပူးပေါင်းရင်းမြစ်များ

Ayezaya Buluku ne 42:21

Ye tenleneyɛlɛ ti, Ɛdɛnkɛma lile fɛlɛko, kɛ yekpogya Nyamenle mɛla ne zo yemaa bɛli ye eni.

Sɛlɛ 13:49

na saa adubue ne anye le asuomenle anzɛɛ kɔkɔlɛ wɔ ɛdanlɛ ne, nyɛma ne, nwoma ne anzɛɛ debie mɔɔ bɛva nwoma bɛyɛ la anu a, ɛnee ewule kokobɛ ɔ. Ɔwɔ kɛ bɛfa bɛkile sɛlɛvolɛ ne.

Edwɛkpa ne kɛmɔ Mateyu hɛlɛle la 10:18

yɛɛ eza bɛbahwe bɛ bɛahɔ maanle mgbanyima nee arelemgbunli nyunlu wɔ me ti, na bɛabɔ Edwɛkpa ne nolo bɛahile bɛ nee bɛdabɛ mɔɔ bɛnle Dwuuma la.

Edwɛkpa ne kɛmɔ Mateyu hɛlɛle la 16:20

Akee Gyisɛse bɔle ye ɛdoavolɛma ne mɔ anloa kɛ bɛmmaka bɛkile awie biala kɛ yemɔ a ɔle Kelaese ne.

Edwɛkpa ne kɛmɔ Mateyu hɛlɛle la 17:9

Mɔɔ bɛvi boka ne azo bɛlɛtolo bɛara la, Gyisɛse bɔle bɛ nloa kɛ, “Bɛmmaka mɔɔ bɛnwu ye la anwo bie bɛkile awie biala kɔkpula mekɛ mɔɔ bɛkɛdwazo Sonla Ra ne bɛkɛvi ewule nu la.”

Edwɛkpa ne kɛmɔ Mateyu hɛlɛle la 3:15

Gyisɛse buale kɛ, “Maa ɔyɛ zɔhane kɛkala. Ɔluakɛ ɔle kpalɛ kɛ yɛfa zɛhae adenle zo yɛyɛ mɔɔ Nyamenle kpondɛ kɛ yɛyɛ la.” Zɔhane ati Dwɔn kponlenle zolɛ na ɔzɔnenle ye.

Edwɛkpa ne kɛmɔ Mateyu hɛlɛle la 5:17

“Bɛmmadwenle kɛ mera kɛ mebazɛkye Mosisi mɛla ne nee Nyamenle kpɔmanvolɛma ngilehilelɛ ne mɔ. Meamba bɛ ɛzɛkyelɛ; mera kɛ meba meamaa bɛali munli.

Edwɛkpa ne kɛmɔ Mateyu hɛlɛle la 6:1

“Bɛnlea boɛ na bɛanyɛ bɛ Nyamenle ɛzonlenlɛ gyima ne ɛnyelɛ zo. Saa bɛyɛ ye zɔ a bɛnrɛnyia ahatualɛ wɔ bɛ anwuma Selɛ ne ɛkɛ.

Edwɛkpa ne kɛmɔ Mateyu hɛlɛle la 9:30

Na bɛ nye ne mɔ dukuedukuele. Gyisɛse bɔle bɛ nloa kɛ, “Bɛmmabɔ zo bɛmaa awie biala te.”

Edwɛkpa ne kɛmɔ Maake hɛlɛle la 13:9

“Na bɛmɛ, bɛnlea bɛ nwo boɛ kpalɛ. Bɛbahye bɛ bɛahɔ kɔɔto. Bɛbabo bɛ wɔ nyianu azua ne mɔ anu; ɔlua me ti, bɛbagyinla mgbanyima nee arelemgbunli nyunlu na bɛaha Edwɛkpa ne bɛahile bɛ.

Edwɛkpa ne kɛmɔ Maake hɛlɛle la 3:12

Gyisɛse duale bɛ kpunli kɛ bɛmmaka zɔhane edwɛkɛ ne bɛkile ye sonlazule.

Edwɛkpa ne kɛmɔ Maake hɛlɛle la 5:43

Na Gyisɛse bɔle bɛ nloa kɛ bɛmmaka bɛkile awie biala, na ɔzele bɛ kɛ, “Bɛmaa ye debie ɔli.”

Edwɛkpa ne kɛmɔ Maake hɛlɛle la 6:11

Saa bɛkɔ sua bie azo noko na menli ne anlie bɛ anzɛɛ ɛnrɛdie bɛ a, bɛvi ɛkɛ ne bɛhɔ na bɛkpɔlɔkpɔla bɛ gyakɛ anwo munlutu bɛgua, bɛva bɛhile kɛ menli ne di ɛzonle.”

Edwɛkpa ne kɛmɔ Maake hɛlɛle la 7:36

Na Gyisɛse bɔle menli ne mɔ anloa kɛ bɛmmabɔ mɔɔ ɛzi la azo bɛkile awie biala, noko bɛamkponle na bɛhanle ye dɔɔnwo kpalɛ.

Edwɛkpa ne kɛmɔ Maake hɛlɛle la 8:30

Na Gyisɛse bɔle bɛ nloa kɛ, “Bɛmmaka mɔɔ bɛha ye wɔ me nwo la bɛkile awie biala.”

Edwɛkpa ne kɛmɔ Maake hɛlɛle la 9:9

Na bɛvi boka ne azo bɛlɛdwu la, Gyisɛse bɔle ye ɛdoavolɛma ne anloa kɛ, “Bɛmmaka mɔɔ bɛnwu ye la bɛkile awie biala, kɔkpula mekɛ mɔɔ Sonla Ra ne vi ewule nu kɛdwazo la.”

Edwɛkpa ne kɛmɔ Luku hɛlɛle la 17:14

Gyisɛse nwunle bɛ la ɔzele bɛ kɛ, “Bɛhɔ na bɛva bɛ nwo bɛhɔhile sɛlɛvolɛma ne mɔ.” Mɔɔ bɛlua adenle zo bɛlɛkɔ la, bɛ nwo zale.

Edwɛkpa ne kɛmɔ Luku hɛlɛle la 21:13

Mekɛ ne anu yɛɛ ɔwɔ kɛ akee bɛbɔ Edwɛkpa ne nolo a.

Edwɛkpa ne kɛmɔ Luku hɛlɛle la 4:41

Sunsum ɛtane ne mɔ noko vi menli dɔɔnwo anwo nriandile, na bɛdeɛdeanle nu kɛ, “Wɔmɔ a ɛle Nyamenle Ara ne a!” Gyisɛse duale sunsum ɛtane ne mɔ, yeamaa bɛandendɛ bieko, ɔluakɛ bɛze kɛ yemɔ a ɔle Mɛzaya ne a.

Edwɛkpa ne kɛmɔ Luku hɛlɛle la 5:14

Gyisɛse bɔle ɔ nloa kɛ ɔmmaka ɔkile awie biala, ɔzele ye kɛ, “Kɔ na kɔva ɛ nwo kile sɛlɛvolɛ ne, na bɔ wɔ anwonzalɛ azu ne mɔɔ Mosisi hyehyɛle dole ɛkɛ ne la fa kile kɛ ɛ nwo ɛza.”

Edwɛkpa ne kɛmɔ Luku hɛlɛle la 8:56

Na ɔyɛle kakula ne awovolɛ ne azibɛnwo. Na ɔduale bɛ kɛ mɔɔ ɛzi la, bɛmmabɔ zolɛ bɛkile awie biala.

Edwɛkpa ne kɛmɔ Luku hɛlɛle la 9:21

Na Gyisɛse duale bɛ kɛ bɛmmaka ɛhye bɛkile awie biala.

Dw 5:41

“Tɛ menli ayɛlɛyelɛ yɛɛ mekpondɛ a.

Dw 7:18

Awie mɔɔ di ɔ ti anwo kilehile la kpondɛ ɔdaye ɔ ngome ɔ nyunlu. Mɔɔ kpondɛ anyunlunyia maa mɔɔ zoanle ye la ka nɔhalɛ ne, yɛɛ nvonleɛ biala ɛnle ye nu.

Dw 8:50

Memkpondɛ anyunlunyia memmaa me nwo. Awie wɔ ɛkɛ ne mɔɔ yemɔ a anyunlunyia ne le ye ɛdeɛ a, na yemɔ a bua me benle a.