Edwɛkpa ne kɛmɔ Mateyu hɛlɛle la 8:34 - BAEBOLO ANZƐƐ BULUKU NWUANZANWUANZA

³⁴ Yemɔti suakpole ne azo amra amuala rayiale Gyisɛse; na mɔɔ bɛnwunle ye la bɛzɛlɛle ye kɛ ɔvi bɛ maanle ne anu ɔhɔ.

Edwɛkpa ne kɛmɔ Mateyu hɛlɛle la 8:34 ပူးပေါင်းရင်းမြစ်များ

1 Arl 17:18

Raalɛ ne hanle hilele Yilaegya kɛ, “Nyamenle sonla, duzu edwɛkɛ a le ɛhye? Medwenle kɛ ɛrale ɛke kɛ ɛfa saleɛ wɔarɛlɛ me; amuanrɛɛ ɛrale kɛ ɛbaza me ɛtane ne mɔ wɔagua zolɛ na wɔamaa me ra ye awu.”

1 Arl 18:17

Ehabe anye bobɔle Yilaegya ala la, ɔbizale ye kɛ, “Ɛnee ɛdawɔ Yilaegya, mɔɔ wɔgyegye Yizilayɛ maanle ye kpole la ɛhye ɔ?”

Dwobu Buluku ne 21:14

“Bɛka bɛkile Nyamenle kɛ, ‘Ɛvi yɛ nwo ɛke kɔ! Yɛmkpondɛ wɔ ɛzonlenlɛ nwo ngilehilelɛ biala.

Dwobu Buluku ne 22:17

Bɛzele Nyamenle kɛ, ‘Ɛvi yɛ nwo ɛke kɔ! Duzu yɛɛ Tumivolɛ ne kɛhola kɛyɛ kɛmaa yɛ a?’

Emɔzo Buluku ne 7:12

Akee Amazaya hanle hilele Emɔso kɛ, “Nyamenle kpɔmanvolɛ, wɔha bie a yeyɛ boɛ! Sia kɔ Dwuda, kɔbɔ wɔ Nyamenle nrɛlaleɛ ne nolo wɔ nehane na di nwolɛ aleɛ.

Edwɛkpa ne kɛmɔ Mateyu hɛlɛle la 8:29

Na bɛdeanle nu kɛ, “Wɔmɔ Nyamenle Ara, duzu yɛɛ ɛkpondɛ wɔ yɛ ɛkɛ ne a? Wɔra kɛ ɛbadea yɛ kolaa na kenle ne adwu ɔ?”

Edwɛkpa ne kɛmɔ Luku hɛlɛle la 5:8

Mɔɔ Saemɔn Pita nwunle mɔɔ ɛzi la, ɔhotole Gyisɛse anyunlu ɛkɛ ne na ɔzele ye kɛ, “Awulae, twe ɛ nwo fi me nwo kɔ. Mele ɛtanevolɛ!”

Edwɛkpa ne kɛmɔ Luku hɛlɛle la 8:28

Mɔɔ ɔnwunle Gyisɛse la, ɔdeanle nu kpole bie, ɔradule ɔdɔle ɔ nyunlu na ɔhanle ye kpole kpalɛ kɛ, “Anwuma Anwuma Nyamenle Ara Gyisɛse, ɛ nee me lɛ bie ɔ? Mekpa wɔ kyɛlɛ, mmatea me!”

Ɛzoanvolɛma Gyima ne 16:39

Ɛhye ati bɛrale bɛrakpale bɛ kyɛlɛ; bɛyele bɛ efiade ne na bɛzele bɛ kɛ bɛvi suakpole ne azo bɛhɔ.

Mɛla 5:25

Saa ye zɔhane a ɛnee duzu ati yɛɛ yɛkɛhwe ewule yɛkɛmaa yɛ nwo a? Saa yɛtɛnla ɛke kɛ yɛtie Ɛdɛnkɛma yɛ Nyamenle ne ane bieko a, senle kpole ɛhye barava yɛ ahu yɛ.

1 Sam 16:4

Samoɛle diele mɔɔ Ɛdɛnkɛma hanle hilele ye la na ɔhɔle Suakpole Bɛtelɛhɛm azo. Mgbanyima ne vale sulosulo rayiale ye, na bɛbizale ye kɛ, “Ɛrale ye anzonudwolɛ nu ɔ?”