Edwɛkpa ne kɛmɔ Mateyu hɛlɛle la 8:16 - BAEBOLO ANZƐƐ BULUKU NWUANZANWUANZA

¹⁶ Ye nɔsolɛ nu, bɛvale menli dɔɔnwo mɔɔ sunsum ɛtane ɛva bɛ la bɛrɛlɛle ye na ɔvale ɔ nloa edwɛkɛ ɔdudule bɛ, na ɔyɛle wuleravolɛma dɔɔnwo noko ayile.

Edwɛkpa ne kɛmɔ Mateyu hɛlɛle la 8:16 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:26

Ɔzele bɛ kɛ, “Saa bɛtie medame Ɛdɛnkɛma, bɛ Nyamenle ne me ne, bɛyɛ debie mɔɔ sɔ me nye, bɛdi me mɛla nee me ngyehyɛlɛ ne mɔ azo a, ewule ngakyile mɔɔ memanle ɔrale Yigyibitima anwo zo la, menrɛmaa bie ɛnrɛra bɛ nwo zo; ɔluakɛ medame a mele Ɛdɛnkɛma mɔɔ metondo bɛ ewule a.”

Edwɛkpa ne kɛmɔ Mateyu hɛlɛle la 12:22

Menli bie vale nrenya bie mɔɔ sunsum ɛtane wɔ ɔ nwo na eza ɔle anyenzinliravolɛ nee mumule la rɛlɛle Gyisɛse. Gyisɛse yɛle ye ayile na nrenya ne dendɛle na ɔnwunle debie.

Edwɛkpa ne kɛmɔ Mateyu hɛlɛle la 14:14

Gyisɛse tolole rale azule ne anloa na ɔnwunle menli dɔɔnwo ne la, ɔlile bɛ nwo nyane na ɔyɛle wuleravolɛma mɔɔ wɔ nu la ayile ɔmanle bɛdele kpɔkɛ.

Edwɛkpa ne kɛmɔ Mateyu hɛlɛle la 8:15

Ɔzɔle ɔ sa, na ɛkɛ ne ala ɔdele kpɔkɛ, na ɔdwazole ɔkpondɛle debie ɔmanle bɛ.

Edwɛkpa ne kɛmɔ Mateyu hɛlɛle la 8:33

Menli mɔɔ ɛlɛnea agbolike ne mɔ la nriandile hɔle suakpole ne azo hɔhanle mɔɔ ɛzi la amuala, nee mɔɔ ɛzi menli ne mɔɔ sunsum ɛtane ne mɔ vale bɛ la anwo zo la noko.

Edwɛkpa ne kɛmɔ Mateyu hɛlɛle la 9:2

Menli bie vale awie mɔɔ ɛdwidwe na ɔla ɛkpa zo la rɛlɛle ye kɛ ɔyɛ ye ayile. Mɔɔ Gyisɛse nwunle bɛ diedi ne la, ɔzele nrenya ne kɛ, “Me ra nrenya, to ɛ rɛle azule nu! Bɛva wɔ ɛtane ne mɔ bɛhyɛ wɔ.”

Edwɛkpa ne kɛmɔ Maake hɛlɛle la 2:3

mrenya nna bie zoale nrenya bie mɔɔ ɛdwidwe la rale.

Edwɛkpa ne kɛmɔ Maake hɛlɛle la 5:8

(Ɔhanle ɛhye, ɔluakɛ ɛnee Gyisɛse ɛlɛka kɛ, “Sunsum ɛtane, ɛvi nrenya ye anwo tu!”)

Edwɛkpa ne kɛmɔ Maake hɛlɛle la 9:25

Gyisɛse nwunle kɛ menli dɔɔnwo ɛlɛba arahyele bɛ nwo zo la, ɔdeanle sunsum ɛtane ne nu na ɔzele ye kɛ, “Sunsum mumule, ɛvi kakula nrenya ye anwo tu, mmabawolo ye bieko!”

Edwɛkpa ne kɛmɔ Luku hɛlɛle la 13:12

Mɔɔ Gyisɛse nwunle ye la, ɔvɛlɛle ye na ɔzele ye kɛ, “Ɔmɔ, bɛye wɔ bɛvi wɔ anwonyane ne anu!”

Edwɛkpa ne kɛmɔ Luku hɛlɛle la 4:40

Mɔɔ sɛnzɛne ne ɛlɛkɔ ahɔdɔ la, bɛdabɛ mɔɔ bɛlɛ agɔnwolɛma mɔɔ ewule ngakyile ɛha bɛ la vale bɛ rɛlɛle Gyisɛse, na ɔvale ɔ sa ɔguguale bɛ nwo zo ngoko ngoko, ɔyɛle bɛ muala ayile ɔmanle bɛ nwo zale.

Edwɛkpa ne kɛmɔ Luku hɛlɛle la 4:41

Sunsum ɛtane ne mɔ noko vi menli dɔɔnwo anwo nriandile, na bɛdeɛdeanle nu kɛ, “Wɔmɔ a ɛle Nyamenle Ara ne a!” Gyisɛse duale sunsum ɛtane ne mɔ, yeamaa bɛandendɛ bieko, ɔluakɛ bɛze kɛ yemɔ a ɔle Mɛzaya ne a.

Ɛzoanvolɛma Gyima ne 5:15

Na ɔlua ɛzoanvolɛma ne gyima zo, nzinlii ɛnee akee bɛsoa wuleravolɛma bɛbagua ɛkpa zo wɔ awɔdenle ne mɔ azo, amaa ngyengyene nu bie ala Pita se ɛkɛ a ye ɛlawolɛ adɔ bie anwo zo na ɔ nwo aza.