Edwɛkpa ne kɛmɔ Mateyu hɛlɛle la 7:7 - BAEBOLO ANZƐƐ BULUKU NWUANZANWUANZA

⁷ “Bɛbiza na bɛ sa kɛha ye; bɛkpondɛ na bɛkɛnwu ye; bɛbɔ nu na bɛkɛbuke bɛ.

Edwɛkpa ne kɛmɔ Mateyu hɛlɛle la 7:7 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 26:32

Kenle ko ne ala Ayezeke sonvolɛma ne rahanle bula mɔɔ bɛbɔ la anwo edwɛkɛ hilele ye na bɛzele ye kɛ,

1 Arl 3:5

Kenle ko ne nɔe ne Ɛdɛnkɛma yele ɔ nwo hilele ye wɔ ɛlalɛ nu na ɔzele ye kɛ, “Duzu a ɛkpondɛ kɛ meyɛ memaa wɔ a?”

Edwɛndolɛ Buluku ne 10:17

O Ɛdɛnkɛma, tie bɛlɛvoma nzɛlɛlɛ, si bɛ ahonle; gyele ɛ nzo tie bɛ.

Edwɛndolɛ Buluku ne 10:4

Amumuyɛnli fa adubɛnwo kpo Ɛdɛnkɛma, ye adwenle muala a le kɛ, “Nyamenle ɛnle ɛkɛ.”

Edwɛndolɛ Buluku ne 119:12

O Ɛdɛnkɛma, ayɛlɛyelɛ ɛha wɔ; kilehile me wɔ mɛla ne mɔ.

Edwɛndolɛ Buluku ne 27:8

Wɔha kɛ, “Kpondɛ me nyunlu.” Meka ye me ahonle nu mekile wɔ kɛ, “Ɛdɛnkɛma, ɛ nyunlu ala a mekpondɛ a.”

Edwɛndolɛ Buluku ne 34:4

Menzɛlɛle Ɛdɛnkɛma, na ɔliele zo, na ɔliele me ɔvile me ɛzulolɛ muala anu.

Edwɛndolɛ Buluku ne 37:4

Maa ɛ nye ɛlie Ɛdɛnkɛma anwo, na ɔbamaa wɔanyia mɔɔ ɛkpondɛ la.

Edwɛndolɛ Buluku ne 50:15

Bɛzu bɛvɛlɛ me kenle biala mɔɔ ngyegyelɛ kɛdo bɛ la, na mebalie bɛ, na bɛaye me ayɛlɛ.”

Edwɛndolɛ Buluku ne 69:32

Maa bɛdabɛ mɔɔ bɛlɛsisi bɛ la ɛnwu ɛhye na bɛ nye ɛlie, bɛdabɛ mɔɔ bɛkpondɛ Nyamenle la, bɛzi bɛ ahonle.

Edwɛndolɛ Buluku ne 70:4

Maa bɛdabɛ mɔɔ bɛkpondɛ ɛ bo zo la, anye ɛlie na wɔmɔ ti bɛli fɛlɛko. Maa bɛdabɛ mɔɔ bɛkulo wɔ ngoanelielɛ ne la dahuu ɛha kɛ, “Nyamenle le bedevinli!”

Edwɛndolɛ Buluku ne 86:5

Ɔluakɛ, O Awulae, ɛle kpalɛ yɛɛ fakyɛ wɔ wɔ afoa, ɛkile wɔ ɛhulolɛ kpundii ne wɔ bɛdabɛ mɔɔ bɛsu bɛfɛlɛ wɔ la anwo zo.

Mrɛlɛbulɛ Buluku ne 8:17

Mekulo bɛdabɛ mɔɔ bɛkulo me la, yɛɛ bɛdabɛ mɔɔ bɛ nye bolo bɛkpondɛ me la nwu me.

Sɔlɔmɔn Edwɛne 3:2

Kɛkala akee medwazo meahɔkpɔsa suakpole ye azo, gua ne mɔ azo nee ɛleka wienyi ne mɔ, meakpondɛ me kulovolɛ ne. Memkpondɛle ye, na meannwu ye.

Ayezaya Buluku ne 30:19

O Zayɔnoma mɔɔ de Gyɛlusalɛm, bɛnrɛzu bieko. Nɔhalɛ, saa bɛsu bɛfɛlɛ ye a, ɔbanwu bɛ anwunvɔne. Saa ɔte bɛ ne a, ɔbalie bɛ zo.

Gyɛlɛmaya Buluku ne 33:3

Bɛzu bɛvɛlɛ me, na mebalie zolɛ; mebaha ninyɛne mgbole nee mɔɔ vea mɔɔ bɛtɛnwunle bɛ ɛlɛ la anwo edwɛkɛ meahile bɛ.

Emɔzo Buluku ne 5:4

Ɛdɛnkɛma ɛlɛse Yizilayɛma kɛ, “Bɛkpondɛ me bo zo na bɛkɛnyia ngoane.

Edwɛkpa ne kɛmɔ Mateyu hɛlɛle la 18:19

“Eza meka meahile bɛ: Saa bɛ nuhua nwiɔ yɛ ko wɔ azɛlɛ ye azo na bɛbɔ nu bɛsɛlɛ debie ko anwo a, Egya mɔɔ wɔ anwuma la kɛyɛ kɛmaa bɛ.

Edwɛkpa ne kɛmɔ Mateyu hɛlɛle la 21:22

Saa bɛdie bɛdi a, bɛ sa kɛha debie biala mɔɔ bɛkɛbiza wɔ nzɛlɛlɛ nu la.”

Edwɛkpa ne kɛmɔ Mateyu hɛlɛle la 6:33

Bɛbɔ mɔdenle bɛdwenle Nyamenle belemgbunlililɛ ne nee mɔɔ Nyamenle kpondɛ kɛ bɛyɛ la anwo kpalɛ, na ɔkɛva mɔɔ bɛhyia nwolɛ la ɔkɛmaa bɛ.

Edwɛkpa ne kɛmɔ Mateyu hɛlɛle la 7:11

Na saa bɛmɛ mɔɔ bɛle ɛtanevolɛma la bɛze kɛ ɔwɔ kɛ bɛfa ninyɛne kpalɛ bɛmaa bɛ mra a, ɛnee fane nyɛ yɛɛ bɛ Ze mɔɔ wɔ anwuma la ɛnrɛva ninyɛne kpalɛ ɛnrɛmaa bɛdabɛ mɔɔ bɛbiza ye la ɛ?

Edwɛkpa ne kɛmɔ Mateyu hɛlɛle la 7:8

Ɔluakɛ awie biala mɔɔ biza la asa ka ye; mɔɔ kpondɛ la nwu ye, yɛɛ mɔɔ bɔ nu la, bɛbuke ye.

Edwɛkpa ne kɛmɔ Maake hɛlɛle la 11:24

Ɛhye ati meka meahile bɛ, saa bɛsɛlɛ bɛabiza debie a, bɛlie bɛli kɛ bɛ sa ɛha ye, na debie biala mɔɔ bɛkɛbiza la, Nyamenle kɛva kɛmaa bɛ.

Edwɛkpa ne kɛmɔ Luku hɛlɛle la 13:25

Sua menle ne badwazo ado anlenkɛ ne anu, na saa bɛka alie nwo na bɛbɔ anlenkɛ ne anu bɛse kɛ, ‘Yɛmenle, tukue yɛ anlenkɛ ne!’ a, ɔkɛbua bɛ kɛ, ‘Menze ɛleka mɔɔ bɛvi a!’

Edwɛkpa ne kɛmɔ Luku hɛlɛle la 18:1

Akee Gyisɛse bule ɛrɛlɛ ɛhye hilele ye ɛdoavolɛma ne mɔ vale hilele kɛ ɔwɔ kɛ bɛyɛ nzɛlɛlɛ dahuu na ɔnle kɛ bɛkpo aze.

Dw 15:16

Tɛ bɛmɛ a bɛnleanle bɛyele me a; medame a memkpale nu menyele bɛ a, yɛɛ mezoa bɛ kɛ bɛhɔlua Nyamenle edwɛkɛ ne bɛmaa ɔzo ma dɔɔnwo kpalɛ mɔɔ ɛmkpɔlɔ ɛlɛ la a. Yemɔti Selɛ ne bava debie biala mɔɔ bɛkɛbiza ye wɔ me duma nu la amaa bɛ.

Dw 15:7

Saa bɛde me nu na me edwɛkɛ ne de bɛ nu a, ɛnee bɛbiza debie biala mɔɔ bɛkulo la, na bɛ sa kɛha ye.

Dw 4:10

Gyisɛse buale kɛ, “Saa ɛze kɛ Nyamenle ahyɛlɛdeɛ ne si de, nee ahenle mɔɔ ɛlɛsɛlɛ wɔ nzule ne la a, anrɛɛ wɔbiza ye wɔmaa yemaa wɔ ngoane nzule.”

Wulo 2:7

Menli bie wɔ ɛkɛ mɔɔ bɛmɛ, abotane nee kpalɛyɛlɛ ala a bɛli ɔ nzi a, na bɛkpondɛ anyunlunyia, enililɛ nee ngoane mɔɔ ɛnlɛ awieleɛ la. Na bɛmɛ noko ala yɛɛ Nyamenle bamaa bɛ ngoane mɔɔ ɛnlɛ awieleɛ a.

Wulo 3:11

Biala ɛnlɛ ndelebɛbo, biala ɛmkpondɛ Nyamenle abo zo.

Kɛlata mɔɔ bɛhɛlɛle bɛhɔmanle Hibuluma la 11:6

Ɔyɛ se kɛ awie mɔɔ ɛnlɛ diedi la kɛhola kɛzɔ Nyamenle anye. Ɔluakɛ ɔwɔ kɛ awie mɔɔ ba Nyamenle ɛkɛ ne la die di kɛ Nyamenle wɔ ɛkɛ na ɔyila bɛdabɛ mɔɔ bɛkpondɛ ɔ bo zo la.

Gyemise Kɛlata ne 5:15

Saa bɛfa diedi bɛyɛ nzɛlɛlɛ ɛhye a, wuleravolɛ ne anwo baza; Awulae badwazo ye, na saa yeyɛ ɛtane a yeava ye ɛtane yeahyɛ ye.

1 Dw 3:22

Debie biala mɔɔ yɛkɛbiza ye la, yɛ sa ka ye, ɔluakɛ yɛdi ye mɛla ne mɔ azo na yɛyɛ mɔɔ sɔ ɔ nye la.