Edwɛkpa ne kɛmɔ Mateyu hɛlɛle la 7:6 - BAEBOLO ANZƐƐ BULUKU NWUANZANWUANZA

⁶ “Bɛmmafa debie mɔɔ anwo te la bɛmaa ahwea, na bɛkɛpɛ bɛ nwo bɛkɛkeka bɛ; bɛmmafa bɛ anwoneɛ bɛgua agbolike nyunlu, na bɛkɛtietia zolɛ bɛkɛzɛkye bɛ mgbane.

Edwɛkpa ne kɛmɔ Mateyu hɛlɛle la 7:6 ပူးပေါင်းရင်းမြစ်များ

Mrɛlɛbulɛ Buluku ne 11:22

Raalɛ anwofɛlɛko mɔɔ ɛnlɛ adwenle la le kɛ ezukoa nvutuke kpɔdelera wɔ kpolike bonyi nu.

Mrɛlɛbulɛ Buluku ne 23:9

Mmaka nrɛlɛbɛ edwɛkɛ ɛkile koasea, ɔluakɛ ɔnrɛva wɔ edwɛkɛ ne ɔnrɛyɛ ɛhwee.

Mrɛlɛbulɛ Buluku ne 26:11

Koasea kile ye koaseayɛlɛ kɛ twea la, ɔfe a ɔsia ɔdi.

Mrɛlɛbulɛ Buluku ne 26:4

Koasea biza koasea edwɛkɛ a mmaye ɔ nloa, anrɛɛ ɛkɛyɛ kɛ ɔdaye la.

Edwɛkpa ne kɛmɔ Mateyu hɛlɛle la 15:26

Gyisɛse buale ye kɛ, “Ɔnle kpalɛ kɛ bɛkɛva aleɛ mɔɔ bɛfa bɛamaa ngakula ne mɔ la bɛkɛmaa ahwea.”

Edwɛkpa ne kɛmɔ Mateyu hɛlɛle la 24:10

Mekɛ ne anu menli dɔɔnwo bakpo aze wɔ diedi nu, bɛbaye bɛ nwo ngoko ngoko bɛamaa, na bɛakpɔ bɛ nwo ngoko ngoko.

Edwɛkpa ne kɛmɔ Mateyu hɛlɛle la 7:5

Wɔmɔ nabalabanli! Dumua ye dubinli ne mɔɔ la ɛ nye zo la na wɔanwu debie kpalɛ, na wɔahola wɔaye mumunli ne mɔɔ la ɛ diema ne anye zo la.

2 Kɔl 11:26

Wɔ me adendulɛ dɔɔnwo ne mɔ anu, meyia esiane dɔɔnwo mɔɔ le kɛ azuyilɛ, ahɔdiawu, yɛɛ medame me gɔnwo mɔ Dwuuma, nee bɛdabɛ mɔɔ bɛnle Dwuuma la asa anu esiane; meyia azua mgbole zo esiane, esiane wɔ fienemgbole nu, yɛɛ meyia agɔnwolɛma adalɛ asa anu esiane.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:2

Bɛnlea boɛ wɔ nindavoma anwo; menli ɛhye mɔ ɛhakyi ahwea mɔɔ nganlɛ ala a bɛkulo kɛ bɛbɔ bɛ nwo a.

Kɛlata mɔɔ bɛhɛlɛle bɛhɔmanle Hibuluma la 10:29

Ɛnee ɛdawɔ fa ɛ nye to na nea sonla mɔɔ kɛkpo Nyamenle Ara ne, na yeambu mogya ne mɔɔ bɛlua zo a bɛ nwo te na Nyamenle vale zɔle ngyekyeleɛ ne anloa, na ɔkɛva Nyamenle ɛlolɛ Sunsum ne anyunlu ɔkɛkyikyi aze la ɛ? Ye ndeanlɛ mɔɔ ɔbanyia ye la le kpole kpalɛ.

Kɛlata mɔɔ bɛhɛlɛle bɛhɔmanle Hibuluma la 6:6

Ɔyɛ se kɛ awie kɛhola kɛmaa bɛkɛnlu bɛ nwo bieko a, ɔboalekɛ bɛbɔ Nyamenle Ara ne meanubaka nu dahuu na bɛgua ɔ nyunlu aze wɔ menli nu.

2 Pit 2:22

Mɔɔ si bɛ nwo zo la kile kɛ ɛrɛlɛ ne le nɔhalɛ bɔkɔɔ, “Twea fe a ɔsia ɔkɔdi”, yɛɛ “ɛbia kpolike a ɔsia ɔkɔboto ndɛtɛlɛ.”

Yekile 22:15

Wɔ suakpole ne kandiba lɔ, amumuyɛma, ahɔdiawu, ngonyiayelɛma, adwɔmanema, awozonle ɛzonlenlɛma, yɛɛ adalɛma wɔ nyɛleɛ nee ɛdendɛlɛ nu la a wɔ ɛkɛ ne a.