Edwɛkpa ne kɛmɔ Mateyu hɛlɛle la 7:5 - BAEBOLO ANZƐƐ BULUKU NWUANZANWUANZA

⁵ Wɔmɔ nabalabanli! Dumua ye dubinli ne mɔɔ la ɛ nye zo la na wɔanwu debie kpalɛ, na wɔahola wɔaye mumunli ne mɔɔ la ɛ diema ne anye zo la.

Edwɛkpa ne kɛmɔ Mateyu hɛlɛle la 7:5 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 22:18

Na Gyisɛse nwunle bɛ nwulowula ne, na ɔzele bɛ kɛ, “Bɛmɛ nabalabama, duzu ati a bɛsɔ me bɛanlea ɛ?

Edwɛkpa ne kɛmɔ Mateyu hɛlɛle la 7:3

Duzu ati a ɛnwu mumunli mɔɔ la ɛ diema anye zo, na ɛndwenle dubinli ne mɔɔ la ɛ nye zo la anwo ɛ?

Edwɛkpa ne kɛmɔ Mateyu hɛlɛle la 7:4

Anzɛɛ duzu ati yɛɛ ɛse ɛ diema kɛ, ‘Mebodo wɔ, maa menye ɛ nye zo mumunli ne’, wɔ mekɛ mɔɔ dubinli la ɛdawɔ mumua ne ɛ nye zo la ɛ?

Edwɛkpa ne kɛmɔ Mateyu hɛlɛle la 7:6

“Bɛmmafa debie mɔɔ anwo te la bɛmaa ahwea, na bɛkɛpɛ bɛ nwo bɛkɛkeka bɛ; bɛmmafa bɛ anwoneɛ bɛgua agbolike nyunlu, na bɛkɛtietia zolɛ bɛkɛzɛkye bɛ mgbane.

Edwɛkpa ne kɛmɔ Luku hɛlɛle la 12:56

Adalɛ nabalabama! Bɛkola bɛnwu azɛlɛ ye azo nee anwomanyunlu sɛkɛlɛneɛ ne mɔ abo bɛkile, na kɛmɔti a bɛngola bɛngile mekɛ ɛhye mɔɔ yɛwɔ nu la abo ɛ?

Edwɛkpa ne kɛmɔ Luku hɛlɛle la 13:15

Awulae buale ye kɛ, “Bɛmɛ nabalabama! Saa ɔdwu Ɛnwomenlelielɛ Kenle a bɛ biala sianyi ye ɛnlankɛ anzɛɛ asoaso ɔfa ye ɔkɔmaa ye nzule.

Edwɛkpa ne kɛmɔ Luku hɛlɛle la 4:23

Na ɔzele bɛ kɛ, “Meze kɛ bɛbaha bɛahile me kɛ, ‘Ninsinli, ɛdawɔ yɛ ɛ nwo ayile!’ Eza bɛbaha bɛahile me kɛ, ‘Ninyɛne mɔɔ ɛyɛle wɔ Kapɛnayɛm la, yɛde bɛ nganeɛ wɔ ɛke, yemɔti yɛ bie maa yɛnlea.’ ”

Edwɛkpa ne kɛmɔ Luku hɛlɛle la 6:42

Na duzu ati a ɛse ɛ diema kɛ, ‘Me diema, mebodo wɔ, maa menye mumunli ne mɔɔ la ɛ nye zo la,’ wɔ mekɛ mɔɔ dubinli la ɛdawɔ mumua ne ɛ nye zo la ɛ? Wɔmɔ nabalabanli, dumua ye dubinli ne wɔ ɛ nye zo, na wɔanwu debie kpalɛ, na wɔahola wɔaye mumunli ne mɔɔ la adiema ne anye zo la.

Ɛzoanvolɛma Gyima ne 19:15

Na sunsum ɛtane ne zele bɛ kɛ, “Meze Gyisɛse, yɛɛ meze Pɔɔlo, na bɛmɛ noko ɛ?”