Edwɛkpa ne kɛmɔ Mateyu hɛlɛle la 7:4 - BAEBOLO ANZƐƐ BULUKU NWUANZANWUANZA

⁴ Anzɛɛ duzu ati yɛɛ ɛse ɛ diema kɛ, ‘Mebodo wɔ, maa menye ɛ nye zo mumunli ne’, wɔ mekɛ mɔɔ dubinli la ɛdawɔ mumua ne ɛ nye zo la ɛ?

Edwɛkpa ne kɛmɔ Mateyu hɛlɛle la 7:4 ပူးပေါင်းရင်းမြစ်များ

Mrɛlɛbulɛ Buluku ne 26:7

Ahoasea avane mrɛlɛbulɛ le kɛ abubura gyakɛ, bɛle kpokpɔdwɔɔ, nvasoɛ biala ɛnle zolɛ.

Edwɛkpa ne kɛmɔ Mateyu hɛlɛle la 23:24

Adekilevolɛma mɔɔ anye ɛzi a! Bɛsonyi kɛkɛba wɔ bɛ nzule nye bɛto, noko bɛme kɛlɛne!

Edwɛkpa ne kɛmɔ Mateyu hɛlɛle la 7:3

Duzu ati a ɛnwu mumunli mɔɔ la ɛ diema anye zo, na ɛndwenle dubinli ne mɔɔ la ɛ nye zo la anwo ɛ?

Edwɛkpa ne kɛmɔ Mateyu hɛlɛle la 7:5

Wɔmɔ nabalabanli! Dumua ye dubinli ne mɔɔ la ɛ nye zo la na wɔanwu debie kpalɛ, na wɔahola wɔaye mumunli ne mɔɔ la ɛ diema ne anye zo la.

Edwɛkpa ne kɛmɔ Luku hɛlɛle la 6:42

Na duzu ati a ɛse ɛ diema kɛ, ‘Me diema, mebodo wɔ, maa menye mumunli ne mɔɔ la ɛ nye zo la,’ wɔ mekɛ mɔɔ dubinli la ɛdawɔ mumua ne ɛ nye zo la ɛ? Wɔmɔ nabalabanli, dumua ye dubinli ne wɔ ɛ nye zo, na wɔanwu debie kpalɛ, na wɔahola wɔaye mumunli ne mɔɔ la adiema ne anye zo la.