Edwɛkpa ne kɛmɔ Mateyu hɛlɛle la 7:26 - BAEBOLO ANZƐƐ BULUKU NWUANZANWUANZA

²⁶ “Awie noko mɔɔ tie me edwɛkɛ ne na ɔnli zolɛ la le kɛ kɔnwɔne bie mɔɔ zile ye sua wɔ ɛnwea nu la.

Edwɛkpa ne kɛmɔ Mateyu hɛlɛle la 7:26 ပူးပေါင်းရင်းမြစ်များ

Dwobu Buluku ne 22:16

Bɛpianle bɛ bɛhɔle kolaa na bɛ mekɛ adwu; azuyilɛ pianle bɛ hɔle, ɔminlinle bɛ bo zo bɔkɔɔ.

Mrɛlɛbulɛ Buluku ne 14:1

Raalɛ nrɛlɛbɛvolɛ kyekye awuke, na raalɛ koasea bɔ awuke.

Gyɛlɛmaya Buluku ne 8:9

Nrɛlɛbɛvolɛma anyunlu bagua aze. Bɛ adwenle baha abɔ nu na bɛahye bɛ. Nea, bɛkpo medame Ɛdɛnkɛma me nloa edwɛkɛ; na duzu nrɛlɛbɛ bɔbɔ a bɛze a?

Edwɛkpa ne kɛmɔ Mateyu hɛlɛle la 7:24

“Zɔhane ati awie biala mɔɔ tie me edwɛkɛ ne na ɔdi zolɛ la le kɛ nrɛlɛbɛvolɛ bie mɔɔ zile ye sua wɔ bodane zo la.

Edwɛkpa ne kɛmɔ Mateyu hɛlɛle la 7:25

Ezule kpole dɔle na azule yile bule aze, na ahumu kpole dule bɔle sua ne, noko yeambu, ɔboalekɛ ɔgyi bodane zo.

Edwɛkpa ne kɛmɔ Mateyu hɛlɛle la 7:27

Ezule dɔle, azule yile bule aze, ahumu dule kpole bɔle sua ne, na ɔbule ɔguale aze. Na ye azedɔlɛ ne yɛle ɛzulolɛ!”

Edwɛkpa ne kɛmɔ Luku hɛlɛle la 6:49

Na awie mɔɔ tie me edwɛkɛ ne na ɔnli zolɛ la le kɛ nrenya ne mɔɔ si ye sua ɛdeɛ ne la yeanwula ɔ bo aze kpalɛ la; ezule ne bule aze na ɔravale ye sua ne na ndɛndɛ ne ala ɔbule ɔguale ɔzɛkyele bɔkɔɔ, na ye azedɔlɛ ne yɛle ɛzulolɛ!”

Gyemise Kɛlata ne 2:20

Kɔnwɔne! Ɛkulo kɛ bɛkile wɔ kɛ diedi mɔɔ gyimayɛlɛ ɛmboka nwo la ɛnzo ma ɔ?

1 Sam 2:30

Zɔhane ati, medame, Yizilayɛ Ɛdɛnkɛma Nyamenle, mese: membɔle ɛwɔkɛ kɛ wɔ abusua ne nee ɛ bo zo amra bayɛ me sɛlɛvolɛma dahuu ɛdeɛ na kɛkala, mese wɔ kɛ ɔnrɛyɛ zɔhane bieko. Mebali menli mɔɔ di me eni la eni; na menrɛbu bɛdabɛ mɔɔ bɛkpo me la ɛhwee.