Edwɛkpa ne kɛmɔ Mateyu hɛlɛle la 7:24 - BAEBOLO ANZƐƐ BULUKU NWUANZANWUANZA

²⁴ “Zɔhane ati awie biala mɔɔ tie me edwɛkɛ ne na ɔdi zolɛ la le kɛ nrɛlɛbɛvolɛ bie mɔɔ zile ye sua wɔ bodane zo la.

Edwɛkpa ne kɛmɔ Mateyu hɛlɛle la 7:24 ပူးပေါင်းရင်းမြစ်များ

Dw 13:17

Kɛkala mɔɔ bɛnwu nɔhalɛ ɛhye la, saa bɛfa bɛyɛ gyima a bɛkɛli fɛlɛko kpole!

Edwɛkpa ne kɛmɔ Luku hɛlɛle la 11:28

Na Gyisɛse buale kɛ, “Bɔbɔ, nyilalɛ ɛha bɛdabɛ mɔɔ bɛtie Nyamenle edwɛkɛ ne na bɛdi zolɛ la!”

1 Dw 2:3

Saa yɛdi ye mɛla ne mɔ azo a, ɛnee amgba yɛze ye.

Edwɛndolɛ Buluku ne 111:10

Ɛdɛnkɛma ɛzulolɛ le nrɛlɛbɛ bo ɛbɔlɛ; bɛdabɛ mɔɔ bɛlɛ ndelebɛbo kpalɛ la a le bɛdabɛ mɔɔ bɛyɛ tieyɛ la. Ye ayɛlɛyelɛ wɔ ɛkɛ ne dahuu.

Mrɛlɛbulɛ Buluku ne 10:8

Sonla mɔɔ ze nrɛlɛbɛ la di mɛla zo, na koasea ɛdendɛzoma fa ɔ nwo to munzule nu.

Dw 14:15

“Saa bɛkulo me a, bɛbali me mɛla ne mɔ azo.

Dw 15:14

Saa bɛyɛ mɔɔ meha mehile bɛ la a, ɛnee bɛle me gɔnwo mɔ.

Dwobu Buluku ne 28:28

“Na ɔzele sonla kɛ, ‘Nrɛlɛbɛ a le kɛ ɛkɛzulo Awulae; yɛɛ ndelebɛbo a le kɛ ɛkɛhwe ɛ nwo ɛkɛvi ɛtane nwo!’ ”

Dw 15:10

Saa bɛdi me mɛla ne mɔ azo a ɛnee bɛde me ɛhulolɛ ne anu, kɛmɔ meli Selɛ ne mɛla zo na mede ye ɛhulolɛ ne anu la.

Edwɛkpa ne kɛmɔ Mateyu hɛlɛle la 12:50

Awie biala mɔɔ yɛ mɔɔ me Ze mɔɔ wɔ anwuma la kpondɛ la le me diema nrenya, me diema raalɛ, nee me nli.”

Edwɛndolɛ Buluku ne 119:99

Melɛ ndelebɛbo metɛla me kilehilevolɛma amuala, ɔluakɛ wɔ mɛla ne mɔ ala a medwenledwenle nwolɛ a.

Edwɛndolɛ Buluku ne 119:130

Wɔ edwɛkɛ ne anu ngilehilelɛ maa wienyi; ɔmaa mɔɔ ɛnze nwolɛ bie la nyia ndelebɛbo.

Mrɛlɛbulɛ Buluku ne 14:8

Badwemafo nrɛlɛbɛ maa ɔnwu ye adenle nu boɛ, na ahoasea nrɛlɛbɛ le mɛlɛbɛla.

Mrɛlɛbulɛ Buluku ne 10:25

Saa ahumu ne tu se a, amumuyɛnli ne ɛnle ɛkɛ ne bieko, na sonlakpalɛ ne wɔ ɛkɛ ne dahuu.

Mrɛlɛbulɛ Buluku ne 12:7

Amumuyɛma badu agua, bɛ bo zo aminli, na tenlenema awuke bagyinla.

Edwɛkpa ne kɛmɔ Mateyu hɛlɛle la 7:25

Ezule kpole dɔle na azule yile bule aze, na ahumu kpole dule bɔle sua ne, noko yeambu, ɔboalekɛ ɔgyi bodane zo.

Edwɛkpa ne kɛmɔ Mateyu hɛlɛle la 7:26

“Awie noko mɔɔ tie me edwɛkɛ ne na ɔnli zolɛ la le kɛ kɔnwɔne bie mɔɔ zile ye sua wɔ ɛnwea nu la.

Edwɛkpa ne kɛmɔ Mateyu hɛlɛle la 16:18

Yemɔti meka meahile wɔ, Pita, ɛle bodane, kɛmɔ wɔ duma ne abo kile la; wɔ bodane ɛhye azo yɛɛ mebazi me asɔne ne a, na ewule tumi bɔbɔ ɛnrɛhola ɔ nwo zo fo.

Edwɛkpa ne kɛmɔ Mateyu hɛlɛle la 24:45

“Ɛnee akee, sonvolɛ nɔhavo mɔɔ ze nrɛlɛbɛ la a le boni? Yemɔ a le sonvolɛ ne mɔɔ ɔ menle ɛva ye kɛ ɔnlea sonvolɛma mɔɔ ɛha la anwo zo na ɔmaa bɛ aleɛ wɔ mekɛ ne anloa, na ɔ menle ne bato ye kɛ ɔlɛyɛ ye zɔhane la. Ɛhye le nyilalɛ kpole maa sonvolɛ ne.

Edwɛkpa ne kɛmɔ Mateyu hɛlɛle la 25:2

Bɛ nuhua nnu le ahɔnwɔne, yɛɛ nnu noko ze nrɛlɛbɛ.

Edwɛkpa ne kɛmɔ Mateyu hɛlɛle la 25:4

na nrɛlɛbɛvolɛma ne, bɛmɛ bɛvale bie.

Edwɛkpa ne kɛmɔ Mateyu hɛlɛle la 25:9

Nrɛlɛbɛvolɛma ne zele bɛ kɛ, ‘Kyɛkyɛ, yɛnlie yɛnli kɛ nwole ne kɛza yɛ nee bɛdabɛ. Bɛhɔ bɛhɔdɔ bie.’

Wulo 2:13

Ɔluakɛ tɛ mɛla ne ɛdielɛ a maa sonla sɔ Nyamenle anye a, kyesɛ ɔyɛ mɔɔ mɛla ne se la.