Edwɛkpa ne kɛmɔ Mateyu hɛlɛle la 7:23 - BAEBOLO ANZƐƐ BULUKU NWUANZANWUANZA

²³ Na mebaze bɛ kɛ, ‘Menze bɛ. Bɛvi ɛkɛ ne bɛhɔ. Nindavoma!’

Edwɛkpa ne kɛmɔ Mateyu hɛlɛle la 7:23 ပူးပေါင်းရင်းမြစ်များ

Edwɛndolɛ Buluku ne 119:115

Bɛmɛ ɛtaneyɛlɛma, bɛhwe bɛ nwo bɛvi me nwo ɛke, amaa meali me Nyamenle ne mɛla ne mɔ azo.

Edwɛndolɛ Buluku ne 5:5

Adubɛnwoma ɛngyinla ɛ nyunlu; ɛkyi ɛtaneyɛvoma amuala.

Edwɛndolɛ Buluku ne 6:8

Amumuyɛma, bɛvi me nwo ɛke bɛhɔ! Ɔluakɛ Ɛdɛnkɛma ɛde me ɛzunlɛ.

Edwɛkpa ne kɛmɔ Mateyu hɛlɛle la 25:12

Na atɔfolɛ nrenya ne zele bɛ kɛ, ‘Kyɛkyɛ! Nɔhalɛ, meka meahile bɛ, menze bɛ.’ ”

Edwɛkpa ne kɛmɔ Mateyu hɛlɛle la 25:41

“Akee mebaze bɛdabɛ mɔɔ bɛwɔ me sa bɛne zo la kɛ, ‘Bɛvi me nwo ɛke bɛhɔ, munzule menli! Bɛhɔ senle ne mɔɔ ɛnnu ɛlɛ, mɔɔ ɔvi ewiade abobɔlɛ bɛhua bɛmaa Abɔnsam nee ye soanvolɛma la anu!

Edwɛkpa ne kɛmɔ Luku hɛlɛle la 13:25

Sua menle ne badwazo ado anlenkɛ ne anu, na saa bɛka alie nwo na bɛbɔ anlenkɛ ne anu bɛse kɛ, ‘Yɛmenle, tukue yɛ anlenkɛ ne!’ a, ɔkɛbua bɛ kɛ, ‘Menze ɛleka mɔɔ bɛvi a!’

Edwɛkpa ne kɛmɔ Luku hɛlɛle la 13:27

Na ɔbaze bɛ bieko kɛ, ‘Menze ɛleka mɔɔ bɛvi a. Bɛvi ɛkɛ ne bɛhɔ, amumuyɛma!’

Dw 10:14

Mame a mele mboaneneavolɛ kpalɛ ne a. Kɛmɔ Selɛ ne ze me na meze Selɛ ne la, zɔhane ala yɛɛ meze me mboane ne na bɛdabɛ noko bɛze me a; yɛɛ mekponle zolɛ kɛ menwɔwu menwɔmaa bɛ.

2 Tem 2:19

Noko adiabo ne mɔɔ Nyamenle ɛwula la gyi kpundii, na bɛhɛlɛ nwolɛ kɛ, “Awulae ze bɛdabɛ mɔɔ bɛle ye ɛdeɛ la,” yɛɛ “Ɔwɔ kɛ awie biala mɔɔ bɔ Awulae duma kɛ ɔle Awulae la twe ɔ nwo fi ɛtane nwo.”

Yekile 22:15

Wɔ suakpole ne kandiba lɔ, amumuyɛma, ahɔdiawu, ngonyiayelɛma, adwɔmanema, awozonle ɛzonlenlɛma, yɛɛ adalɛma wɔ nyɛleɛ nee ɛdendɛlɛ nu la a wɔ ɛkɛ ne a.