Edwɛkpa ne kɛmɔ Mateyu hɛlɛle la 7:2 - BAEBOLO ANZƐƐ BULUKU NWUANZANWUANZA

² ɔboalekɛ ndɛne mɔɔ bɛkɛva bɛkɛbua awie mɔ la yɛɛ Nyamenle bava abua bɛdabɛ noko a, yɛɛ mɔɔ bɛkɛzuzu bɛkɛmaa awie la yɛɛ bɛbanyia ye a.

Edwɛkpa ne kɛmɔ Mateyu hɛlɛle la 7:2 ပူးပေါင်းရင်းမြစ်များ

2 Sam 21:5

Bɛzele belemgbunli ne kɛ, “Sonla ne mɔɔ amkpondɛ yɛ nee ngoane na ɔhulole kɛ anrɛɛ ɛnee ɔkɛye yɛ ɔkɛvi Yizilayɛ maanle ye anu la,

Edwɛndolɛ Buluku ne 109:17

Ɔhulole amowa; maa amowa ɛbu ɛzia ye! Yeangulo nyilalɛ; maa nyilalɛ ɛbɔ ye!

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 21:24

ɛbɔ ɛ gɔnwo anye a bɛbɔ ɛ nye, ɛtu ɛ gɔnwo agye a bɛtu ɛ gye, ɛpɛ ɛ gɔnwo asa a bɛpɛ ɛ sa, ɛpɛ ɛ gɔnwo agyakɛ a bɛpɛ ɛ gyakɛ,

Ayezaya Buluku ne 33:1

Munzule ɛha bɛ, bɛmɛ sɛkyevolɛma mɔɔ bɛtɛsɛkyele bɛmɛ a; bɛmɛ ngunzima, mɔɔ bɛtɛyɛle bɛmɛ bɛ nwo ngunzi a! Saa bɛwie bɛ ɛzɛkyelɛ ɛbɛla ne mɔ bɔ a, bɛbazɛkye bɛdabɛ noko; yɛɛ saa bɛwie bɛ ngunzi nyɛleɛ ne mɔ yɛ a, bɛ nee bɛ bali ye ngunzi nu.

Gyɛlɛmaya Buluku ne 34:17

Ɔlua ɛhye ati, medame Ɛdɛnkɛma, mese: Bɛandie me edwɛkɛ. Mɔɔ bɛkyekyele bɛhyele ɔ bo kɛ bɛdwula bɛ mediema ahanra ne mɔ la, bɛtulu ye. Yemɔti bɛnlea, mame, medwula bɛmɛ kɛ bɛli bɛ ti; medwula bɛ kɛ bɛhɔwu konle nu, anwonyane nu, yɛɛ ɛhɔne nu. Medame Ɛdɛnkɛma a mese a. Debie mɔɔ mebava meayɛ bɛ la, ewiade ye anu, maanle biala mɔɔ kɛde la, ɛzulolɛ baha ye.

Gyɛlɛmaya Buluku ne 51:24

Ɛdɛnkɛma se, “Mebadua Babelonia nee menli mɔɔ de Babelonia la kakɛ wɔ amumuyɛ mɔɔ bɛyɛ ye wɔ Gyɛlusalɛm la anwo.

Obadaya Buluku ne 1:15

“Mekɛ ne asɛɛ ɛdwu mɔɔ medame, Ɛdɛnkɛma, mebadea maanle omaanle ne mɔ a. Mɔɔ bɛdabɛ Yidɔmma bɛyɛle la, bɛbayɛ bɛ bie bɛadua, bɛ munzule babɔ bɛ ti.

Edwɛkpa ne kɛmɔ Mateyu hɛlɛle la 6:14

“Ɔluakɛ saa bɛfa menli mɔɔ ɛvo bɛ la ɛtane bɛkyɛ bɛ a, yɛɛ bɛ anwuma Selɛ ne ɔdaye ɔkɛva bɛ ɛtane ɛdeɛ ne mɔ ɔkɛhyɛ bɛ a.

Edwɛkpa ne kɛmɔ Maake hɛlɛle la 4:24

Eza ɔzele bɛ kɛ. “Bɛdie ye boɛ! Mɔɔ ɛsuzu ɛmaa awie mɔ la yɛɛ Nyamenle banlea zolɛ azuzu amaa wɔ a, na wɔmɔ bɔbɔ ɛbanyia ye molozo.

Edwɛkpa ne kɛmɔ Luku hɛlɛle la 6:38

Bɛmaa bɛ sa ɛdwu awie mɔ anwo zo, na Nyamenle asa adwu bɛdabɛ noko bɛ nwo zo. Nɔhalɛ, bɛkɛnyia ye dɔɔnwo kpalɛ mɔɔ kɛyi bɛ sa a, na ɔkɛbulu zolɛ bɔbɔ. Nzuzulɛ mɔɔ bɛkɛzuzu bɛkɛmaa awie mɔ la yɛɛ Nyamenle bazuzu amaa bɛdabɛ noko a.”

2 Kɔl 9:6

Bɛhakye ɛhye: sonla mɔɔ dua ma ekyi la bu ekyi, yɛɛ mɔɔ dua dɔɔnwo la bu dɔɔnwo.

Gyemise Kɛlata ne 2:13

Sonla mɔɔ ɛnze anwunvɔne la, Nyamenle ɛnrɛze ye anwunvɔne wɔ ye ndɛnebualɛ nu; anwunvɔnezelɛ fo keda ndɛnebualɛ zo.

Yekile 18:6

Bɛva mɔɔ ɔvale ɔyɛle bɛ la bie bɛyɛ ɔdaye, bɛdua ye kakɛ fane nwiɔ wɔ ye nyɛleɛ nwo, bɛmaa ɔnwu amaneɛ fane nwiɔ ɔdɛla mɔɔ ɔvale ɔhilele bɛ la.

Maanlebuvolɛma Buluku ne 1:7

Na Adonaebizɛke hanle kɛ, “Arelemgbunli abulasuu mɔɔ bɛpepɛle bɛ sa nee bɛ gyakɛ ahohotile la yɛɛ ɛnee sesa me aleɛ ɛkponle bo mgbokpoloka a; mɔɔ menyɛle la yɛɛ Nyamenle ɛyɛ me bie ɛzie ɔ bo zo a.” Na bɛ nee ye hɔle Gyɛlusalɛm; ɛkɛ ne yɛɛ ɔwule a.

Maanlebuvolɛma Buluku ne 5:27

Sesɛla anwo golole ye, ɔdɔle aze, ɔlale kɛnlanana wɔ Gyeeyɛle agyakɛ anu. Ɔgolole ɔguale Gyeeyɛle agyakɛ anu, ɔgolole ɔguale, ɔwule.

1 Sam 15:33

Na Samoɛle zele ye kɛ, “Kɛmɔ wɔ dadeɛ ne ɛmaa mrɛladane mraalɛ amra ɛvi bɛ sa la, zɔhane ala yɛɛ ɛdawɔ ɛ nli balɛ ɔ sa mgbane wɔ mrɛladane mraalɛ avinli a.” Na Samoɛle pepɛle ye nzokanzoka wɔ Gelegale wɔ Ɛdɛnkɛma anyunlu ɛkɛ.