Edwɛkpa ne kɛmɔ Mateyu hɛlɛle la 7:19 - BAEBOLO ANZƐƐ BULUKU NWUANZANWUANZA

¹⁹ Baka biala mɔɔ ɛnzo ma kpalɛ la bɛpɛ ye bɛto na bɛfa bɛwuda senle.

Edwɛkpa ne kɛmɔ Mateyu hɛlɛle la 7:19 ပူးပေါင်းရင်းမြစ်များ

Ayezaya Buluku ne 27:11

Saa suakpole ne azo mbaka ne bie mɔ ngane wu a bɛbubu bɛ bɛgua; mraalɛ basesa na bɛfa bɛyɛ ɛyɛne. Ɔluakɛ menli ɛhye mɔ ɛnlɛ ndelebɛbo; yemɔti mɔɔ bɔle bɛ la ɛnrɛze bɛ anwunvɔne, yɛɛ ɔnrɛvavi bɛ.

Daneɛle Buluku ne 4:14

Ɔdeanle nuhua kpole bie kɛ, ‘Bɛdu baka ne bɛdo aze, bɛpepɛ ye ngane ne mɔ, bɛkpolo ye nya ne mɔ na bɛdo ye ma ne mɔ bɛkponde. Bɛmaa nane ne mɔ ɛvi ɔ bo ɛnriandi ɛhɔ na nloma ne mɔ vi ye ngane ne mɔ anu ɛdu.

Edwɛkpa ne kɛmɔ Mateyu hɛlɛle la 3:10

Bɛzi akuma mɔɔ bɛfa bɛadudu mbaka wɔ bɛ ndinli bo a. Ɛhye ati baka biala mɔɔ anzo ma kpalɛ la bɛkɛdu ye bɛkɛdo na bɛkɛvuandi ye bɛkɛdo senle nu.

Edwɛkpa ne kɛmɔ Mateyu hɛlɛle la 7:18

Baka kpalɛ ɛnzo ma ɛtane, yɛɛ baka ɛtane ɛnzo ma kpalɛ.

Edwɛkpa ne kɛmɔ Luku hɛlɛle la 3:9

Baka biala mɔɔ anzo ma kpalɛ la, bɛkɛpɛ ye bɛkɛwula senle nu. Bɛhakye kɛ, kɛkala bɔbɔ, bɛziezie akuma mɔɔ bɛfa bɛadudu mbaka wɔ bɛ ndinli bo a.”

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:14

Maa yɛ menli ne mɔ ɛzukoa ɛyɛ gyima kpalɛ, amaa saa edwɛkɛ bie mɔɔ hyia la si a bɛahola bɛaboa. Ɔnle kɛ bɛbɔ ɛbɛla mɔɔ nvasoɛ biala ɛnle zolɛ la.

Kɛlata mɔɔ bɛhɛlɛle bɛhɔmanle Hibuluma la 6:8

Na saa azɛlɛ zɛhae azo fifi mbowule nee ndile a, nvasoɛ biala ɛnle zo; ɔle kɛ asɛɛ Nyamenle ɛwa ye amonle ɛwie na bɛbava senle bɛazɛkye ye la.

Dwuudu Kɛlata ne 1:12

Bɛle kɛ andɔma anzɛɛ atasonlɛ wɔ mediema ɛhulolɛ ɛkponledolɛ bo; bɛno nza bɛbo, bɛbɔ bɛ nwo anyiemgba. Bɛdwenle bɛ ngome bɛ nwo ala. Bɛle kɛ amungu mɔɔ nzule ɛnle nu la ati, anwoma maa ɔdi akɔneaba. Bɛle kɛ bokile mgbenleɛ mbaka mɔɔ anzo ma la. Bɛtudu bɛ bɛ bo nee bɛ ndinli ne mɔ amuala na bɛwu bɔkɔɔ.