Edwɛkpa ne kɛmɔ Mateyu hɛlɛle la 7:14 - BAEBOLO ANZƐƐ BULUKU NWUANZANWUANZA

¹⁴ Na anuhɔlɛ ne mɔɔ kɔ ngoane mɔɔ ɛnlɛ awieleɛ la anu la le ɛdenraa, ye adenle ne anu ɛvalɛ ɛnla aze, yɛɛ menli ekyi bie a nwu ye a.

Edwɛkpa ne kɛmɔ Mateyu hɛlɛle la 7:14 ပူးပေါင်းရင်းမြစ်များ

Edwɛndolɛ Buluku ne 16:11

Ɛkile me ngoane adenle; anyelielɛ dɔɔnwo wɔ ɛ nwo ɛkɛ, fɛlɛkolilɛ wɔ ɛ sa fema zo dahuu.

Mrɛlɛbulɛ Buluku ne 8:20

Medua tenleneyɛlɛ adenle nu, medua pɛlepɛlelilɛ adenle nu.

Ayezaya Buluku ne 30:21

Bɛbade edwɛkɛ wɔ bɛ nzi kɛ ɔlɛka yeahile bɛ kɛ, “Adenle ne ɛne, bɛlua nuhua” wɔ mekɛ mɔɔ bɛkɛminli bɛkɛva bɛne anzɛɛ fema zo la.

Ayezaya Buluku ne 35:8

Bɛbakpakye ademgbole bɛado ɛkɛ, bɛbavɛlɛ ye “Nwuanzanwuanza Adenle.” Sonla mɔɔ anwo ɛnde la ɛnrɛva zolɛ, yɛɛ ahoasea ɛnrɛhola menli mɔɔ fa ɛkɛ la koasea yɛ.

Ayezaya Buluku ne 57:14

Na bɛbaha kɛ, “Bɛha bɛ nwo, bɛha bɛ nwo, bɛziezie adenle ne, bɛye debie biala mɔɔ tua adenle la bɛvi me menli ne adenle nu.”

Gyɛlɛmaya Buluku ne 6:16

Ɛdɛnkɛma zele ye menli ne kɛ, “Bɛgyinlegyinla ndenle ne mɔ azo na bɛnlea. Bɛbizebiza mɔmoane ndenle ne mɔ, ɛleka mɔɔ adenle kpalɛ kpalɛ ne la la. Bɛlua nuhua na bɛkɛnyia anzonudwolɛ.” Na bɛbuale kɛ, “Kyɛkyɛ, yɛnrɛlua nuhua fee.”

Edwɛkpa ne kɛmɔ Mateyu hɛlɛle la 20:16

Na Gyisɛse dwulale ye edwɛkɛ ne zɛhae, “Yemɔti amozi amra balumua, na alumuama ali amozi.”

Edwɛkpa ne kɛmɔ Mateyu hɛlɛle la 22:14

Na Gyisɛse dwulale ye edwɛkɛ ne kɛ, “Bɛvɛlɛ dɔɔnwo, na ekyi bie a bɛva bɛ a.”

Edwɛkpa ne kɛmɔ Mateyu hɛlɛle la 7:13

“Bɛva anuhɔlɛ ɛdenraa ne anu bɛwolo, ɔluakɛ anuhɔlɛ kpolomgbolo ne kɔ abɔnsam sua zo yɛɛ ye adenle ne anu ɛvalɛ ɛnyɛ se, yemɔti menli dɔɔnwo kpalɛ a fa zɔhane anuhɔlɛ ne anu a.

Edwɛkpa ne kɛmɔ Mateyu hɛlɛle la 7:15

“Bɛnlea bɛ nwo boɛ wɔ Nyamenle kpɔmanvolɛma alanema anwo; bɛle menli bie mɔɔ bɛyɛ bɛ nwo kɛ asɛɛ bɛnze nwolɛ bie, noko bɛ kunlu le bile.

Edwɛkpa ne kɛmɔ Maake hɛlɛle la 8:34

Akee Gyisɛse vɛlɛle menli dɔɔnwo ne nee ye ɛdoavolɛma ne wɔ ɔ nwo ɛkɛ ne na ɔzele bɛ kɛ, “Saa awie biala kpondɛ kɛ ɔ nee me dua a, ɛnee ɔkpo ɔ nwo na ɔva ye amaneɛnwunlɛ meanubaka ne ɔdo ɔ kɔme zo na ɔdoa me.

Edwɛkpa ne kɛmɔ Luku hɛlɛle la 12:32

“Me mboane ekpunli ekyi, bɛmmasulo, ɔluakɛ bɛ Ze mɔɔ wɔ anwuma la kulo kɛ bɛnyia Belemgbunlililɛ ne.

Dw 16:2

Bɛbaye bɛ ali bɛavi bɛ nyianu azua ne mɔ anu. Mekɛ bara mɔɔ awie biala mɔɔ kɛhu bɛ nuhua bie la badwenle kɛ ɔlɛyɛ ye Nyamenle gyima.

Dw 16:33

Meha ɛhye mehile bɛ amaa saa bɛmeta me nwo a bɛanyia anzonudwolɛ. Ɛtane ewiade ɛhye bamaa bɛali nyane, noko bɛgyinla kpundii. Meli ɛtane ewiade ɛhye anwo zo konim!”

Ɛzoanvolɛma Gyima ne 14:22

Bɛmanle diedima ne mɔ anwosesebɛ na bɛzele bɛ kɛ bɛzɔ diedi ne anu kpundii. Bɛhilehilele bɛ kɛ ɔwɔ kɛ yɛnwu amaneɛ dɔɔnwo na yɛanwu Nyamenle Belemgbunlililɛ ne.

Wulo 12:2

Bɛmmamaa ewiade amaamuo di bɛ adwenle. Bɛmaa Nyamenle ɛhakyi bɛ adwenle bɔkɔɔ, na bɛahola bɛanwu Nyamenle ɛhulolɛdeɛ kpalɛ ne mɔɔ le kpalɛ, ɔsɔ ɛnyelɛ, na ɔdi munli la.

Wulo 9:32

Duzu ati ɔ? Ɔboalekɛ mɔɔ bɛyɛle la ɛngyi diedi zo, bɛyɛle ye kɛ asɛɛ ɔgyi nyɛleɛ zo la. Ɛhye ati bɛdu koti.