Edwɛkpa ne kɛmɔ Mateyu hɛlɛle la 7:12 - BAEBOLO ANZƐƐ BULUKU NWUANZANWUANZA

¹² “Zɔhane ati mɔɔ bɛkpondɛ kɛ menli yɛ maa bɛ la, bɛdabɛ noko bɛyɛ zɔhane ala bɛmaa bɛ. Mosisi mɛla ne nee Nyamenle kpɔmanvolɛma ngilehilelɛ ne kɛ kɔ ye la ɛne.

Edwɛkpa ne kɛmɔ Mateyu hɛlɛle la 7:12 ပူးပေါင်းရင်းမြစ်များ

Yizikeɛle Buluku ne 18:21

“Na saa amumuyɛnli twe ɔ nwo fi ye amumuyɛ ne mɔ mɔɔ yeyɛ la anwo, ɔdi boɛ, ɔsie me mɛla ne mɔ na ɔdi zolɛ a, ɔbanyia ngoane; ɔnrɛwu.

Sɛlɛ 19:18

Bɛmmadi nzenralɛ anzɛɛ bɛmmafa bɛdabɛ bɛ menli ne mɔ amra mrenya anwo edwɛkɛ bɛsie bɛ kunlu. Bɛhulo bɛ gɔnwo mɔ kɛ bɛdabɛ bɛ nwo; medame a mele Ɛdɛnkɛma a.

Maeka Buluku ne 6:8

O sonla, Ɛdɛnkɛma ɛhile wɔ mɔɔ le kpalɛ la, na duzu bieko yɛɛ akee Ɛdɛnkɛma kpondɛ kɛ ɛyɛ a? Ɔkulo kɛ ɛdi pɛlepɛle, ɛkile ɛhulolɛ kpundii, na ɛfa mɛlɛbɛnwoaze ɛ nee Nyamenle dua.

Malakae Buluku ne 3:5

Tumivolɛ Ɛdɛnkɛma se, “Mebahwe meabikye bɛ na meabua bɛ ndɛne. Mebadea ngonyiama, awuvolɛvalɛma nee bɛdabɛ mɔɔ bɛka ndane mgbane mgbane la ndɛndɛ zo. Mebadea bɛdabɛ mɔɔ bɛsisi gyimayɛvoma wɔ bɛ kakɛdualɛ nu, bɛdabɛ mɔɔ bɛsisi ahunlanvolɛ nee nrisa, bɛdabɛ mɔɔ bɛmbu nyɛvolɛ yɛɛ bɛdabɛ mɔɔ bɛnzulo me la.”

Edwɛkpa ne kɛmɔ Mateyu hɛlɛle la 5:17

“Bɛmmadwenle kɛ mera kɛ mebazɛkye Mosisi mɛla ne nee Nyamenle kpɔmanvolɛma ngilehilelɛ ne mɔ. Meamba bɛ ɛzɛkyelɛ; mera kɛ meba meamaa bɛali munli.

Edwɛkpa ne kɛmɔ Luku hɛlɛle la 6:31

Mɔɔ ɛkpondɛ kɛ awie mɔ yɛ maa wɔ la, yɛ zɔhane ala maa bɛdabɛ noko.

1 Tem 1:5

Bodane mɔɔ yɛ ngilehilelɛ ɛdeɛ ne gyi zolɛ la a le ɛhulolɛ mɔɔ vi ahonle mɔɔ ɛtane ɛnle nu, adwenle mɔɔ nuhua te wienyi, nee diedi mɔɔ di munli la.

Gyemise Kɛlata ne 2:8

Saa bɛdi Belemgbunlililɛ ne anwo mɛla ne, mɔɔ Nyamenle Edwɛkɛ ne se la kɛ, “Kulo ɛ gɔnwo kɛ ɛdawɔ ɛ nwo” la azo a, ɛnee bɛlua nɔhalɛ adenle ne anu.