Edwɛkpa ne kɛmɔ Mateyu hɛlɛle la 7:11 - BAEBOLO ANZƐƐ BULUKU NWUANZANWUANZA

¹¹ Na saa bɛmɛ mɔɔ bɛle ɛtanevolɛma la bɛze kɛ ɔwɔ kɛ bɛfa ninyɛne kpalɛ bɛmaa bɛ mra a, ɛnee fane nyɛ yɛɛ bɛ Ze mɔɔ wɔ anwuma la ɛnrɛva ninyɛne kpalɛ ɛnrɛmaa bɛdabɛ mɔɔ bɛbiza ye la ɛ?

Edwɛkpa ne kɛmɔ Mateyu hɛlɛle la 7:11 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 6:5

Akee Ɛdɛnkɛma nwunle kɛ sonla amumuyɛyɛlɛ ne ɛyɛ kpole kpalɛ wɔ azɛlɛ ye azo, na ɛtane ngome ɛyi ye adwenle nee ye ahonle nu tɛkɛɛ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 8:21

Nowa azu ne zɔle Ɛdɛnkɛma anye, na ɔzele kɛ, “Ɔvi ɛnɛ mɔɔ kɔ la menrɛdoa sonla nyɛleɛ menrɛmaa munzule mɔɔ le zɛhae la ɛnrɛha azɛlɛ ye bieko; menrɛzɛkye ewiade abɔdeɛ muala, kɛmɔ meyɛ la bieko. Meze kɛ sonla yemɔ, ye ngakula nu amuala ɛnee ye adwenle nee ye ahonle nu le bile.

2 Sam 7:19

Noko ɛhye le ɛ nye zo debie ekyi bie; yɛɛ mɔɔ akee ɛlɛyɛ bɔbɔ la bo zolɛ. O Tumivolɛ Ɛdɛnkɛma, wɔbɔ me bo zo amra ɛwɔkɛ wɔ mekɛ tendenle mɔɔ bara la.

Dwobu Buluku ne 15:16

na akee sonla mɔɔ sie munzule na ye subane ɛkpɔlɔ, sonla mɔɔ no ɛtane kɛ nzule la.

Edwɛndolɛ Buluku ne 84:11

Ɔluakɛ Ɛdɛnkɛma Nyamenle ne le sɛnzɛne nee enyinlike, ɔdaye a ɔmaa ɛlolɛ nee enililɛ a. Ɛdɛnkɛma ɛnva debie kpalɛ biala ɛnvea bɛdabɛ mɔɔ bɛle tenlenema la.

Edwɛndolɛ Buluku ne 85:12

Ɛhɛe, Ɛdɛnkɛma bava mɔɔ le kpalɛ la amaa, na yɛ azɛlɛ ye bamaa yɛ aleɛ dɔɔnwo.

Edwɛndolɛ Buluku ne 86:15

Na wɔmɔ, O Awulae, ɛle ɛlolɛ nee anwunvɔnezelɛ Nyamenle, ɛnva ɛya mgbane mgbane, yɛɛ ɛhulolɛ kpundii nee nɔhalɛlilɛ ɛyi wɔ tɛkɛɛ.

Edwɛndolɛ Buluku ne 86:5

Ɔluakɛ, O Awulae, ɛle kpalɛ yɛɛ fakyɛ wɔ wɔ afoa, ɛkile wɔ ɛhulolɛ kpundii ne wɔ bɛdabɛ mɔɔ bɛsu bɛfɛlɛ wɔ la anwo zo.

Ayezaya Buluku ne 49:15

Yemɔti Ɛdɛnkɛma se, “Asoo ɛrɛladane arɛle bavi ɔ ra mɔɔ no nyɛfonlɛ, asoo ɔnrɛnwu ɔ ra nrenya mɔɔ yewo ye la anwunvɔne? Ɔyɛ a bɛ rɛle kɛvi bɔbɔ ɛdeɛ, noko mame, me rɛle ɛnrɛvi bɛ.

Ayezaya Buluku ne 63:7

Mebaha Ɛdɛnkɛma ɛhulolɛ kpundii ne anwo edwɛkɛ; mebaye Ɛdɛnkɛma ayɛlɛ wɔ mɔɔ yeyɛ yemaa yɛ la amuala anwo, nee boɛ kpole mɔɔ yeyɛ yemaa Yizilayɛma la; ɔyɛle ɔmanle bɛ, kɛmɔ ye anwunvɔnezelɛ ne nee kɛ ye ɛhulolɛ kpundii ne kpole si de la.

Gyɛlɛmaya Buluku ne 17:9

“Ahonle le mɛlɛbɛla tɛla debie biala, yezɛkye yebo zolɛ; nwane a kɛhola kɛde ɔ bo a?

Gyɛlɛmaya Buluku ne 33:14

Ɛdɛnkɛma se, “Bɛnlea, mekɛ bie bara mɔɔ mebaye me ɛwɔkɛ ne mɔɔ membɔle Yizilayɛma nee Dwudama la.

Hozia Buluku ne 14:2

Bɛzia bɛhɔ Ɛdɛnkɛma ɛkɛ na bɛva nzɛlɛlɛ ɛhye bɛdo ɔ nyunlu: “Fa yɛ ɛtane kɔsɔɔti kyɛ yɛ; die mɔɔ le kpalɛ la, na yɛbaye wɔ ayɛlɛ.

Maeka Buluku ne 7:18

Nwane a le Nyamenle kɛ ɛdawɔ, O Ɛdɛnkɛma, mɔɔ ɛfa ɛtane ɛkyɛ na ɛmbu wɔ menli Yizilayɛma mɔɔ hale la mɛladonlɛ nwo mgbonda a? Ɛnva ɛya ɛnga zo, ɔboalekɛ ɛ nye die ɛhulolɛ kpundii nwo.

Malakae Buluku ne 1:6

Tumivolɛ Ɛdɛnkɛma biza bɛ kɛ, “Ralɛ di ɔ ze eni yɛɛ akɛlɛ di ɔ menle eni. Na saa mele bɛ ze a, ɛnee eni mɔɔ bɛdi me la a le boni? Yɛɛ saa mele bɛ menle a, ɛnee ɛzulolɛ mɔɔ bɛsulo me la wɔ nienwu? Bɛmɛ sɛlɛvolɛma bɔbɔ yɛɛ bɛsɛkye me duma a. Noko bɛmɛ bɛbiza kɛ, ‘Ɛnee kɛ yɛzi yɛzɛkye wɔ duma ɛ?’

Edwɛkpa ne kɛmɔ Mateyu hɛlɛle la 23:9

Eza bɛmmafɛlɛ awie biala bɛ ‘ze’ wɔ azɛlɛ ye azo, ɔluakɛ bɛ Ze kokye, na yemɔ ala a wɔ anwuma lɔ la.

Edwɛkpa ne kɛmɔ Mateyu hɛlɛle la 7:10

Anzɛɛ saa ɔbiza ye fɛlɛ a ɔkɛmaa ye ɛwɔlɛ a?

Dw 3:16

Ɔluakɛ Nyamenle hulole ewiade amra kpole kpalɛ la ati yɛɛ ɔvale Ɔ Ra kokye ne ɔmanle a, amaa awie biala mɔɔ kɛlie ye kɛli la anwu na yeanyia ngoane mɔɔ ɛnlɛ awieleɛ.

Wulo 3:19

Mɔɔ yɛnwu ye la a le kɛ, debie biala mɔɔ wɔ mɛla ne anu la wɔ ɛkɛ ne maa bɛdabɛ mɔɔ bɛwɔ mɛla ne abo la, amaa menli muala aha bɛ nloa ado nuhua kɛ bɛdi fɔlɛ wɔ Nyamenle ndɛnebualɛ ne anu.

Wulo 3:9

Saa ye zɛhae a, ɛnee yɛdayɛ Dwuuma yɛgyi boɛ yɛtɛla bɛdabɛ mɔɔ bɛnle Dwuuma la ɔ? Kyɛkyɛ, ɔnle zɔhane fee. Mehile nuhua dɛba kɛ Dwuuma nee bɛdabɛ mɔɔ bɛnle Dwuuma la amuala zo ɛtane.

Wulo 8:32

Nea, yeanva ɔ Ra ne yeanyɛ yɛ abokɛ na yeva ye yebɔ azu wɔ yɛ muala yɛ ti! Na saa yeva ɔ Ra ne yemaa wɔ yɛ ti a, ɛnee fane nyɛ yɛɛ akee ɔnrɛva ninyɛne muala ɔnrɛboka ɔ Ra ne anwo ɔnrɛmaa yɛ a?

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:22

Nyamenle Edwɛkɛ ne se ɛtane gyale ewiade amuala; ɛhye ati bɛdabɛ mɔɔ bɛdie Gyisɛse Kelaese bɛdi la angome a Nyamenle bava ye ɛwɔkɛ ne mɔɔ ɔbɔle la yeamaa bɛ a.

Gyemise Kɛlata ne 1:17

Ɛlolɛdeɛ kpalɛ biala nee ahyɛlɛdeɛ biala mɔɔ di munli la vi anwuma; ɔvi Nyamenle Selɛ ne mɔɔ bɔle anwuma ahɛnlaneɛ ne mɔ la ɛkɛ a ɔba a. Nyamenle ɛnli ngakyile, anzɛɛ ɔmboa ɔngakyi wienyi awozinli.

1 Dw 3:1

Bɛnlea kɛ Selɛ ne ɛzi ɛhulo yɛ a! Ye ɛhulolɛ kpole ne ati, bɛfɛlɛ yɛ Nyamenle amra, yɛɛ nɔhalɛ nu, yɛle ɔ mra. Debie mɔɔ yemɔti ɛtane ewiade ye ɛnze yɛ la a le kɛ yeannwu Nyamenle.

1 Dw 4:10

Ɛhulolɛ kɛ de la ɛne: tɛ yɛmɛ a yɛhulole Nyamenle a, yemɔ a ɔhulole yɛ na ɔzoanle ɔ Ra ne kɛ ɔrayɛ yɛ ɛtane ne mɔ anwo mgbɔdalɛdeɛ, amaa ɔlua ɔ nwo zo bɛava yɛ ɛtane ne mɔ bɛahyɛ yɛ.