Edwɛkpa ne kɛmɔ Mateyu hɛlɛle la 6:9 - BAEBOLO ANZƐƐ BULUKU NWUANZANWUANZA

⁹ Zɔhane ati, bɛmɛ, bɛyɛ nzɛlɛlɛ a bɛyɛ ye zɛhae: ‘Yɛ Ze mɔɔ wɔ anwuma: Wɔ duma nwo ɛde;

Edwɛkpa ne kɛmɔ Mateyu hɛlɛle la 6:9 ပူးပေါင်းရင်းမြစ်များ

2 Sam 7:26

na bɛkɛbɔ wɔ duma bɛkɛze kɛ, ‘Tumivolɛ Ɛdɛnkɛma le Yizilayɛ Nyamenle’, na wɔ sonvolɛ Devidi belemgbunlililɛ ne ɛnrɛbɔ aze ɛlɛ wɔ ɛ nyunlu.

1 Arl 8:43

tie ye nzɛlɛlɛ. Tie ye wɔ anwuma nehane, ɛleka mɔɔ ɛde la, na yɛ debie biala mɔɔ ɔkpondɛ la maa ye. Ɛhye bamaa menli kɔsɔɔti mɔɔ wɔ aleɛabo la anwu wɔ na bɛazulo wɔ, kɛmɔ Yizilayɛma ɛnwu wɔ na bɛsulo wɔ la. Eza bɛbanwu kɛ amgba ɔwɔ kɛ bɛsonle wɔ wɔ sua ɛhye mɔɔ mezi memaa wɔ la anu.

1 Edk 17:24

Wɔ duma bayɛ kpole, na menli aha ye dahuu kɛ, ‘Tumivolɛ Ɛdɛnkɛma a le Yizilayɛ Nyamenle a.’ Na ɛbamaa me belemgbunlililɛ ne adɛnla ɛkɛ ne dahuu.

2 Edk 20:6

na ɔzɛlɛle kɛ, “O Ɛdɛnkɛma, yɛ ze mɔ Nyamenle, wɔmɔ a ɛle Nyamenle mɔɔ ɛwɔ anwuma na ɛsie arelemgbunli maanle maanle kɔsɔɔti mɔɔ wɔ ewiade la a. Wɔmɔ yɛɛ ɛlɛ tumi nee anwosesebɛ mɔɔ awie ɛngola ɛ nyunlu gyinla a.

Nihɛmaya Buluku ne 9:5

Akee Livaema ɛhye mɔ: Gyɛhyua, Kademeɛle, Beenae, Hahyabenaya, Hodaya, Hyɛlibaya, Hyɛbanaya yɛɛ Pɛtahaya zele kɛ, “Bɛdwazo bɛye Ɛdɛnkɛma bɛ Nyamenle ne ayɛlɛ; bɛye ye ayɛlɛ dahuu! Kanza dasanli biala ayɛlɛyelɛ le ekyi bɔbɔ a, awie biala ɛye ye duma nwuanzanwuanza ne ayɛlɛ.”

Edwɛndolɛ Buluku ne 111:9

Ɛdɛnkɛma liele ye menli ne, na ɔ nee bɛ yɛle ngyekyeleɛ mɔɔ bɛntulu ye ɛlɛ a. Ye duma ne le kpole, ɔle nwuanzanwuanza.

Edwɛndolɛ Buluku ne 115:3

Yɛ Nyamenle ne wɔ anwuma; ɔyɛ debie biala mɔɔ ɔdaye ɔkulo la.

Edwɛndolɛ Buluku ne 72:18

Bɛye Ɛdɛnkɛma, Yizilayɛ Nyamenle ne ayɛlɛ, ɔ ngomekye ala a ɔyɛ nwanwane ninyɛne a.

Ayezaya Buluku ne 37:20

Yemɔti kɛkala, O Ɛdɛnkɛma yɛ Nyamenle, die yɛ fi ɔ sa nu, amaa ewiade maanle maanle kɔsɔɔti anwu kɛ ɛ ngomekye ala a ɛle Ɛdɛnkɛma a.”

Ayezaya Buluku ne 57:15

Ɔluakɛ anwuma nee Nwuanzanwuanza Ko ne mɔɔ de ɛkɛ mekɛ mɔɔ ɛnlɛ awieleɛ, mɔɔ ye duma a le Nwuanzanwuanza la se, “Mede anwuma lɔ nee ɛleka nwuanzanwuanza, yɛɛ eza me nee mɔɔ nu ɔ nwo na ɔle bɛlɛvo la tɛnla, kɛ memaa mɔɔ ɛnlu ɔ nwo la anyia anyelazo.

Ayezaya Buluku ne 6:3

Na ko vɛlɛle ko na ɔhanle kɛ: “Nwuanzanwuanza, nwuanzanwuanza! Tumivolɛ Ɛdɛnkɛma le nwuanzanwuanza! Ye anyunlunyia ɛyi ewiade amuala tɛkɛɛ!”

Ayezaya Buluku ne 63:16

Wɔmɔ a ɛle yɛ ze a. Yɛ nlenya mɔ Ebileham nee Gyekɔbo ɛnze yɛ bɔbɔ ɛdeɛ, noko wɔmɔ, O Ɛdɛnkɛma, yɛɛ ɛle yɛ ze a. Ɔvi tete wɔ duma a le yɛ Kpɔnevolɛ.

Ayezaya Buluku ne 64:8

Noko akee, O Ɛdɛnkɛma, wɔmɔ a ɛle yɛ ze a; yɛmɛ, yɛle ndɛtɛlɛ, yɛɛ wɔmɔ a ɛle nwovolɛ ne a; yɛ muala yɛle ɛ sa anloa gyima.

Ayezaya Buluku ne 66:1

Ɛdɛnkɛma se, “Anwuma le me belemgbunli ebia, yɛɛ azɛlɛ ye le me gyakɛ abo ebia. Duzu sua a bɛkɛzi bɛkɛmaa me a, yɛɛ nienwu a medie me ɛnwomenle a?

Yizikeɛle Buluku ne 36:23

Me duma nwuanzanwuanza kpole ne mɔɔ bɛzɛkye ye wɔ maanle maanle ne mɔ avinli la, mebakpogya ye zo kpole bie, na maanle maanle ne mɔ banwu kɛ medame a mele Ɛdɛnkɛma a. Medame, Awulae Nyamenle a mese a; mebalua bɛdabɛ Yizilayɛma bɛ nwo zo meakpogya me nwuanzanwuanzayɛlɛ ne zo wɔ maanle maanle ne mɔ anye zo.

Yizikeɛle Buluku ne 38:23

Zɛhae yɛɛ mebahile me kpoleyɛlɛ nee me nwuanzanwuanzayɛlɛ na meaye me nwo meahile bɛ wɔ maanle maanle anyunlu a. Na akee bɛanwu kɛ medame a mele Ɛdɛnkɛma a.”

Sɛlɛ 10:3

Na Mosisi zele Aalɔn kɛ, “Ɛdɛnkɛma se, ‘Mekile meamaa menli mɔɔ bikye me la anwu kɛ mele nwuanzanwuanza, na meamaa menli ne amuala anwu me anyunlunyia ne.’ ” Na Aalɔn andɛ ɔ nloa anu.

Habakɛke Buluku ne 2:14

Ɛdɛnkɛma anyunlunyia ne anwo adwenle bayi azɛlɛ ye tɛkɛɛ kɛ nyevile tɛtɛtɛlɛlɛ ne anu nzule la.

Zɛkalaya Buluku ne 14:9

Ɛdɛnkɛma bali azɛlɛ ye kɔsɔɔti azo belemgbunli; mekɛ ne anu awie biala bazonle Ɛdɛnkɛma kɛ yemɔ a ɔle Nyamenle kokye ne a yɛɛ ye duma ko.

Malakae Buluku ne 1:11

Me duma le kpole wɔ maanle maanle avinli ɔvi sɛnzɛne aduduleɛ kɔdwu adɔleɛ. Ɛleka biala bɛkpu ɛyɛlɛ evuanlɛ na bɛfa azubɔdeɛ mɔɔ anwo te la bɛmaa me, ɔluakɛ me duma ne le kpole wɔ maanle maanle avinli.

Edwɛkpa ne kɛmɔ Mateyu hɛlɛle la 10:29

Bɛtɔ nyamenleakatiba nwiɔ ɛkpɔsɛba ko, noko akee ko bɔbɔ ɛndɔ aze wɔ mekɛ mɔɔ bɛ Ze mɔɔ wɔ anwuma la ɛnze nu a.

Edwɛkpa ne kɛmɔ Mateyu hɛlɛle la 23:9

Eza bɛmmafɛlɛ awie biala bɛ ‘ze’ wɔ azɛlɛ ye azo, ɔluakɛ bɛ Ze kokye, na yemɔ ala a wɔ anwuma lɔ la.

Edwɛkpa ne kɛmɔ Mateyu hɛlɛle la 26:29

Meka meahile bɛ, menrɛnlo vanye ma nu nzule bieko kɔkpula kenle ne mɔɔ me nee bɛ banlo ye bieko wɔ Egya Belemgbunlililɛ nu la.”

Edwɛkpa ne kɛmɔ Mateyu hɛlɛle la 26:42

Gyisɛse ziale hɔle na ɔhɔzɛlɛle bieko kɛ, “Egya, saa bɛye amaneɛnwunlɛ dwora ɛhye me nloa a ɔnyɛ boɛ na ɔwɔ kɛ meno nu a, ɛnee wɔ ɛhulolɛdeɛ ɛyɛ ɛkɛ.”

Edwɛkpa ne kɛmɔ Mateyu hɛlɛle la 5:16

Zɔhane ala yɛɛ bɛmaa bɛ ɛbɛla kpalɛ ne ɛyɛ kɛ kɛnlaneɛ na ɔda wɔ menli nu a, amaa bɛanwu bɛ gyima kpalɛ ne mɔɔ bɛyɛ la na bɛaye bɛ Ze mɔɔ wɔ anwuma la ayɛlɛ.

Edwɛkpa ne kɛmɔ Mateyu hɛlɛle la 5:48

Zɔhane ati, kɛmɔ bɛ Ze mɔɔ wɔ anwuma la anwo te la, bɛmaa bɛdabɛ noko bɛ nwo ɛde bɔkɔɔ.

Edwɛkpa ne kɛmɔ Mateyu hɛlɛle la 6:14

“Ɔluakɛ saa bɛfa menli mɔɔ ɛvo bɛ la ɛtane bɛkyɛ bɛ a, yɛɛ bɛ anwuma Selɛ ne ɔdaye ɔkɛva bɛ ɛtane ɛdeɛ ne mɔ ɔkɛhyɛ bɛ a.

Edwɛkpa ne kɛmɔ Mateyu hɛlɛle la 6:6

Na bɛmɛ, saa bɛyɛ nzɛlɛlɛ a, bɛhɔvea bɛ sua kunlu ɛkɛ ne, bɛdo anlenkɛ ne anu na bɛyɛ nzɛlɛlɛ bɛvɛlɛ bɛ Ze mɔɔ wɔ anwuma mɔɔ bɛnnwu ye la, na bɛ Ze mɔɔ wɔ anwuma na ɔnwu fealera nu edwɛkɛ la bayila bɛ.

Edwɛkpa ne kɛmɔ Mateyu hɛlɛle la 7:11

Na saa bɛmɛ mɔɔ bɛle ɛtanevolɛma la bɛze kɛ ɔwɔ kɛ bɛfa ninyɛne kpalɛ bɛmaa bɛ mra a, ɛnee fane nyɛ yɛɛ bɛ Ze mɔɔ wɔ anwuma la ɛnrɛva ninyɛne kpalɛ ɛnrɛmaa bɛdabɛ mɔɔ bɛbiza ye la ɛ?

Edwɛkpa ne kɛmɔ Luku hɛlɛle la 15:18

Medwazo meahɔ egya anwo lɔ meahɔze ye kɛ, Egya, meyɛ ɛtane metia Nyamenle nee ɛdawɔ.

Edwɛkpa ne kɛmɔ Luku hɛlɛle la 15:21

Ralɛ nrenya kakula ne hanle hilele ɔ ze kɛ, ‘Egya, meyɛ ɛtane metia Nyamenle nee ɛdawɔ. Kɛkala, menfɛta kɛ ɛkɛvɛlɛ me ɛ ra bieko.’

Edwɛkpa ne kɛmɔ Luku hɛlɛle la 2:14

“Anyunlunyia ɛha Nyamenle wɔ anwuma anwuma, anzonudwolɛ ɛha bɛdabɛ mɔɔ ɔ nye die bɛ nwo wɔ ewiade ye la.”

Dw 20:17

Gyisɛse zele ye kɛ, “Mmasɔ me, ɔboalekɛ metɛkɔle Selɛ ne anwo lɔ. Na wɔmɔ kɔ na kɔze me mediema ne mɔ kɛ, ‘Melɛkɔ Egya nee bɛ Ze ne, me Nyamenle nee bɛ Nyamenle ne anwo lɔ.’ ”

Wulo 1:7

Zɔhane ati melɛkɛlɛ kɛlata ɛhye mearɛlɛ bɛdabɛ mɔɔ Nyamenle kulo bɛ na yevɛlɛ bɛ kɛ bɛrayɛ ye menli na bɛwɔ Wulomu la amuala. Yɛ Ze Nyamenle ne nee Awulae Gyisɛse Kelaese ɛlo bɛ na ɔmaa bɛ anzonudwolɛ.

Wulo 8:15

Ɔluakɛ Sunsum ne mɔɔ Nyamenle ɛva ɛmaa bɛ la ɛnyɛ bɛ ahanra, na ɔmmaa bɛnyɛ avoanvoanle. Sunsum ne maa bɛyɛ Nyamenle amra, na ɔlua Sunsum ne tumi zo yɛkola yɛfɛlɛ Nyamenle kɛ, “Egya! Me Papa.”

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:1

Medame Pɔɔlo, mɔɔ Gyisɛse Kelaese nee Nyamenle Selɛ ne mɔɔ dwazole ye vile mɔwuamra anu la ɛvɛlɛ me kɛ menyɛ ɛzoanvolɛ, na tɛ menli a ɛhyehyɛ ɛyɛ me bɛ ɛzoanvolɛ la a melɛkɛlɛ kɛlata ɛhye a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:6

Kɛmɔ bɛle ɔ mra la, Nyamenle ɛzoa ɔ Ra ne Sunsum ne yemaa yerayi yɛ ahonle ne mɔ tɛkɛɛ, yemɔti yɛkola yɛka kɛ, “Egya! Me Papa!”

1 Tem 6:16

Ɔdaye ala a ɔle damɛnlangoate na ɔde wienyi ne mɔɔ awie ɛngola ɛmbikye ye la anu a. Awie biala ɛtɛnwunle ye ɛlɛ, yɛɛ awie ɛnrɛhola ɛnrɛnwu ye ɛlɛ. Enililɛ nee belemgbunlililɛ mɔɔ ɛmbɔ aze ɛlɛ la le ye ɛdeɛ dahuu! Amen.

1 Pit 1:17

Bɛyɛ nzɛlɛlɛ a bɛfɛlɛ Nyamenle ne mɔɔ ɔnnea sonla nyunlu na ɔbua menli kɔsɔɔti ndɛne, kɛmɔ biala nyɛleɛ si de la bɛ Ze. Zɔhane ati, bɛva Nyamenlezulolɛ bɛbɔ bɛ ɛbɛla wɔ mekɛ mɔɔ bɛwɔ nlɔnu la.

Yekile 4:11

“Yɛ Awulae nee yɛ Nyamenle! Ɛfɛta anyunlunyia, enililɛ, nee tumi. Ɔluakɛ ɛdawɔ a ɛbɔle ninyɛne kɔsɔɔti a. Wɔ ɛhulolɛ zo yɛɛ ɛbɔle bɛ a. Wɔ ɛhulolɛ zo yɛɛ bɛwɔ ɛkɛ a.”

Yekile 5:12

na bɛhanle ye kpole kɛ, “Boaneralɛ ne mɔɔ bɛhunle ye la, fɛta tumi, anwonyia, nrɛlɛbɛ nee anwosesebɛ, enililɛ, anyunlunyia nee ayɛlɛyelɛ!”