Edwɛkpa ne kɛmɔ Mateyu hɛlɛle la 6:7 - BAEBOLO ANZƐƐ BULUKU NWUANZANWUANZA

⁷ “Wɔ bɛ nzɛlɛlɛ nu, bɛmmaka edwɛkɛ dɔɔnwo kɛmɔ bɛdabɛ mɔɔ bɛnze Nyamenle la yɛ ye la. Ɔluakɛ bɛmɛ, bɛdwenle kɛ saa bɛka edwɛkɛ dɔɔnwo a yɛɛ Nyamenle kɛdie bɛ a.

Edwɛkpa ne kɛmɔ Mateyu hɛlɛle la 6:7 ပူးပေါင်းရင်းမြစ်များ

Nolo 5:7

Ɔluakɛ mɔɔ wɔ ɛlalɛhanlɛ ɛlɛso la, ɛnee wɔ ɛdendɛlɛ mgbane mgbane ne mɔ ɛlɛso; wɔmɔ sulo Nyamenle.

Edwɛkpa ne kɛmɔ Mateyu hɛlɛle la 18:17

Saa yeandie bɛ edwɛkɛ a, ka kile asɔnema amuala. Eza saa ɔnrɛdie asɔnema amuala noko edwɛkɛ a, ɛnee fa ye kɛ ɔnze Nyamenle anzɛɛ ɔle kɛ adwuledievolɛ la.

Edwɛkpa ne kɛmɔ Mateyu hɛlɛle la 26:39

Akee ɔhɔle ɔ nyunlu ekyii la ɔbutule mutule nu na ɔzele kɛ, “Egya, saa ɛyɛ na ɔkɛyɛ boɛ a, ye amaneɛnwunlɛ dwora ye fi me nloa! Noko tɛ kɛ mɔɔ mame mekulo la ɔ, na maa ɔyɛ kɛ mɔɔ wɔ ɛhulolɛ ne de la.”

Edwɛkpa ne kɛmɔ Mateyu hɛlɛle la 26:42

Gyisɛse ziale hɔle na ɔhɔzɛlɛle bieko kɛ, “Egya, saa bɛye amaneɛnwunlɛ dwora ɛhye me nloa a ɔnyɛ boɛ na ɔwɔ kɛ meno nu a, ɛnee wɔ ɛhulolɛdeɛ ɛyɛ ɛkɛ.”

Edwɛkpa ne kɛmɔ Mateyu hɛlɛle la 26:44

Gyisɛse eza gyakyile bɛ ɛkɛ ne na ɔhɔle ɔhɔzɛlɛle fane nsa ne azo, na ɔhanle edwɛkɛ ko ne ala.

Edwɛkpa ne kɛmɔ Mateyu hɛlɛle la 6:32

(Ɛhye mɔ le ninyɛne mɔɔ bɛdabɛ mɔɔ bɛnze Nyamenle la a dwenle nwolɛ a.) Bɛ Ze mɔɔ wɔ anwuma la ze kɛ bɛhyia ninyɛne ɛhye mɔ amuala anwo.

Ɛzoanvolɛma Gyima ne 19:34

Na mɔɔ bɛnwunle kɛ ɔle Dwuunli la, bɛ muala bɛdeɛdeanle nuhua bɛwudole dedee asɛɛ dɔnehwele nwiɔ bɛhanle kɛ, “Aatɛmese, Ɛfɛsɛsema bozonle raalɛ ne le kpole!”