Edwɛkpa ne kɛmɔ Mateyu hɛlɛle la 6:5 - BAEBOLO ANZƐƐ BULUKU NWUANZANWUANZA

⁵ “Saa bɛyɛ nzɛlɛlɛ a, bɛmmayɛ ye kɛ nabalabama ne mɔ yɛ ye la. Menli zɔhane mɔ kulo kɛ bɛgyinla nyianu azua ne mɔ anu nee mgbata ne mɔ azo bɛyɛ bɛmaa menli kɔsɔɔti nwu bɛ kɛ bɛlɛyɛ nzɛlɛlɛ. Nɔhalɛ, meka meahile bɛ kɛ bɛnyia bɛ ahatualɛ bɛwie.

Edwɛkpa ne kɛmɔ Mateyu hɛlɛle la 6:5 ပူးပေါင်းရင်းမြစ်များ

Edwɛndolɛ Buluku ne 5:2

Me Belemgbunli nee me Nyamenle, mesɛlɛ wɔ, tie me ɛzunlɛ.

Edwɛndolɛ Buluku ne 55:17

Nɔsolɛ nu, nwonlomɔ nee ewiazo meka me nyane na mesu, na ɔbadie me ne.

Mrɛlɛbulɛ Buluku ne 15:8

Amumuyɛnli azubɔlɛ le kyibadeɛ maa Ɛdɛnkɛma; Ɛdɛnkɛma anye die sonla mɔɔ di pɛlepɛle la nzɛlɛlɛ nwo.

Mrɛlɛbulɛ Buluku ne 16:5

Ɛdɛnkɛma kyi sonla mɔɔ le mgbanyizonle la; nwu ye kɛ sonla zɛhae ɛnrɛva ɔ nwo dwɔɔ.

Ayezaya Buluku ne 1:15

“Saa bɛtɛlɛ bɛ sa nu kɛ bɛyɛ nzɛlɛlɛ a, mebaye me nye meado ɛbɔ nu. Bɛyɛ nzɛlɛlɛ dɔɔnwo kɛyɛ nyɛ bɔbɔ a, menrɛdie. Bɛ sa anwo le mogya ngome.

Gyɛlɛmaya Buluku ne 29:12

Akee bɛbazonle me, na bɛara ɛke bɛarayɛ nzɛlɛlɛ, na mebadie bɛ.

Daneɛle Buluku ne 6:10

Daneɛle nwunle kɛ bɛlie mɛla ne bɛdo nu na belemgbunli ɛva ɔ sa ɛwula ɔ bo la, ɔhɔle sua nu, ɔbukebukele ye nvɛnzɛlɛ ne mɔ mɔɔ kɔne Gyɛlusalɛm afoa nu la ɔguale nwolɛ, na kenle ko biala ɔhotole ɔzɛlɛle na ɔyɛle ye Nyamenle ne mo fane nsa, kɛmɔ ɛnee ɔyɛ ye dɛba ne la.

Edwɛkpa ne kɛmɔ Mateyu hɛlɛle la 21:22

Saa bɛdie bɛdi a, bɛ sa kɛha debie biala mɔɔ bɛkɛbiza wɔ nzɛlɛlɛ nu la.”

Edwɛkpa ne kɛmɔ Mateyu hɛlɛle la 23:13

“Munzule ɛha bɛmɛ mɛla kilehilevolɛma nee Falasiima! Nabalabama! Bɛmɛ, bɛto Anwuma Belemgbunlililɛ anlenkɛ ne anu bɛmaa menli ne ka ɔ nzi; bɛmɛ a, bɛnrɛhɔ nu, yɛɛ akee noko bɛnrɛmaa bɛdabɛ mɔɔ bɛlɛbɔ mɔdenle bɛahɔ nu la adenle bɛnrɛmaa bɛnrɛhɔ nu. [

Edwɛkpa ne kɛmɔ Mateyu hɛlɛle la 23:5

Bɛyɛ bɛ ninyɛne kɔsɔɔti wɔ menli nye zo. Bɛdabɛ bɛnlea kɛ bɛ abɔtile ne mɔ si de mgbole na bɛhɛlɛhɛlɛ Nyamenle Edwɛkɛ wɔ nu, mɔɔ bɛbɔ a ɛnee ɔgua bɛ nwoma azo a; nee bie noko mɔɔ wɔ tabule nu mɔɔ bɛgua ye bɛ sa zo la mgbole kɛ si de la. Eza bɛnlea bɛ adɛladeɛ ne mɔ anloa, kɛ bɛzi bɛyɛ bɛ sosɔkpɔɔ la.

Edwɛkpa ne kɛmɔ Mateyu hɛlɛle la 23:6

Saa bɛkɔ ɛkponledolɛ bo a bɛ nye bolo ɛleka kpalɛ ɛdɛnlanlɛ, yɛɛ nyianu sua nu mbia kpalɛ zo a bɛkpondɛ bɛtɛnla a.

Edwɛkpa ne kɛmɔ Mateyu hɛlɛle la 6:1

“Bɛnlea boɛ na bɛanyɛ bɛ Nyamenle ɛzonlenlɛ gyima ne ɛnyelɛ zo. Saa bɛyɛ ye zɔ a bɛnrɛnyia ahatualɛ wɔ bɛ anwuma Selɛ ne ɛkɛ.

Edwɛkpa ne kɛmɔ Mateyu hɛlɛle la 6:16

“Saa bɛkye ɛhɔne a, bɛmmayɛ bɛ nyunlu alɔbɔlɛ alɔbɔlɛ, kɛmɔ nabalabama ne mɔ yɛ la. Bɛsie bɛ nwo evinli bɛfa bɛkile bɛmaa awie biala nwu kɛ bɛlɛkye ɛhɔne. Bɛnwu ye kɛ bɛdua bɛ nwolɛ kakɛ bɛwie.

Edwɛkpa ne kɛmɔ Mateyu hɛlɛle la 6:2

“Zɔhane ati saa bɛfa debie bɛahyɛ a bɛmmabɔ nwolɛ awuye, kɛmɔ nabalabama ne mɔ yɛ ye wɔ nyianu azua ne mɔ anu nee awɔdenle ne mɔ azo la. Bɛyɛ ye zɔhane amaa bɛanyia bɛ nyunlu wɔ menli nyunlu. Nɔhalɛ, meka meahile bɛ kɛ bɛnyia bɛ ahatualɛ bɛwie.

Edwɛkpa ne kɛmɔ Mateyu hɛlɛle la 9:38

Zɔhane ati bɛzɛlɛ egyinli menle ne kɛ ɔkɛva gyimayɛvoma dɔɔnwo ɔkɛmaa bɛkɛhɔbu bɛyɔba ne.”

Edwɛkpa ne kɛmɔ Maake hɛlɛle la 11:25

Na saa bɛgyi bɛlɛsɛlɛ, na awie ɛvo bɛ a, bɛva bɛhyɛ ye na bɛ Ze mɔɔ wɔ anwuma la ava bɛ ɛtane ahyɛ bɛ. [

Edwɛkpa ne kɛmɔ Maake hɛlɛle la 12:38

Na mɔɔ ɔlɛkilehile la ɔhanle kɛ, “Bɛnlea boɛ wɔ mɛla kilehilevolɛma anwo. Ninyɛne mɔɔ bɛkulo la a le adɛladeɛ ndendenle ɛwulalɛ nee gua zo ɛkpɔsalɛ, amaa menli abɔ bɛ ti aze abiza bɛ ahye.

Edwɛkpa ne kɛmɔ Luku hɛlɛle la 11:43

“Munzule ɛha bɛdabɛ Falasiima! Bɛmɛ, bɛkulo nyianu azua ne mɔ anu mbia ne mɔ mɔɔ wɔ ɔ nyunlu la azo ɛdɛnlanlɛ nee gua zo ahyebizalɛ mɔɔ menli bɔ bɛ ti aze abiza bɛ ahye la.

Edwɛkpa ne kɛmɔ Luku hɛlɛle la 18:1

Akee Gyisɛse bule ɛrɛlɛ ɛhye hilele ye ɛdoavolɛma ne mɔ vale hilele kɛ ɔwɔ kɛ bɛyɛ nzɛlɛlɛ dahuu na ɔnle kɛ bɛkpo aze.

Edwɛkpa ne kɛmɔ Luku hɛlɛle la 18:13

“Na adwuledievolɛ ne gyinlanle ahane ɛleka bie, yeangulo kɛ ɔkɛkpogya ɔ ti zo bɔbɔ. Ɔvale ɔ sa ɔguale ye ɛbolɛ zo na ɔzele kɛ, ‘O Awulae Nyamenle, nwu me anwunvɔne na mele ɛtanevolɛ!’ ”

Edwɛkpa ne kɛmɔ Luku hɛlɛle la 20:47

Bɛbɛlɛbɛla ahunlanvolɛ mraalɛ bɛbɔ bɛ awuke ne mɔ, na akee bɛakpati bɛayɛ nwolɛ nzɛlɛlɛ ndendenle. Bɛ ndeanlɛ bayɛ kpole kpalɛ!”

Edwɛkpa ne kɛmɔ Luku hɛlɛle la 6:24

“Noko akee munzule ɛha bɛdabɛ mɔɔ bɛnyia bɛ nwo kɛkala la, ɔluakɛ bɛmɛ, bɛli bɛ ti bɛwie.

Dw 16:24

Toonwo mɔɔ yeradwu bekezɛ la, bɛtɛbizale debie biala wɔ me duma nu; bɛbiza na bɛ sa kɛha ye, amaa bɛ fɛlɛkolilɛ ne ali munli.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:18

Bɛva nzɛlɛlɛ bɛyɛ ɛhye mɔ amuala na bɛbiza Nyamenle moalɛ. Mekɛ biala bɛzɛlɛ kɛmɔ sunsum ne kile la. Zɔhane ati bɛmaa bɛ nye ɛbolo bɛbodo bɛzɛlɛ kpalɛ wɔ Sunsum ne anu dahuu. Bɛyɛ bɛ nye gyɛlɛmgbɛɛnye na bɛmmamaa bɛ sa kpa; bɛzɛlɛ dahuu bɛmaa Nyamenle menli ne noko,

1 Tɛs 5:17

bɛyɛ nzɛlɛlɛ dahuu,

Gyemise Kɛlata ne 4:6

Noko Nyamenle ɛlolɛ ne mɔɔ ɔfa ɔmaa la le kpole. Nyamenle Edwɛkɛ ne se, “Nyamenle bɛlɛ mɔɔ le mgbanyizonle la aze, na ɔmaa mɔɔ bɛlɛ ɔ nwo aze la zo.”