Edwɛkpa ne kɛmɔ Mateyu hɛlɛle la 6:4 - BAEBOLO ANZƐƐ BULUKU NWUANZANWUANZA

⁴ amaa bɛ nyɛleɛ kpalɛ ne ayɛ fealera nu debie na bɛ Ze mɔɔ wɔ anwuma mɔɔ nwu fealera nu debie biala la ayila bɛ.

Edwɛkpa ne kɛmɔ Mateyu hɛlɛle la 6:4 ပူးပေါင်းရင်းမြစ်များ

Edwɛndolɛ Buluku ne 139:12

awozinli ne ɛnle kisii ɛmmaa wɔ, aledwolɛ ne ta wienyi kɛ alehyenlɛ, ɔluakɛ ɛ nyunlu, awozinli nee wienyi le debie ko.

Edwɛndolɛ Buluku ne 17:3

Saa ɛsɔ me ɛnea, saa ɛba me nwo nɔɔzo, saa ɛneɛnlea me nu a, ɛkɛnwu kɛ menle amumuyɛ; menva me nloa menga ɛtane.

Edwɛndolɛ Buluku ne 44:21

asoo anrɛɛ Nyamenle ɛnrɛnwu ye ɔ? Ɔluakɛ ɔze ahonle muala anu.

Mrɛlɛbulɛ Buluku ne 25:22

ɔluakɛ saa ɛyɛ ye zɔhane a ɛnee ɛlɛkuohua samɛnlakɛ ɔ ti zo, na Ɛdɛnkɛma bayila wɔ.

Gyɛlɛmaya Buluku ne 17:10

Medame Ɛdɛnkɛma a meneɛnlea sonla adwenle nu na meneɛnlea ye ahonle nu a. Meboa awie biala, kɛmɔ ye ndenle ne mɔ de la, kɛmɔ ye nyɛleɛ ne si kɔ ye la.”

Gyɛlɛmaya Buluku ne 23:24

Asoo sonla kola fea ɔ nwo mɔɔ mengola mennwu ye a? Medame Ɛdɛnkɛma, mese, mewɔ ɛleka kɔsɔɔti, anwuma o, aze o.

Edwɛkpa ne kɛmɔ Mateyu hɛlɛle la 10:42

Na bɛhakye ɛhye: Awie biala mɔɔ kɛmaa ngakula ngyikyi ɛhye mɔ anu ko nzule fɔlɔdɔdɔ kanrɛlɛ ko bɔbɔ kɛnlo, kɛ ɔle me ɛdoavolɛ la, kɛnyia nwolɛ ahatualɛ somaa!”

Edwɛkpa ne kɛmɔ Mateyu hɛlɛle la 6:18

amaa awie mɔ annwu kɛ bɛlɛkye ɛhɔne. Na bɛ Ze mɔɔ wɔ anwuma na ɔze fealera nu debie biala la bayila bɛ.

Edwɛkpa ne kɛmɔ Mateyu hɛlɛle la 6:3

Na bɛmɛ, saa bɛfa debie bɛahyɛ a, bɛmmamaa bɛ sa bɛne ne nwu mɔɔ fema ne ɛlɛyɛ la,

Edwɛkpa ne kɛmɔ Mateyu hɛlɛle la 6:6

Na bɛmɛ, saa bɛyɛ nzɛlɛlɛ a, bɛhɔvea bɛ sua kunlu ɛkɛ ne, bɛdo anlenkɛ ne anu na bɛyɛ nzɛlɛlɛ bɛvɛlɛ bɛ Ze mɔɔ wɔ anwuma mɔɔ bɛnnwu ye la, na bɛ Ze mɔɔ wɔ anwuma na ɔnwu fealera nu edwɛkɛ la bayila bɛ.

Edwɛkpa ne kɛmɔ Luku hɛlɛle la 14:14

na Nyamenle kɛyila wɔ. Ɔluakɛ bɛmɛ, bɛdabɛ bɛnrɛhola bɛnrɛzie wɔ ɛdeɛ ne abo zo. Nyamenle ala a bazie ɔ bo zo amaa wɔ wɔ mekɛ mɔɔ menli kpalɛ ne mɔ vi ewule nu kɛdwazo la a.”

Edwɛkpa ne kɛmɔ Luku hɛlɛle la 8:17

“Debie biala mɔɔ vea la bala ali wienyi; yɛɛ mɔɔ bɛheda zolɛ la anwo bala zolɛ.

1 Kɔl 4:5

Yemɔti bɛmmabua awie biala ndɛne kɔkpula Kenle ne mɔɔ Awulae kɛra bieko la. Awieleɛ ndɛnebualɛ ne wɔ Awulae asa anu, yemɔ yɛɛ ɔbaraye ninyɛne mɔɔ vea awozinli nu nee ahonle nu nzuzulɛ muala yeavinde wienyi nu a. Zɔhane mekɛ ne awie biala asa baha ye moyɛlɛ mɔɔ fɛta la avi Nyamenle ɛkɛ.

Kɛlata mɔɔ bɛhɛlɛle bɛhɔmanle Hibuluma la 4:13

Wɔ Nyamenle anyunlu, debie biala ɛnvea; debie biala mɔɔ wɔ aleɛabo la la ɔ nyunlu wienyi, na yemɔ yɛɛ yɛbabu yɛ mgbonda yɛahile ye a.

Dwuudu Kɛlata ne 1:24

Nyamenle mɔɔ kola sɔ bɛ mɔɔ bɛndɔ aze, na ɔfa bɛ kɔlɔnwo fɛlɛko nu ɔkɔ ɔdaye ye anyunlunyia ne anu,

Yekile 2:23

Eza menli mɔɔ li ɔ nzi la, mebahu bɛ muala na asɔnema ne amuala anwu kɛ medame a menwu sonla biala ati anu nee ye ahonle nu a. Me nee bɛ nuhua ko biala bali wɔ mɔɔ yeyɛ la anwo.

1 Sam 2:30

Zɔhane ati, medame, Yizilayɛ Ɛdɛnkɛma Nyamenle, mese: membɔle ɛwɔkɛ kɛ wɔ abusua ne nee ɛ bo zo amra bayɛ me sɛlɛvolɛma dahuu ɛdeɛ na kɛkala, mese wɔ kɛ ɔnrɛyɛ zɔhane bieko. Mebali menli mɔɔ di me eni la eni; na menrɛbu bɛdabɛ mɔɔ bɛkpo me la ɛhwee.