Edwɛkpa ne kɛmɔ Mateyu hɛlɛle la 6:2 - BAEBOLO ANZƐƐ BULUKU NWUANZANWUANZA

² “Zɔhane ati saa bɛfa debie bɛahyɛ a bɛmmabɔ nwolɛ awuye, kɛmɔ nabalabama ne mɔ yɛ ye wɔ nyianu azua ne mɔ anu nee awɔdenle ne mɔ azo la. Bɛyɛ ye zɔhane amaa bɛanyia bɛ nyunlu wɔ menli nyunlu. Nɔhalɛ, meka meahile bɛ kɛ bɛnyia bɛ ahatualɛ bɛwie.

Edwɛkpa ne kɛmɔ Mateyu hɛlɛle la 6:2 ပူးပေါင်းရင်းမြစ်များ

Edwɛndolɛ Buluku ne 112:9

Yebuke ɔ sa nu wɔ ɛhyianvolɛma anwo zo; ye tenleneyɛlɛ ne wɔ ɛkɛ ne dahuu; bɛbava enililɛ bɛakpogya ye tumi ne zo.

Edwɛndolɛ Buluku ne 37:21

Amumuyɛnli biza bosea a ɔndua, na tenlenenli asa do, ɔbuke ɔ sa nu;

Mrɛlɛbulɛ Buluku ne 19:17

Sonla mɔɔ se ehyianvolɛma anwunvɔne la bɔ Ɛdɛnkɛma bosea, na ɔbadua ye kakɛ wɔ ye nyɛleɛ kpalɛ nwo.

Mrɛlɛbulɛ Buluku ne 20:6

Awie biala die ɔ nwo di, noko sonla mɔɔ di nɔhalɛ la bɛnnyia ye.

Nolo 11:2

Bubu bie maa menli nsuu anzɛɛ mɔtwɛ bɔbɔ, ɔluakɛ ɛnze munzule mɔɔ kenle bie bazi azɛlɛ ye azo a.

Ayezaya Buluku ne 10:6

mefa metea maanle mɔɔ ɛnze Nyamenle la, yɛɛ eza mesoa ye wɔ menli mɔɔ menwɔva bɛ nwo ɛya la anwo zo, memaa ɔkɔbo bɛ ɔsa bɛ ɔdie bɛ nwo ninyɛne, na ɔtietia bɛ nwo zo kɛ guabile zo ndɛtɛlɛ la.”

Ayezaya Buluku ne 58:7

Ɛhɔnehyelɛ a le kɛ bɛkɛmaa mɔɔ ɛhɔne ɛlɛku ye la bɛ aleɛ mɔɔ bɛdi la bie, na bɛkɛva ehyianli anwo anwunvɔne ne mɔɔ ɛnlɛ ɛleka ɛnla la bɛkɛra sua nu. Saa bɛnwu awie mɔɔ ɛngeda bie la a bɛmaa ye ɛdanlɛ ɔheda na bɛmmafa bɛ nwo bɛfea bɛ nwo amra.

Ayezaya Buluku ne 9:17

Zɔhane ati Awulae anye ɛnlie bɛ mgbavolɛ ne mɔ anwo, yɛɛ ɔnlɛ anwunvɔnezelɛ ɔmmaa bɛ ahunlanvolɛ mraalɛ nee bɛdabɛ mɔɔ bɛnlɛ bɛ ze mɔ la. Ɔluakɛ awie biala ɛnze Nyamenle na ɔbɔ munzule ɛbɛla, yɛɛ awie biala ka ɛtane. Ɔlua ɛhye mɔ ati Ɛdɛnkɛma ɛya ne ɛnrɛdwo, ɔbahɔ zolɛ yeadenrɛ ɔ sa yeadea bɛ.

Hozia Buluku ne 8:1

Ɛdɛnkɛma se, “Bɛwu aweɛne tendenle ne anu. Agbɔvolɛ ɛlɛba arali me azɛlɛ ye mutule kɛ ahɔleɛ! Ɔluakɛ menli ne ɛtulu me ngyekyeleɛ ne mɔɔ me nee bɛ kyekyele la na bɛbulu me mɛla ne azo.

Edwɛkpa ne kɛmɔ Mateyu hɛlɛle la 15:7

Bɛmɛ nabalabama! Ayezaya nwunle ye bɔkɔɔ yɛɛ ɔhanle ye wɔ bɛ nwo a. Ɔse,

Edwɛkpa ne kɛmɔ Mateyu hɛlɛle la 16:3

Nwonlomɔ mangyee ne noko ɛnee bɛse, ‘Ezule badɔ, ɔluakɛ anwomanyunlu ɛbolo, ɛlu.’ Bɛkola bɛnea anwomanyunlu bɛka maanle nu edwɛkɛ, na bɛngola bɛngile sɛkɛlɛneɛ mɔɔ fane mekɛ ɛhye mɔ anwo la abo!

Edwɛkpa ne kɛmɔ Mateyu hɛlɛle la 22:18

Na Gyisɛse nwunle bɛ nwulowula ne, na ɔzele bɛ kɛ, “Bɛmɛ nabalabama, duzu ati a bɛsɔ me bɛanlea ɛ?

Edwɛkpa ne kɛmɔ Mateyu hɛlɛle la 23:5

Bɛyɛ bɛ ninyɛne kɔsɔɔti wɔ menli nye zo. Bɛdabɛ bɛnlea kɛ bɛ abɔtile ne mɔ si de mgbole na bɛhɛlɛhɛlɛ Nyamenle Edwɛkɛ wɔ nu, mɔɔ bɛbɔ a ɛnee ɔgua bɛ nwoma azo a; nee bie noko mɔɔ wɔ tabule nu mɔɔ bɛgua ye bɛ sa zo la mgbole kɛ si de la. Eza bɛnlea bɛ adɛladeɛ ne mɔ anloa, kɛ bɛzi bɛyɛ bɛ sosɔkpɔɔ la.

Edwɛkpa ne kɛmɔ Mateyu hɛlɛle la 23:6

Saa bɛkɔ ɛkponledolɛ bo a bɛ nye bolo ɛleka kpalɛ ɛdɛnlanlɛ, yɛɛ nyianu sua nu mbia kpalɛ zo a bɛkpondɛ bɛtɛnla a.

Edwɛkpa ne kɛmɔ Mateyu hɛlɛle la 24:51

Na ɔ menle ne kɛye ye ali kɛhɔboka nabalabama ne anwo. Ɛkɛ ne yɛɛ menli su dedɛ bɛ nwo bonrane nu a.”

Edwɛkpa ne kɛmɔ Mateyu hɛlɛle la 5:18

Nɔhalɛ, meka meahile bɛ kɛ anwuma nee aze baze ahɔ na mɛla ne anu kpɔkɛ nretee ko bɔbɔ ɛnrɛkpɔkye ɛnrɛdɔ kyesɛ mɔɔ wɔ nu la amuala ɛli munli.

Edwɛkpa ne kɛmɔ Mateyu hɛlɛle la 6:16

“Saa bɛkye ɛhɔne a, bɛmmayɛ bɛ nyunlu alɔbɔlɛ alɔbɔlɛ, kɛmɔ nabalabama ne mɔ yɛ la. Bɛsie bɛ nwo evinli bɛfa bɛkile bɛmaa awie biala nwu kɛ bɛlɛkye ɛhɔne. Bɛnwu ye kɛ bɛdua bɛ nwolɛ kakɛ bɛwie.

Edwɛkpa ne kɛmɔ Mateyu hɛlɛle la 6:3

Na bɛmɛ, saa bɛfa debie bɛahyɛ a, bɛmmamaa bɛ sa bɛne ne nwu mɔɔ fema ne ɛlɛyɛ la,

Edwɛkpa ne kɛmɔ Mateyu hɛlɛle la 6:5

“Saa bɛyɛ nzɛlɛlɛ a, bɛmmayɛ ye kɛ nabalabama ne mɔ yɛ ye la. Menli zɔhane mɔ kulo kɛ bɛgyinla nyianu azua ne mɔ anu nee mgbata ne mɔ azo bɛyɛ bɛmaa menli kɔsɔɔti nwu bɛ kɛ bɛlɛyɛ nzɛlɛlɛ. Nɔhalɛ, meka meahile bɛ kɛ bɛnyia bɛ ahatualɛ bɛwie.

Edwɛkpa ne kɛmɔ Mateyu hɛlɛle la 7:5

Wɔmɔ nabalabanli! Dumua ye dubinli ne mɔɔ la ɛ nye zo la na wɔanwu debie kpalɛ, na wɔahola wɔaye mumunli ne mɔɔ la ɛ diema ne anye zo la.

Edwɛkpa ne kɛmɔ Maake hɛlɛle la 12:39

Kenle biala bɛkulo kɛ bɛkɛnyia nyianu azua ne mɔ anu mbia kpalɛ ne mɔ azo bɛkɛdɛnla.

Edwɛkpa ne kɛmɔ Maake hɛlɛle la 7:6

Gyisɛse buale bɛ kɛ, “Ayezaya nwunle bɛ bɔkɔɔ yɛɛ ɔhanle a. Bɛle nabalabama kpalɛ kpalɛ, kɛmɔ ɔhɛlɛle ɔdole ɛkɛ ne la; ɔse, ‘Nyamenle se, Menli ɛhye mɔ fa bɛ nloa babonle mgbane a kanvo me a, na bɛ ahonle ɛdeɛ, ɔmbikye me.

Edwɛkpa ne kɛmɔ Luku hɛlɛle la 11:41

Bɛva mɔɔ ɛyi bɛ kanrɛlɛ ne mɔ nee bɛ ɛyɛba ne mɔ la bɛmaa ehyianvolɛma na debie biala anwo kɛde kɛmaa bɛ.

Edwɛkpa ne kɛmɔ Luku hɛlɛle la 11:43

“Munzule ɛha bɛdabɛ Falasiima! Bɛmɛ, bɛkulo nyianu azua ne mɔ anu mbia ne mɔ mɔɔ wɔ ɔ nyunlu la azo ɛdɛnlanlɛ nee gua zo ahyebizalɛ mɔɔ menli bɔ bɛ ti aze abiza bɛ ahye la.

Edwɛkpa ne kɛmɔ Luku hɛlɛle la 12:33

Bɛdɔne mɔɔ bɛlɛ la amuala na bɛva ezukoa ne bɛmaa ehyianvolɛma. Bɛyɛ gya ahodoku mɔɔ ɛnzɛkye ɛlɛ la bɛmaa bɛ nwo, na bɛva bɛ anwonyia bɛzie ɛleka mɔɔ ɔnrɛminli ɛlɛ la, ɔboalekɛ awule asa ɛnrɛha ye, yɛɛ ɛlɛtɛba ɛnrɛhola ɛnrɛzɛkye ye.

Edwɛkpa ne kɛmɔ Luku hɛlɛle la 12:56

Adalɛ nabalabama! Bɛkola bɛnwu azɛlɛ ye azo nee anwomanyunlu sɛkɛlɛneɛ ne mɔ abo bɛkile, na kɛmɔti a bɛngola bɛngile mekɛ ɛhye mɔɔ yɛwɔ nu la abo ɛ?

Edwɛkpa ne kɛmɔ Luku hɛlɛle la 13:15

Awulae buale ye kɛ, “Bɛmɛ nabalabama! Saa ɔdwu Ɛnwomenlelielɛ Kenle a bɛ biala sianyi ye ɛnlankɛ anzɛɛ asoaso ɔfa ye ɔkɔmaa ye nzule.

Edwɛkpa ne kɛmɔ Luku hɛlɛle la 20:46

“Bɛnlea boɛ wɔ mɛla kilehilevolɛma ne anwo; bɛmɛ, mɔɔ bɛkulo la a le adɛladeɛ ndendenle ɛwulalɛ, gua zo ɛkpɔsalɛ nee menli mɔɔ bɔ bɛ ti aze abiza bɛ ahye wɔ gua nu la; bɛkulo nyianu azua nu mgbanyinli ɛleka nee ɛkponledolɛ bo ɛleka kpalɛ ne mɔ ɛdɛnlanlɛ.

Edwɛkpa ne kɛmɔ Luku hɛlɛle la 6:24

“Noko akee munzule ɛha bɛdabɛ mɔɔ bɛnyia bɛ nwo kɛkala la, ɔluakɛ bɛmɛ, bɛli bɛ ti bɛwie.

Edwɛkpa ne kɛmɔ Luku hɛlɛle la 6:42

Na duzu ati a ɛse ɛ diema kɛ, ‘Me diema, mebodo wɔ, maa menye mumunli ne mɔɔ la ɛ nye zo la,’ wɔ mekɛ mɔɔ dubinli la ɛdawɔ mumua ne ɛ nye zo la ɛ? Wɔmɔ nabalabanli, dumua ye dubinli ne wɔ ɛ nye zo, na wɔanwu debie kpalɛ, na wɔahola wɔaye mumunli ne mɔɔ la adiema ne anye zo la.

Dw 13:29

Kɛmɔ Dwudase a ɛnee nea bɛ gya zo la ati, ɛdoavolɛma ne bie mɔ dwenlenle kɛ Gyisɛse ɛzoa ye kɛ ɔhɔtotɔ ninyɛne mɔɔ bɛbahyia nwolɛ wɔ ɛvoyia ne ɛlilɛ nu la, anzɛɛ yeha yehile ye kɛ ɔva debie ɔhɔmaa ehyianvolɛma.

Dw 5:41

“Tɛ menli ayɛlɛyelɛ yɛɛ mekpondɛ a.

Dw 5:44

Bɛkpondɛ kɛ bɛkanvo bɛ ngome bɛ nwo ngoko ngoko, na bɛmpele bɛnlie nganvolɛ bɛnvi Nyamenle kokye ne ɛkɛ ne, na ɛnee kɛ ɔkɛyɛ na bɛalie me bɛali ɛ?

Dw 7:18

Awie mɔɔ di ɔ ti anwo kilehile la kpondɛ ɔdaye ɔ ngome ɔ nyunlu. Mɔɔ kpondɛ anyunlunyia maa mɔɔ zoanle ye la ka nɔhalɛ ne, yɛɛ nvonleɛ biala ɛnle ye nu.

Ɛzoanvolɛma Gyima ne 10:2

Ɔle sonla mɔɔ sulo Nyamenle a, yɛɛ ɔ nee ye sua nu amra amuala bɛsonle Nyamenle. Ɔ sa do Dwuuma ehyianvolɛma anwo zo, yɛɛ ɔnva ye nzɛlɛlɛ wɔ Nyamenle anyunlu ɔndo aze.

Ɛzoanvolɛma Gyima ne 10:31

na ɔzele me kɛ, ‘Kɔnileɛse! Wɔ nzɛlɛlɛ ɛdwu Nyamenle anyunlu na yenwu wɔ ahunlunyele gyima ne amuala.

Ɛzoanvolɛma Gyima ne 10:4

Ɔnwunle Nyamenle soanvolɛ ne la, ɛzulolɛ hanle ye na ɔhanle kɛ, “Yɛmenle, duzu edwɛkɛ ɔ?” Nyamenle soanvolɛ ne buale ye kɛ, “Nyamenle ɛde wɔ nzɛlɛlɛ na yenwu wɔ ahunlunyele gyima ne amuala.

Ɛzoanvolɛma Gyima ne 11:29

Yemɔti diedima ne bɔle kpɔkɛ kɛ bɛkeha bɛ sa aze na mɔɔ bɛkɛnyia ye la bɛava bɛahɔboa mediema mɔɔ wɔ Dwudiya la.

Ɛzoanvolɛma Gyima ne 24:17

“Kɛmɔ menvile Gyɛlusalɛm la ɛvolɛ dɔɔnwo ɛze la ati, mengɔle ɛkɛ ne kɛ melɛ ezukoa nee azubɔlɛ ninyɛne mekamaa me menli ne mɔ.

Ɛzoanvolɛma Gyima ne 9:36

Dwɔpa noko, raalɛ bie wɔ ɛkɛ, bɛfɛlɛ ye Tabeta. (Ye duma ne Giliki nu a le Dɔkase.) Ɔle ɛdoavolɛ. Raalɛ ɛhye vale ye mekɛ yɛle ahunlunyele gyima na ɔboale ehyianvolɛma.

Wulo 12:8

Mɔɔ lɛ folɛdulɛ ahyɛlɛdeɛ la ɛva ɛdu ɔ gɔnwo mɔ folɛ. Mɔɔ ɔwɔ kɛ asa dwu awie mɔ anwo zo la, ɛyeye ɔ kunlu ɛyɛ. Mɔɔ yɛ ahunlunyele gyima la, ɔwɔ kɛ yɛ ye anyelielɛ nu; yɛɛ mɔɔ lɛ moalɛ la ɛva fɛlɛkolilɛ ɛboa.

1 Kɔl 13:3

Saa mefa me nwo ninyɛne muala mekyɛ ehyianvolɛma na mefa me sonlabaka ye memaa kɛ bɛyela ye, na menlɛ ɛhulolɛ a, nvasoɛ biala ɛnle zolɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:10

Mɔɔ bɛzele yɛ la a le kɛ anrɛɛ yɛhakye na yɛboa mediema mɔɔ le ehyianvolɛma la, na ɛhye a le debie titile mɔɔ me nye bolole nwolɛ kɛ meyɛ a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:28

Mɔɔ le awule la ɛgyakyi ye awule ne na ɔyɛ gyima, amaa yeanyia bie yeanlea ɔ nwo na eza yeanyia bie yeaboa bɛdabɛ mɔɔ bɛhyia la.

1 Tɛs 2:6

Yɛambɔ mɔdenle kɛ yɛkpondɛ menli nganvolɛ, saa ɔvi bɛ ɛkɛ ne anzɛɛ ɔvi awie mɔ lɔ o,

1 Tem 6:18

Ɔwɔ kɛ bɛyɛ nyele, bɛkɔ zolɛ bɛyɛ nyɛleɛ kpalɛ, bɛfa atiakunlukɛnlɛma nee ɛhulolɛ bɛkyɛ debie.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:7

Adiema kulovolɛ, medi fɛlɛko kpole wɔ wɔ ɛhulolɛ mɔɔ ɛlɛ ye la anwo, na yemaa me akɛnrazilɛ! Wɔmaa Nyamenle menli muala anye ɛlie.

Kɛlata mɔɔ bɛhɛlɛle bɛhɔmanle Hibuluma la 13:16

Bɛmmamaa bɛ rɛle fi kɛ bɛkɛyɛ kpalɛ na bɛkɛboa bɛ nwo ngoko ngoko, ɔboalekɛ ɛhye a le azubɔlɛ mɔɔ sɔ Nyamenle anye a.

1 Pit 4:11

Sonla ne mɔɔ ka Nyamenle edwɛkɛ la ɛnlea ɛha Nyamenle edwɛkɛ ne; mɔɔ sonle noko la ɛva ye anwosesebɛ mɔɔ Nyamenle ɛva ɛmaa ye la amuala ɛzonle, amaa debie biala mɔɔ bɛyɛ la anu menli ava ayɛlɛyelɛ alua Gyisɛse Kelaese anwo zo amaa Nyamenle. Yemɔ yɛɛ anyunlunyia nee tumi le ye ɛdeɛ dahuu a. Amen.

1 Sam 15:30

Sɔɔlo buale ye kɛ, “Meyɛ ɛtane ɛdeɛ, noko di me eni ekyii bɔbɔ wɔ me mgbanyima ne mɔ nee Yizilayɛma anyunlu. Ɛ nee me ɛhɔ Gelegale maa mengɔnzonle Ɛdɛnkɛma wɔ Nyamenle ne.”