Edwɛkpa ne kɛmɔ Mateyu hɛlɛle la 5:7 - BAEBOLO ANZƐƐ BULUKU NWUANZANWUANZA

⁷ “Nyilalɛ ɛha bɛdabɛ mɔɔ bɛse anwunvɔne la; Nyamenle baze bɛdabɛ noko anwunvɔne!

Edwɛkpa ne kɛmɔ Mateyu hɛlɛle la 5:7 ပူးပေါင်းရင်းမြစ်များ

2 Sam 17:28

Bɛvale ɛkpa, ahyɛnze nee mbuakɛ, ma, esamo, ma ngyehye, aluba akpatala nee alubandenra (somgbotekɛ), wolɛ, kyiisi yɛɛ mboane bɛrɛlɛle Devidi nee ye ɛlɔnema ne kɛ bɛli, ɔluakɛ bɛnwunle kɛ ɛnee ɛhɔne ɛlɛku menli ne na bɛvɛ, yɛɛ nzuhɔne noko ɛhu bɛ toonwo wɔ fienemgbole ne anu.

2 Sam 22:26

O Ɛdɛnkɛma, ɛle nɔhalɛ ɛmaa bɛdabɛ mɔɔ bɛdi nɔhalɛ bɛmaa wɔ la; mɔɔ nvonleɛ ɛnle ɔ nwo la, ɛmaa ɔnwu kɛ nvonleɛ ɛnle ɛ nwo.

Edwɛndolɛ Buluku ne 112:4

Wienyi kpa menli mɔɔ di boɛ la awozinli, Ɛdɛnkɛma le dovolɛ, anwunvɔnezelɛnli nee tenlenenli.

Edwɛndolɛ Buluku ne 112:9

Yebuke ɔ sa nu wɔ ɛhyianvolɛma anwo zo; ye tenleneyɛlɛ ne wɔ ɛkɛ ne dahuu; bɛbava enililɛ bɛakpogya ye tumi ne zo.

Edwɛndolɛ Buluku ne 18:25

Ɛle nɔhalɛ ɛmaa bɛdabɛ mɔɔ bɛdi nɔhalɛ bɛmaa wɔ la, mɔɔ nvonleɛ ɛnle ɔ nwo la, ɛmaa ɔnwu kɛ nvonleɛ ɛnle ɛ nwo.

Edwɛndolɛ Buluku ne 37:26

Ɔ sa dwu menli nwo zo yɛɛ ɔbɔ awie biala bosea; ɔ mra le nyilalɛ kpole.

Mrɛlɛbulɛ Buluku ne 11:17

Sonla mɔɔ atiakunlu le kpalɛ la nyia ye kpalɛyɛlɛ ne azo nvasoɛ, na atisesebɛnli ne boda ɔ ngome ɔ nwo.

Mrɛlɛbulɛ Buluku ne 11:25

Sonla mɔɔ buke ye ahonle nu fa maa la banyia ɔ nwo, yɛɛ mɔɔ yɛ ahunlunyele la, bɛnwu ye anwunvɔne.

Mrɛlɛbulɛ Buluku ne 14:21

Sonla mɔɔ kpo ɔ gɔnwo la le ɛtanevolɛ; nyilalɛ ɛha sonla ne mɔɔ se ehyianvolɛma anwunvɔne la.

Mrɛlɛbulɛ Buluku ne 19:17

Sonla mɔɔ se ehyianvolɛma anwunvɔne la bɔ Ɛdɛnkɛma bosea, na ɔbadua ye kakɛ wɔ ye nyɛleɛ kpalɛ nwo.

Ayezaya Buluku ne 57:1

Tenlenenli wu a ɔnvane awie biala anwo; bɛfa menli titile bɛkɔ mɔɔ awie ɛnde ɔ bo a. Ɔluakɛ bɛye tenlenenli bɛfi munzule nu a, ɔ nzo nu dwo ye.

Daneɛle Buluku ne 4:27

Zɔhane ati, Nana, die me folɛ mɔɔ melɛtu wɔ la to nu. Gyakyi ɛtanelilɛ nee ninyɛndane ɛyɛlɛ, na bɔ ɛbɛla tenlene, nwu bɛdabɛ mɔɔ bɛlɛsisi bɛ la anwunvɔne, amaa wɔahɔ zolɛ wɔakpazi.”

Hozia Buluku ne 1:6

Gomɛ nrenzɛle bieko na ɔwole ralɛ raalɛ. Ɛdɛnkɛma zele Hozia kɛ, “To ye ‘Bɛnzeyeanwunvɔne,’ ɔluakɛ menrɛze Yizilayɛma anwunvɔne bieko, yɛɛ menrɛva bɛ ɛtane ne mɔ menrɛhyɛ bɛ fee.

Hozia Buluku ne 2:1

Yemɔti bɛvɛlɛ bɛ mediema mrenya ne mɔ “Me Menli” na bɛvɛlɛ bɛ mediema mraalɛ ne mɔ “Bɛnwubɛanwunvɔne.”

Hozia Buluku ne 2:23

Mebalua ye azɛlɛ ne azo meamaa me nwo. Mebaze “Bɛnzebɛanwunvɔne” anwunvɔne, na meaze “Tɛmemenli ɔ” kɛ, “Bɛle me menli” na ɔdaye ɔbaha kɛ, “Ɛle me Nyamenle.”

Maeka Buluku ne 6:8

O sonla, Ɛdɛnkɛma ɛhile wɔ mɔɔ le kpalɛ la, na duzu bieko yɛɛ akee Ɛdɛnkɛma kpondɛ kɛ ɛyɛ a? Ɔkulo kɛ ɛdi pɛlepɛle, ɛkile ɛhulolɛ kpundii, na ɛfa mɛlɛbɛnwoaze ɛ nee Nyamenle dua.

Edwɛkpa ne kɛmɔ Maake hɛlɛle la 11:25

Na saa bɛgyi bɛlɛsɛlɛ, na awie ɛvo bɛ a, bɛva bɛhyɛ ye na bɛ Ze mɔɔ wɔ anwuma la ava bɛ ɛtane ahyɛ bɛ. [

Edwɛkpa ne kɛmɔ Luku hɛlɛle la 6:35

Kyɛkyɛ! Bɛhulo menli mɔɔ kpɔ bɛ la na bɛyɛ kpalɛ bɛmaa bɛ, bɛbɔ bɛ bosea, noko bɛmmamaa bɛ nye da kɛ bɛ sa kɛha ye, na Anwuma Anwuma Nyamenle ne bamaa bɛ nwolɛ ahatualɛ kpole, na yeavɛlɛ bɛ ɔ mra, ɔluakɛ ɔyɛ nyele ɔmaa anzeayɛlɛma nee angomedima amuala.

Wulo 11:30

Bɛmɛ mɔɔ bɛnle Dwuuma la, bɛkpole Nyamenle wɔ mekɛ mɔɔ ɛze ɛhɔ la, na ɛnɛ bɛnyia Nyamenle ɛlolɛ ne, ɔluakɛ Dwuuma ɛyɛ anzosesebɛ.

1 Kɔl 7:25

Mɔɔ le edwɛkɛ mɔɔ fane bɛdabɛ mɔɔ bɛngya bie la anwo la, menlɛ Awulae ɛkɛ ne mɛla biala memmaa bɛ, medame me adwenle a meka a, kɛ sonla mɔɔ Awulae ɛnwu ye anwunvɔne na menli kola die ye di la.

2 Kɔl 4:1

Nyamenle ɛlolɛ nu ala yɛɛ yeva gyima ɛhye yewula yɛ sa nu a, zɔhane ati yɛ rɛle ɛmbɔ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:32

Bɛyɛ atiakunlukɛnlɛma na bɛze anwunvɔne, bɛva bɛ gɔnwo mɔ ɛtane bɛhyɛ bɛ, kɛmɔ Nyamenle ɛlua Kelaese anwo zo ɛva bɛ ɛtane ne mɔ ɛhyɛ bɛ la.

Kɔlɔ 3:12

Bɛle Nyamenle menli mɔɔ yehulo bɛ na yekpa nu yeye bɛ kɛ ɔdaye ye ɛdeɛ na bɛ nwo te a. Yemɔti bɛze anwunvɔne, bɛyɛ atiakunlukɛnlɛma, bɛbɛlɛ bɛ nwo aze, bɛyɛ bɛtɛɛ na bɛzi abotane wɔ debie biala anu.

1 Tem 1:13

Mekɛ bie mɔɔ ɛraze ɛhɔ la menganle munzule edwɛkɛ mentiale ye, menyɛle ye kpɔdekpɔde na menguale ɔ nyunlu aze. Na Nyamenle nwunle me anwunvɔne, ɔluakɛ ɛnee menlɛ diedi, yemɔti ɛnee menze mɔɔ melɛyɛ la.

1 Tem 1:16

Ɔlua ɛhye ati yɛɛ Nyamenle nwunle me anwunvɔne a, amaa Kelaese Gyisɛse abotane kpole ne mɔɔ ɔnyianle ye wɔ medame, ɛtanevolɛma kpanyinli me nwo la, ala ali na yeayɛ ndonwo yeamaa bɛdabɛ mɔɔ nzinlii bɛbalie ye bɛali na bɛanyia ngoane mɔɔ ɛnlɛ awieleɛ la.

Kɛlata mɔɔ bɛhɛlɛle bɛhɔmanle Hibuluma la 4:16

Zɔhane ati bɛmaa yɛzi ahonle na yɛbikye Nyamenle belemgbunli ebia ne mɔɔ ɛlolɛ ɛyi ye tɛkɛɛ la anwo. Ɛkɛ ne yɛɛ bɛbanwu yɛ anwunvɔne na ye ɛlolɛ ti yɛanyia moalɛ wɔ mekɛ mɔɔ yɛkɛhyia la a.

Kɛlata mɔɔ bɛhɛlɛle bɛhɔmanle Hibuluma la 6:10

Nyamenle ɛnli nzisi. Ɔ rɛle ɛnrɛvi gyima mɔɔ bɛyɛle nee ɛhulolɛ mɔɔ bɛhile wɔ ɔ nwo nee nyele mɔɔ kɛkala bɛtɛbɔ nwo bɛtɛkile bɛtɛmaa bɛ mediema mɔɔ doa Kelaese abo zo la.

Gyemise Kɛlata ne 2:13

Sonla mɔɔ ɛnze anwunvɔne la, Nyamenle ɛnrɛze ye anwunvɔne wɔ ye ndɛnebualɛ nu; anwunvɔnezelɛ fo keda ndɛnebualɛ zo.

Gyemise Kɛlata ne 3:17

Nrɛlɛbɛ ne mɔɔ vi anwuma lɔ la anwo te, mɔɔ lumua la ɛne. Eza ɔle anzonudwolɛ, ɔka ɔ nwo aze, ɔlɛ ndelebɛbo; anwunvɔnezelɛ ɛyi ye tɛkɛɛ yɛɛ ɔso nyɛleɛ kpalɛ biala ma. Ɔndwenle adwenle ɛtane, yɛɛ ɔmbɔ adalɛ.

1 Pit 2:10

Mekɛ bie ɛnee bɛnzɔho menli bɔbɔ, na ɛnɛ bɛle Nyamenle menli. Mekɛ bie ɛnee bɛnze Nyamenle anwunvɔnezelɛ ne deɛ holɛ, na ɛnɛ bɛ sa ɛha ye anwunvɔnezelɛ ne.