Edwɛkpa ne kɛmɔ Mateyu hɛlɛle la 5:30 - BAEBOLO ANZƐƐ BULUKU NWUANZANWUANZA

³⁰ Saa ɛ sa fema noko yɛɛ tenda ɛ gyakɛ anu ahwe wɔ ahɔ ɛtane nu a, pɛ ye to. Ɔle kpalɛ kɛ ɛ sa ko kɛminli tɛla kɛ bɛkɛva wɔ sonlabaka ne amuala bɛkɛdo ɛbolɔ senle nu a.

Edwɛkpa ne kɛmɔ Mateyu hɛlɛle la 5:30 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 11:6

Nyilalɛ ɛha bɛdabɛ mɔɔ bɛ ti anu ɛnyɛ bɛ kesee wɔ me nwo la.”

Edwɛkpa ne kɛmɔ Mateyu hɛlɛle la 13:21

Noko edwɛkɛ ne ɛnzɔ ndinli wɔ bɛ nu la ati, ɔngyinla ɔngyɛ. Saa ɔlua edwɛkɛ ne ati bɛyɛ bɛ kpɔdekpɔde anzɛɛ bɛnwu amaneɛ a, ɛnee ɛkɛ ne ala bɛkpo aze.

Edwɛkpa ne kɛmɔ Mateyu hɛlɛle la 16:23

Gyisɛse hakyile ɔ nye na ɔzele Pita kɛ, “Seetan, se di me nzi nehae! Ɛndu folɛ kpalɛ. Wɔ adwenle ne le sonla adwenle. Ɔnvi Nyamenle ɛkɛ.”

Edwɛkpa ne kɛmɔ Mateyu hɛlɛle la 17:27

Na amaa yɛanvo menli ɛhye mɔ la, kɔ tandane ne anu kɔdo koba, na fɛlɛ mɔɔ ɛkɛlumua ɛkɛhye ye la ɛkɛnwu kɛ ezukoa zia ɔ nloa anu mɔɔ sa me nee wɔ adwule ne tua a; fa kɔdua me nee wɔ yɛ ɛdeɛ ne.”

Edwɛkpa ne kɛmɔ Mateyu hɛlɛle la 18:8

“Saa ɛ sa anzɛɛ ɛ gyakɛ gyegye wɔ yeamaa wɔaminli wɔ diedi a, pɛ ye to! Ɔle kpalɛ kɛ ɛ sa anzɛɛ ɛ gyakɛ kɛyɛ sinli na ɛkɛnyia ngoane mɔɔ ɛnlɛ awieleɛ tɛla kɛ ɛ sa nwiɔ anzɛɛ ɛ gyakɛ nwiɔ na bɛkɛhɔdo wɔ senle ne mɔɔ ɛnnu ɛlɛ la anu a.

Edwɛkpa ne kɛmɔ Mateyu hɛlɛle la 22:13

Belemgbunli ne zele ye sonvolɛma ne kɛ, ‘Bɛkyekye ɔ sa nee ɔ gyakɛ, na bɛva ye bɛhɔdo alie nwo lɔ awozinli kpole ne anu. Ɛkɛ ne yɛɛ menli bazu na bɛadedɛ bɛ nwo bonrane nu a.’ ”

Edwɛkpa ne kɛmɔ Mateyu hɛlɛle la 25:20

Mɔɔ nyianle nzunza apenle nnu la rayele ye ezukoa ne nee nwolɛ nvasoɛ apenle nnu ne na ɔzele kɛ, ‘Yɛmenle, ɛmanle me apenle nnu. Menyia nwolɛ nvasoɛ apenle nnu na yemɔ ɛne!’

Edwɛkpa ne kɛmɔ Mateyu hɛlɛle la 26:31

Akee Gyisɛse zele bɛ kɛ, “Ɛnɛ nɔe bɛ muala bɛbanriandi bɛagyakyi me, ɔluakɛ Nyamenle Edwɛkɛ ne se, ‘Nyamenle bahu mboaneneavolɛ ne, na mboane ne babɔ asande.’

Edwɛkpa ne kɛmɔ Mateyu hɛlɛle la 5:22

Mame, mese: Awie biala mɔɔ kɛva ɔ diema anwo ɛya la bɛkɛbua ye ewule fɔlɛ. Mɔɔ kɛyɛ ɔ diema aholoba la bɛ nee ye kɛhɔ nyianu sua nu mgbanyima ayia ne anyunlu; na mɔɔ kɛze ɔ diema kɛ, ‘Ɛle koasea!’ la, ɛva ɔ nwo ɛdo ɛbolɔ senle nu.

Edwɛkpa ne kɛmɔ Mateyu hɛlɛle la 5:29

Zɔhane ati saa ɛ nye fema ne yɛɛ twehwe wɔ ahɔ ɛtane nu a, tu ye to ye lɔ. Ɔle kpalɛ kɛ ɛ nye kɛyɛ ko, kɛdɛla kɛ bɛkɛva wɔ sonlabaka ne amuala bɛkɛhɔdo ɛbolɔ senle nu a.

Edwɛkpa ne kɛmɔ Maake hɛlɛle la 9:43

Yemɔti saa ɛ sa ko twehwe wɔ ahɔ ɛtane nu a, pɛ ye to! Ɔle kpalɛ kɛ ɛ sa ko na ɛkɛnyia ngoane tɛla kɛ ɛ sa nwiɔ na ɛkɛhɔ senle ne mɔɔ ɛnnu ɛlɛ la anu. [

Edwɛkpa ne kɛmɔ Luku hɛlɛle la 12:5

Mekile bɛ mɔɔ ɔwɔ kɛ bɛsulo ye la; bɛzulo Nyamenle, yemɔ yɛɛ ɔku sonla a ɔlɛ tumi ɔfuandi ye ɛkɛla ɔto senle ne mɔɔ ɛnnu ɛlɛ la anu a. Nɔhalɛ, meka meahile bɛ kɛ bɛzulo yemɔ.

Edwɛkpa ne kɛmɔ Luku hɛlɛle la 17:2

Ɔle kpalɛ kɛ anrɛɛ bɛkɛdwe ɛdibolɛ kpole bɛkɛhenda ɔ kɔme na bɛkɛhɔdo ye nyevile nu tɛla kɛ ɔkɛmaa awie mɔɔ ye diedi wɔ me nu kɛ ngakula ɛhye mɔ la ko kɛyɛ ɛtane.

Wulo 9:33

Nyamenle Edwɛkɛ ne se, “Nea, melɛfa bolɛ meado Zayɔn mɔɔ bamaa menli akpulokpula a, ɔbayɛ bodane mɔɔ bamaa bɛadu bɛagua a. Na mɔɔ kɛlie ye kɛli la arɛle ɛnrɛbɔ.”

1 Kɔl 8:13

Yemɔti, saa aleɛ zɛhae kɛmaa me diema bie kɛkpo aze a, ɛnee menrɛli aleɛ zɔhane bieko na aloa abɔ, amaa me diema bie anyɛ ɛtane.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:11

Na mediema, asoo medame, saa mrenyanu nzonlɛyɛlɛ yɛɛ mebɔ nwolɛ nolo a anrɛɛ ɛnee duzu ati a bɛlɛyɛ me kpɔdekpɔde ɛ? Anrɛɛ Kelaese meanubaka ne mɔɔ mebɔ nwolɛ nolo la ɛnyɛ ngyegyelɛ biala ɛmmaa awie biala.

1 Pit 2:8

Eza Nyamenle Edwɛkɛ ne bie se, “Ɛhye le bolɛ mɔɔ bamaa menli adu koti a; ɔle bodane mɔɔ bamaa bɛadu bɛagua a.” Bɛtu koti, ɔboalekɛ bɛnlie edwɛkɛ ne bɛnli; Nyamenle ngyehyɛlɛ ne kɛ de la ɛne.