Edwɛkpa ne kɛmɔ Mateyu hɛlɛle la 5:3 - BAEBOLO ANZƐƐ BULUKU NWUANZANWUANZA

³ “Nyilalɛ ɛha bɛdabɛ mɔɔ bɛze kɛ bɛdi Nyamenle Sunsum ne anwo ehyia la, Ɔluakɛ bɛbanwu Anwuma Belemgbunlililɛ ne!

Edwɛkpa ne kɛmɔ Mateyu hɛlɛle la 5:3 ပူးပေါင်းရင်းမြစ်များ

2 Edk 33:12

Wɔ ye amaneɛnwunlɛ ne anu, ɔzunle ɔvɛlɛle Ɛdɛnkɛma ye Nyamenle ne na ɔnlunle ɔ nwo wɔ ɔ ze mɔ Nyamenle ne anyunlu.

2 Edk 33:19

Akee belemgbunli ne nzɛlɛlɛ nee kɛ Nyamenle zile diele ye, ye ɛtane ne mɔ mɔɔ ɔyɛle nee ye anzosesebɛ, mɔɔ ɔluale zo ɔsisile ɛleka ne mɔ mɔɔ bɛsonle, nee bozonle raalɛ Ahyela ne ananze mɔɔ ɔyɛle kolaa na nzinlii yeanlu ɔ nwo la, bɛhɛlɛ bɛ kɔsɔɔti wɔ Nyamenle Kpɔmanvolɛma Tetedwɛkɛ Buluku ne anu.

2 Edk 33:23

Yeannu ɔ nwo wɔ Ɛdɛnkɛma anyunlu, kɛmɔ ɔ ze Manasɛ yɛle la. Emɔn yɛle ɛtane molozo.

2 Edk 34:27

ɛnlunle ɛ nwo na ɛbɛlɛle ɛ nwo aze wɔ me nyunlu, na suakpole ye nee menli ne mɔ mɔɔ mebadea bɛ la ati ɛlile nyane, ɛsuosuanle wɔ adɛladeɛ ne mɔ anu na ɛzunle la ati, medame noko medie wɔ ɛzunlɛ ne.”

2 Edk 7:14

na saa me menli ne mɔɔ bɛfa me duma a bɛfɛlɛ bɛ la bɛlɛ bɛ nwo aze, sɛlɛ na bɛkpondɛ me bo zo, na bɛgyakyi bɛ ninyɛndane ne mɔ ɛyɛlɛ a, yemɔ mebadie bɛ wɔ anwuma lɔ, na meava bɛ ɛtane ne mɔ meahyɛ bɛ, na meamaa bɛ azɛlɛ ne ahye aleɛ.

Dwobu Buluku ne 42:6

yemɔti mebɔ anyiemgba na menlu me nwo; mebɔ ndɛtɛlɛ nee nzonle.”

Edwɛndolɛ Buluku ne 1:1

Nyilalɛ ɛha sonla ne mɔɔ ɛndie amumuyɛma folɛdulɛ, na ɔnyɛ mɔɔ ɛtanevolɛma yɛ la; ɔnva amgbuzilɛma agɔnwolɛ.

Edwɛndolɛ Buluku ne 112:1

Bɛye Ɛdɛnkɛma ayɛlɛ! Nyilalɛ ɛha sonla ne mɔɔ sulo Ɛdɛnkɛma, na ɔ nye die ye mɛla ne mɔ anwo la.

Edwɛndolɛ Buluku ne 128:1

Nyilalɛ ɛha awie biala mɔɔ sulo Ɛdɛnkɛma, na ɔdua ye ndenle ne mɔ anu la!

Edwɛndolɛ Buluku ne 146:5

Nyilalɛ ɛha sonla ne mɔɔ ye boavolɛ a le Gyekɔbo Nyamenle ne, na ye anyelazo wɔ Ɛdɛnkɛma ye Nyamenle ne nu la,

Edwɛndolɛ Buluku ne 2:12

anrɛɛ saa ɔfa ɛya a bɛkɛdɔ nzonle, ɔluakɛ ɔngyɛ na yeava ɛya. Nyilalɛ ɛha bɛdabɛ mɔɔ bɛnriandi bɛkɔfea ye nu la.

Edwɛndolɛ Buluku ne 34:18

Ɛdɛnkɛma bikye mɔɔ nyane ɛha ye la, na ɔdie mɔɔ ye anyelazo ɛwie la.

Edwɛndolɛ Buluku ne 41:1

Nyilalɛ ɛha sonla ne mɔɔ dwenle ehyianvolɛma anwo la! Ɛdɛnkɛma die ye wɔ ye amaneɛnwunlɛ nu;

Edwɛndolɛ Buluku ne 51:17

Ahonle bɛlɛvo a le azubɔlɛ mɔɔ sɔ Nyamenle anye a, O Nyamenle, ɛmkpo ahonle mɔɔ le bɛlɛvo na yenlu ɔ nwo la.

Edwɛndolɛ Buluku ne 84:12

O Tumivolɛ Ɛdɛnkɛma, nyilalɛ ɛha sonla ne mɔɔ arɛle wɔ wɔ nu la.

Mrɛlɛbulɛ Buluku ne 16:19

Ɔle kpalɛ kɛ sonla kɛbɛlɛ ɔ nwo aze, ɔ nee ehyianli kɛyɛ ko, tɛla kɛ ɔ nee mgbanyizonlema kɛyɛ ko kɛhyɛ mɔɔ bɛwua la.

Mrɛlɛbulɛ Buluku ne 29:23

Sonla mɔɔ tu ɔ nwo la adubɛnwo ne gua ɔ nyunlu aze, na mɔɔ le bɛlɛvo la banyia ɔ nyunlu.

Mrɛlɛbulɛ Buluku ne 8:32

“Na kɛkala, me mra mrenya, bɛdie me; bɛdabɛ mɔɔ bɛfa me ndenle zo la di fɛlɛko.

Ayezaya Buluku ne 30:18

Yemɔti Ɛdɛnkɛma ɛlɛkendɛ bɛ aze bɛ anwunvɔne. Yemɔti yeboɔboa ɔ nwo kɛ ɔnwu bɛ anwunvɔne. Nyilalɛ ɛha bɛdabɛ mɔɔ bɛfa bɛ rɛle bɛwula ye nu la.

Ayezaya Buluku ne 57:15

Ɔluakɛ anwuma nee Nwuanzanwuanza Ko ne mɔɔ de ɛkɛ mekɛ mɔɔ ɛnlɛ awieleɛ, mɔɔ ye duma a le Nwuanzanwuanza la se, “Mede anwuma lɔ nee ɛleka nwuanzanwuanza, yɛɛ eza me nee mɔɔ nu ɔ nwo na ɔle bɛlɛvo la tɛnla, kɛ memaa mɔɔ ɛnlu ɔ nwo la anyia anyelazo.

Ayezaya Buluku ne 61:1

Awulae Nyamenle ne Sunsum ne wɔ me nwo zo, Ɔboalekɛ Ɛdɛnkɛma ɛkpa nu ɛye me Kɛ menva amaneɛ fɛlɛko membambɔ menli mɔɔ ɛlɛnwu amaneɛ la; Yezoa me kɛ membankyekye menli mɔɔ arɛle ɛbɔ la arɛle, Membɔ nolo kɛ bɛgyakyi bɛdabɛ mɔɔ bɛhye bɛ nuokɛ la, Na menye menli mɔɔ gua efiade la.

Ayezaya Buluku ne 66:2

Medame a meva me sa mebɔ ninyɛne kɔsɔɔti a, yemɔti debie biala le me ɛdeɛ, medame Ɛdɛnkɛma a mese a. Noko sonla mɔɔ me nye balie ɔ nwo la a le sonla ne mɔɔ le bɛlɛvo, ɔnu ɔ nwo, ɔsulo me na ɔdi me edwɛkɛ zo la.

Maeka Buluku ne 6:8

O sonla, Ɛdɛnkɛma ɛhile wɔ mɔɔ le kpalɛ la, na duzu bieko yɛɛ akee Ɛdɛnkɛma kpondɛ kɛ ɛyɛ a? Ɔkulo kɛ ɛdi pɛlepɛle, ɛkile ɛhulolɛ kpundii, na ɛfa mɛlɛbɛnwoaze ɛ nee Nyamenle dua.

Edwɛkpa ne kɛmɔ Mateyu hɛlɛle la 11:25

Mekɛ ne anu Gyisɛse zele kɛ, “Egya, anwuma nee aze Awulae, meyɛ wɔ mo kɛ ninyɛne mɔɔ wɔva wɔvea nrɛlɛbɛvolɛma nee nwomama la wɔye wɔhile menli mɔɔ ɛnze nwolɛ bie la.

Edwɛkpa ne kɛmɔ Mateyu hɛlɛle la 11:6

Nyilalɛ ɛha bɛdabɛ mɔɔ bɛ ti anu ɛnyɛ bɛ kesee wɔ me nwo la.”

Edwɛkpa ne kɛmɔ Mateyu hɛlɛle la 13:16

“Na bɛmɛ, bɛ ti ɛyɛ boɛ kpole! Bɛ nye nwu debie, yɛɛ bɛ nzo te edwɛkɛ.

Edwɛkpa ne kɛmɔ Mateyu hɛlɛle la 19:14

Na Gyisɛse zele ɛdoavolɛma ne kɛ, “Bɛmmasi ngakula ne mɔ aze, bɛmaa bɛ adenle bɛmaa bɛrɛla me nwo, na Anwuma Belemgbunlililɛ ne le bɛdabɛ mɔɔ bɛle kɛ ɛhye mɔ zɛhae la ɛdeɛ.”

Edwɛkpa ne kɛmɔ Mateyu hɛlɛle la 25:34

Na akee meaze menli mɔɔ wɔ me sa fema zo la kɛ, ‘Bɛmɛ mɔɔ Egya ɛyila bɛ a, bɛrɛla! Bɛ nee me ɛrali belemgbunli. Egya hyehyɛle manle bɛ kolaa na bɛabɔ ewiade ye.

Edwɛkpa ne kɛmɔ Mateyu hɛlɛle la 3:2

“Bɛnlu bɛ nwo na Anwuma Belemgbunlililɛ ne ɛbikye!”

Edwɛkpa ne kɛmɔ Mateyu hɛlɛle la 8:11

Bɛhakye ɛhye: Menli dɔɔnwo vi aduduleɛ nee adɔleɛ bara bɛ nee bɛ nlenya mɔ Ebileham nee Ayezeke nee Gyekɔbo aradɛnla ɛkponle nwo wɔ Anwuma Belemgbunlililɛ nu.

Edwɛkpa ne kɛmɔ Maake hɛlɛle la 10:14

Mɔɔ Gyisɛse nwunle ye la, ɔvale ɛya na ɔzele ye ɛdoavolɛma ne mɔ kɛ, “Bɛgyakyi ngakula ne mɔ bɛmaa bɛrɛla me nwo, bɛmmatua bɛ, na bɛdabɛ mɔɔ bɛle kɛ ɛhye mɔ zɛhae la yɛɛ Nyamenle Belemgbunlililɛ ne le bɛ ɛdeɛ a.

Edwɛkpa ne kɛmɔ Luku hɛlɛle la 11:28

Na Gyisɛse buale kɛ, “Bɔbɔ, nyilalɛ ɛha bɛdabɛ mɔɔ bɛtie Nyamenle edwɛkɛ ne na bɛdi zolɛ la!”

Edwɛkpa ne kɛmɔ Luku hɛlɛle la 18:14

Na Gyisɛse vale zɔle zolɛ kɛ, “Meka meahile bɛ, adwuledievolɛ ne zɔle Nyamenle anye wɔ mekɛ mɔɔ ɔlɛkɔ sua nu la dɛlale Falasiinli ne. Ɔluakɛ awie biala mɔɔ memaa ɔ nwo zo la Nyamenle bɛlɛ ye aze, yɛɛ mɔɔ bɛlɛ ɔ nwo aze la Nyamenle kpogya ye zo.”

Edwɛkpa ne kɛmɔ Luku hɛlɛle la 22:29

yemɔti kɛmɔ Egya ɛmaa me tumi kɛ menli belemgbunli la, zɔhane ala noko yɛɛ bɛbayɛ a.

Edwɛkpa ne kɛmɔ Luku hɛlɛle la 22:30

Bɛ nee me badɛnla me ɛkponle nwo, bɛali debie na bɛanlo wɔ me Belemgbunlililɛ ne anu, na bɛbadɛnlɛdɛnla arelemgbunli mbia zo bɛabua mbusua bulu nee nwiɔ ne ndɛne.”

Edwɛkpa ne kɛmɔ Luku hɛlɛle la 4:18

“Awulae Sunsum ne wɔ me nwo zo, ɔboalekɛ yekpa nu yeye me kɛ menva Edwɛkpa ne membɛlɛ ehyianvolɛma. Yezoa me kɛ membɔ fanwodi nwo nolo mengile bɛdabɛ mɔɔ bɛhye bɛ nuokɛ la, na memaa anyenzinliravolɛma ɛnwu debie. Menye bɛdabɛ mɔɔ bɛlɛsisi bɛ la menvi anwongyelelɛ nu,

Dw 20:29

Gyisɛse zele ye kɛ, “Wɔnwu me la ati yɛɛ wɔlie wɔli a? Nyilalɛ ɛha bɛdabɛ mɔɔ bɛtɛnwunle me na bɛlie bɛli la!”

Mɛla 8:2

Bɛhakye adenle mɔɔ Ɛdɛnkɛma bɛ Nyamenle ne ɛva bɛ ɛlua nu ɛvolɛ abulanla ye anu mɔɔ bɛluolua fienemgbole ne anu la. Ɔyɛle ɛhye kɛ ɔfa yeazɔ bɛ yeanlea yeanwu mɔɔ wɔ bɛ ahonle nu la, saa bɛkɛyɛ mɛlɛbɛnwoaze, bɛkɛli ye mɛla ne mɔ azo anzɛɛ bɛnrɛli zo a.

Gyemise Kɛlata ne 1:10

yɛɛ Keleseɛnenli biala mɔɔ le sukoavolɛ mɔɔ Nyamenle kɛha ye aze la ɛmaa ɔ nye ɛlie. Ɔluakɛ sukoavolɛma bakpolo agua kɛ ɛhoayelɛ nu ndotolo.

Gyemise Kɛlata ne 1:12

Nyilalɛ ɛha sonla ne mɔɔ kɛgyinla kpundii wɔ sɔnea nu la, ɔboalekɛ saa ɔko ɔtɔ zolɛ a ye ahatualɛ a le ngoane ne mɔɔ Nyamenle ɛva ɛbɔ menli mɔɔ kulo ye la ɛwɔkɛ la.

Gyemise Kɛlata ne 2:5

Me mediema kulovolɛma, bɛdie! Bɛdabɛ mɔɔ bɛle ehyianvolɛma wɔ aleɛabo la, bɛmɛ a Nyamenle ɛkpa nu ɛye bɛ, ɛyɛ bɛ diedi nu sukoavolɛma na bɛnyia Nyamenle belemgbunlililɛ ne, mɔɔ yeva yebɔ ɛwɔkɛ yemaa bɛdabɛ mɔɔ bɛkulo ye la a.

Yekile 19:9

Na Nyamenle soanvolɛ ne zele me kɛ, “Kɛlɛ ɛhye: Nyilalɛ ɛha bɛdabɛ mɔɔ bɛdo ɛsalɛ bɛvɛlɛ bɛ kɛ bɛrɛla Boaneralɛ ne atɔfolɛlielɛ ne abo la.” Ɔzele medame noko kɛ, “Ɛhye le Nyamenle ɔdaye ɔ nloa edwɛkɛ fɔɔnwo.”

Yekile 22:14

Nyilalɛ ɛha bɛdabɛ mɔɔ bɛkpo bɛ ndanlɛ ne mɔ bɔkɔbɔkɔ na ɔlua zolɛ bɛnyia adenle bɛli ngoane baka ne ma ne bie, na bɛwolo bɛhɔ suakpole ne azo la.

Yekile 3:17

Wɔmɔ ɛse, ‘Mede boɛ, menyia me nwo. Mengyia ɛhwee.’ Ɛnze kɛ ɛyɛ anwunvɔne na ɛ nwo yɛ alɔbɔlɛ. Ɛnlɛ bie, ɛlɛ ɛ nwo zɔ, yɛɛ ɛ nye ɛzi.