Edwɛkpa ne kɛmɔ Mateyu hɛlɛle la 5:22 - BAEBOLO ANZƐƐ BULUKU NWUANZANWUANZA

²² Mame, mese: Awie biala mɔɔ kɛva ɔ diema anwo ɛya la bɛkɛbua ye ewule fɔlɛ. Mɔɔ kɛyɛ ɔ diema aholoba la bɛ nee ye kɛhɔ nyianu sua nu mgbanyima ayia ne anyunlu; na mɔɔ kɛze ɔ diema kɛ, ‘Ɛle koasea!’ la, ɛva ɔ nwo ɛdo ɛbolɔ senle nu.

Edwɛkpa ne kɛmɔ Mateyu hɛlɛle la 5:22 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 37:4

Na mɔɔ ɔ mediema ne mɔ nwunle kɛ bɛ ze kulo ye edwɛkɛ tɛla bɛ la, bɛangulo ye edwɛkɛ yɛɛ bɛ nee ye ambɔ nzɛmedɛ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 37:8

Ɔ mediema ne mɔ bizale ye kɛ, “Ɛnee ɛdwenle kɛ ɛbali yɛ nwo zo belemgbunli ɔ? Anzɛɛ ɛdwenle kɛ wɔmɔ yɛɛ ɛbazie yɛ a?” Yemɔti ye ɛlalɛ ne mɔɔ ɔhanle nee ɔ nloa edwɛkɛ ne ati, bɛhyile ye bɔkɔɔ.

2 Sam 16:7

Mɔɔ Hyemɛyae bɔ sasa ne la ɔzele kɛ, “Dwazo ɛkɛ ne, kɔ nehane, kɔdiawu, sonlamgbane!

2 Sam 6:20

Nzinlii Devidi hɔle kɛ ɔkayila ye awuke nu amra, na Sɔɔlo ara raalɛ Maekale rayiale ye na ɔzele ye kɛ, “Yizilayɛ belemgbunli ne ɛlie duma kpole ɛmaa ɔ nwo ɛnɛ. Yeye ɔ nwo yehile ye sonvolɛma sonvolɛ mraalɛ anyiemgba nu bie kɛ koasea la.”

1 Arl 21:4

Kɛmɔ Neebɔto hanle hilele ye kɛ, “Nyamenle ɛkpa ɛgua kɛ menwɔva me mgbanyinli agyadeɛ menwɔmaa wɔ” la, ɛya nee nyane hunle Belemgbunli Ehabe kpole; ɔhɔle sua nu ɔhɔlale ye mgba ne azo, ɔhakyile ɔ nye bane nwo na ɔkpole aleɛ.

2 Edk 16:10

Belemgbunli Esa vale Nyamenle sonla ne anwo ɛya kpole kpalɛ wɔ mɔɔ ɔhanle la anwo, na ɔmanle bɛhyele ye, bɛdole ye efiade, na bɛbɔle ye kpanwu. Eza ɔvi mekɛ zɔhane anu ala, Belemgbunli Esa bɔle ɔ bo kɛ ɔyɛ menli ne bie mɔ asa.

2 Edk 19:5

Ɔyeyele ndɛnebuavolɛma wɔ Dwuda azuamgbole ne mɔ mɔɔ bɛbɔ nwolɛ bane la azo, suakpole biala azo ɛdeɛ,

Nihɛmaya Buluku ne 5:8

“Yɛmɛ mɔɔ yɛwɔ maanle zo la yɛlɛbɔ mɔdenle biala mɔɔ ɔkɛyɛ boɛ la, kɛ yɛkɛkpɔne yɛ mediema Dwuuma mɔɔ wɔ kanrazonlenlɛ nu la yɛ nee bɛ kɛra sua nu. Akee bɛmɛ mɔɔ bɛwɔ sua nu la bɛlɛmia bɛ mediema Dwuuma bɛamaa bɛadɔne bɛ nwo bɛamaa bɛ.” Na mgbanyima ne mɔ ko bɔbɔ andɛ ɔ nloa anu.

Edwɛndolɛ Buluku ne 109:3

Bɛfa ɛkpɔlɛ edwɛkɛ bɛyia me adenle, na mgbane gyɛne ne ala bɛteta me.

Edwɛndolɛ Buluku ne 14:1

Koasea edwɛkɛ a le kɛ, “Nyamenle ɛnle ɛkɛ.” Bɛzɛkye, bɛbɔ bɛkyi ɛbɛla, sonla ko ɛnle ɛkɛ mɔɔ bɔ ɛbɛla kpalɛ a.

Edwɛndolɛ Buluku ne 25:3

Ɛhɛe, mmamaa awie biala mɔɔ arɛle wɔ wɔ nu la anyunlu gua aze; na maa bɛdabɛ mɔɔ bɛle ngunzi la anyunlu ɛgua aze.

Edwɛndolɛ Buluku ne 35:19

Mmamaa adalɛma mɔɔ kpɔ me la si me nwo zo agole, yɛɛ mmamaa me kpɔvolɛma mɔɔ mgbane gyɛne ne ala kpɔ me la fedevede bɛ nye kile me.

Edwɛndolɛ Buluku ne 37:8

Mmafa ɛya, yɛɛ mmamaa wɔ ahonle futu! Mmafonla ɛ nwo; ɔwie munzule.

Edwɛndolɛ Buluku ne 49:10

Ɛhɛe, yɛkola yɛnwu kɛ nrɛlɛbɛvolɛ bɔbɔ wu, koasea nee gyibilito wu, na bɛgyakyi bɛ anwonyia bɛmaa awie mɔ.

Edwɛndolɛ Buluku ne 69:4

Bɛdabɛ mɔɔ bɛkpɔ me mgbane gyɛne la zonle tɛla me ti enrinli; menli mɔɔ kpondɛ ahu me la anwo yɛ se, yɛɛ adalɛ ala a bɛbɔ ye me nwo a. Debie mɔɔ meanwua la, ɔwɔ kɛ metua ɔ?

Edwɛndolɛ Buluku ne 7:4

saa meva ɛtane medua me gɔnwo bie kakɛ, anzɛɛ mgbane gyɛne ne ala mesesa me kpɔvolɛ ninyɛne a,

Edwɛndolɛ Buluku ne 92:6

Sonla mɔɔ ye adwenle andi la ɛnrɛnwu ye, sonla mɔɔ le koasea la ɛnrɛde ɛhye abo:

Mrɛlɛbulɛ Buluku ne 14:16

Nrɛlɛbɛvolɛ nea boɛ na ɔtwe ɔ nwo ɔfi munzule nwo, na koasea ɛndwenle ɔ nwo, yɛɛ ɔle mgbaha.

Mrɛlɛbulɛ Buluku ne 18:6

Koasea anloa twehwe mgbonde, yɛɛ ɔ nloa edwɛkɛ twehwe ɛbolɛ.

Gyɛlɛmaya Buluku ne 17:11

Sonla mɔɔ kpondɛ ezukoa amile nu la le kɛ anloma mɔɔ bobɔ aholonvia mɔɔ tɛ ye a ɔdole la; ɔndwu mgbanyifoa ɛnee yevi ɔ sa, ye awieleɛ nu ɛnee yeyɛ koasea.

Gyɛlɛmaya Awolɛyelɛ 3:52

“Me kpɔvolɛma ɛhye me kɛ anloma, bɛkpɔ me mgbane gyɛne ne ala;

Daneɛle Buluku ne 3:13

Belemgbunli ne ahonle futule kpole na ɔzele kɛ bɛva Hyeedelake, Mihyake, yɛɛ Abɛdenɛgo bɛrɛla. Bɛhɔhyele menli ɛhye mɔ bɛrale.

Daneɛle Buluku ne 3:19

Nɛbukadenɛza vale ɛya kpole, ɔmunlanle kpole kpalɛ wɔ Hyeedelake, Mihyake, yɛɛ Abɛdenɛgo edwɛkɛ ne ati. Ɔmanle bɛhuanle sendɔlɔra kpole kpalɛ mɔɔ ye ɛzɔlɛ ne kpole tɛla dɛba ɛdeɛ ne mɔ fane nsuu la.

Obadaya Buluku ne 1:10

“Mɔɔ bɛvale bɛyɛle bɛ mediema Gyekɔbo abo zo amra la ati, bɛbagua bɛdabɛ bɛ nyunlu aze na bɛabɔ bɛ bo zo bɔkɔɔ.

Obadaya Buluku ne 1:12

Saa bɛ mediema ɛnwu bɛ nyunlu a, ɛnee ɔnle kɛ bɛsi bɛ amgbu. Saa bɛlɛsɛkye Dwudama bɛbɔ bɛ bo zo a, ɔnle kɛ bɛgyinla ahane bɛsele bɛ, anzɛɛ bɛtu bɛ nloa anu wɔ bɛ amaneɛnwunlɛ nwo.

Edwɛkpa ne kɛmɔ Mateyu hɛlɛle la 10:17

Bɛnlea bɛ nwo boɛ wɔ menli sa nu, ɔluakɛ bɛbahye bɛ bɛ nee bɛ ahɔ kɔɔto; bɛbabila bɛ empele wɔ bɛ nyianu azua ne mɔ anu,

Edwɛkpa ne kɛmɔ Mateyu hɛlɛle la 10:28

Bɛmmasulo bɛdabɛ mɔɔ bɛkola bɛku nwonane ne na bɛngola ɛkɛla ne ku la; bɛzulo Nyamenle mɔɔ kola nwonane ne nee ɛkɛla ne amuala ku, na ɔsɛkye bɛ wɔ ɛbolɔ senle nu la.

Edwɛkpa ne kɛmɔ Mateyu hɛlɛle la 12:24

Noko mɔɔ Falasiima ne dele ɛhye la bɛzele kɛ, “Mbɔnsam kpanyinli ne mɔɔ bɛfɛlɛ ye Biyɛlezɛbɛle la ala a maa ye tumi mɔɔ ɔfa ɔtu mbɔnsam a.”

Edwɛkpa ne kɛmɔ Mateyu hɛlɛle la 17:5

Mɔɔ ɔ nloa wɔ zo ɔlɛtendɛ la, amungu nwohyee bie rahedale bɛ nwo zo, na ɛnelɛ bie vi amungu ne anu zele kɛ, “Me Ra mɔɔ mekulo ye na me nye die ɔ nwo kpalɛ la ɛne, bɛdie ye!”

Edwɛkpa ne kɛmɔ Mateyu hɛlɛle la 18:21

Akee Pita hɔle Gyisɛse anwo ɛkɛ hɔbizale ye kɛ, “Awulae, fane nyɛ yɛɛ me diema fo me a menva mengyɛ ye a? Fane nsuu, anzɛɛ...?”

Edwɛkpa ne kɛmɔ Mateyu hɛlɛle la 18:35

Na Gyisɛse dwulale ye edwɛkɛ ne kɛ, “Zɔhane ala yɛɛ saa bɛdabɛ noko bɛanyeye bɛ ahonle nu bɛanva bɛ gɔnwo mɔ anwo edwɛkɛ bɛangyɛ bɛ a Egya mɔɔ wɔ anwuma la bayɛ bɛ nuhua ko biala a.”

Edwɛkpa ne kɛmɔ Mateyu hɛlɛle la 23:15

“Bɛmɛ mɛla kilehilevolɛma nee Falasiima, munzule ɛha bɛ! Nabalabama! Bɛmɛ, bɛdua nyevile nye, bɛdua aze bɛkɔ maanle maanle zo kɛ bɛkɛnyia sonla ko bɔbɔ bɛkɛhakyi ye bɛkɛmaa ɔkɛzonle Nyamenle; noko saa bɛnyia bie a, bɛyɛ bɛmaa ɔ nwo fɛta abɔnsam senle nu fane nwiɔ kɛ bɛdabɛ la!

Edwɛkpa ne kɛmɔ Mateyu hɛlɛle la 23:33

Nwɔlɛ! Ɛkyelebenle mralɛ! Bɛdwenle kɛ bɛnrɛbua bɛ ewule fɔlɛ bɛnrɛmaa bɛnrɛhɔ abɔnsam senle nu ɔ?

Edwɛkpa ne kɛmɔ Mateyu hɛlɛle la 25:41

“Akee mebaze bɛdabɛ mɔɔ bɛwɔ me sa bɛne zo la kɛ, ‘Bɛvi me nwo ɛke bɛhɔ, munzule menli! Bɛhɔ senle ne mɔɔ ɛnnu ɛlɛ, mɔɔ ɔvi ewiade abobɔlɛ bɛhua bɛmaa Abɔnsam nee ye soanvolɛma la anu!

Edwɛkpa ne kɛmɔ Mateyu hɛlɛle la 26:59

Sɛlɛvolɛ mgbanyinli ne nee ayiama ne mɔ amuala bɔle mɔdenle kɛ bɛkpondɛ ɛzonle bɛado Gyisɛse anwo zo na bɛahu ye;

Edwɛkpa ne kɛmɔ Mateyu hɛlɛle la 3:17

Na ɛnelɛ bie vi anwuma zele kɛ, “Ɛhye a le me Ra mɔɔ mekulo ye la. Me nye die ɔ nwo kpole.”

Edwɛkpa ne kɛmɔ Mateyu hɛlɛle la 5:34

Noko mame, mese: Bɛmmaka ndane fee. Bɛmmaka anwuma, ɔluakɛ ɔle Nyamenle belemgbunli ebia;

Edwɛkpa ne kɛmɔ Mateyu hɛlɛle la 5:44

Noko mame, mese: Bɛhulo bɛ kpɔvolɛma na bɛzɛlɛ bɛmaa bɛdabɛ mɔɔ bɛyɛ bɛ kpɔdekpɔde la,

Edwɛkpa ne kɛmɔ Maake hɛlɛle la 14:55

Sɛlɛvolɛ mgbanyinli ne nee ayiama ne mɔ amuala bɔle mɔdenle kɛ bɛkɛnyia edwɛkɛ bɛkɛtia Gyisɛse na bɛahu ye, noko bɛannyia bie.

Edwɛkpa ne kɛmɔ Maake hɛlɛle la 15:1

Nwonlomɔ mangyee ne ala, sɛlɛvolɛ mgbanyinli ne mɔ yiale Dwuu mgbanyima ne, mɛla kilehilevolɛma ne, yɛɛ ayiama ne mɔ amuala na ndɛndɛ ne ala bɛvale adwenle. Bɛguale Gyisɛse nwɔnzɔnwɔnzɔ na bɛvale ye bɛhɔmanle Wulomu Amɛnlado Paelɛte.

Edwɛkpa ne kɛmɔ Luku hɛlɛle la 12:5

Mekile bɛ mɔɔ ɔwɔ kɛ bɛsulo ye la; bɛzulo Nyamenle, yemɔ yɛɛ ɔku sonla a ɔlɛ tumi ɔfuandi ye ɛkɛla ɔto senle ne mɔɔ ɛnnu ɛlɛ la anu a. Nɔhalɛ, meka meahile bɛ kɛ bɛzulo yemɔ.

Edwɛkpa ne kɛmɔ Luku hɛlɛle la 22:66

Mɔɔ maanle nu tetele la, mgbanyima ne, sɛlɛvolɛ mgbanyinli ne, yɛɛ mɛla kilehilevolɛma ne mɔ yiale nu na bɛvale Gyisɛse bɛraziele ayia ne anyunlu.

Dw 11:47

Yemɔti Falasiima ne nee sɛlɛvolɛ mgbanyima ne mɔ yiale Ayiama ne na bɛhanle kɛ, “Duzu bɔbɔ yɛɛ akee yɛyɛ a? Nea nwanwane gyima mɔɔ akee nrenya ne ɛlɛyɛ la!

Dw 15:25

Na kɛ ɔwɔ kɛ ɔba ye noko ala la ɛne, amaa mɔɔ bɛhɛlɛ ye wɔ bɛ mɛla ne anu la ayɛ nɔhalɛ kɛ, ‘Mgbane gyɛne ne ala yɛɛ bɛkpɔle me a.’

Dw 7:20

Ɛlɔne ne buale kɛ, “Ɛnlɛ ɛ sa! Nwane a ɛlɛkpondɛ wɔ ahu wɔ a?”

Dw 8:48

Dwuuma ne zele Gyisɛse kɛ, “Saa yɛka kɛ ɛle Samɛleanli na ɛlɛ ayɛne a ɛnee yɛbɔ adalɛ ɔ?”

Ɛzoanvolɛma Gyima ne 17:18

Eku nwiɔ bie mɔɔ Ɛpekulɛse nee Zɛno a dele la anu kilehilevolɛma rale na bɛ nee Pɔɔlo razule kpolera na bɛzele kɛ, “Na sonlamgbane ɛhye, duzu edwɛkɛ yɛɛ ɔkpondɛ yeaha a?” Bie mɔ noko se, “Ɔzɔho kɛ ɔlɛbɔ ɛzonlenlɛ fofolɛ bie anwo nolo.” Bɛhanle ɛhye, ɔluakɛ Pɔɔlo hanle Gyisɛse nee ewudwazo nwo edwɛkɛ.

Ɛzoanvolɛma Gyima ne 22:30

Ɛnee sogyama kpanyinli ne kpondɛ kɛ ɔnwu deɛ holɛ ko mɔɔ yemɔti Dwuuma ne ɛlɛto Pɔɔlo ɛzonle la ati, aleɛ hyenle la ɔmanle bɛyele Pɔɔlo nwɔnzɔnwɔnzɔ ne na ɔmanle sɛlɛvolɛ mgbanyinli ne nee ayiama ne mɔ amuala yiale na ɔvale Pɔɔlo ɔragyinlanle bɛ nyunlu ɛkɛ.

Ɛzoanvolɛma Gyima ne 23:1

Pɔɔlo nleanle bagua ne na ɔzele bɛ kɛ, “Mediema Yizilayɛma, me adwenle ɛmbu me fɔlɛ wɔ me ɛbɛlabɔlɛ nu wɔ Nyamenle anyunlu toonwo a yeradwu ɛnɛ a.”

Ɛzoanvolɛma Gyima ne 24:20

Anzɛɛ maa bɛdabɛ mɔɔ bɛwɔ ɛke kɛkala la bie ɛha ɛtane holɛ ko mɔɔ bɛnwunle ye me nwo wɔ mekɛ mɔɔ megyi bagua ne anyunlu la.

Ɛzoanvolɛma Gyima ne 4:15

Ɛhye ati bɛvale bɛ bɛziele ahane ekyii, na bɛbɔle ɔ bo kɛ bɛdwenledwenle nwolɛ.

Ɛzoanvolɛma Gyima ne 5:21

Aleɛ hyenle nwonlomɔ mangyee ne la, ɛzoanvolɛma ne hɔle Ɛzonlenlɛ Sua ne anu na bɛbɔle ɔ bo kɛ bɛkilehile. Sɛlɛvolɛ Kpanyinli ne nee ɔ sa zo ne mɔ manle bɛvɛlɛle mgbanyima ayia, na bɛdule menli kɛ bɛhɔye ɛzoanvolɛma ne wɔ efiade ne bɛrɛla.

Ɛzoanvolɛma Gyima ne 5:27

Bɛvale bɛ gyɛlɛɛnye bɛragyinlanle ayiama ne anyunlu, na Sɛlɛvolɛ Kpanyinli ne bizale bɛ kɛ,

Ɛzoanvolɛma Gyima ne 6:12

Na bɛluale adenle ɛhye azo bɛmanle maanlema nee asɔne mgbanyima ne nee mɛla kilehilevolɛma ne mɔ vale ɛya na bɛhyele Sitivin bɛ nee ye hɔle ayiama ne anyunlu.

Ɛzoanvolɛma Gyima ne 6:15

Bɛdabɛ mɔɔ bɛwɔ ayia ne abo la amuala anye hale Sitivin anwo, na bɛnwunle kɛ ɛnee ɔ nyunlu ɛyɛ kɛ Nyamenle soanvolɛ nyunlu la.

Ɛzoanvolɛma Gyima ne 7:37

Mosisi ɛhye ala a zele Yizilayɛma kɛ, ‘Nyamenle baye ye kpɔmanvolɛ avi bɛ avinli yeazoa ye bɛ nwo, kɛmɔ ɔzoanle me la.’

Wulo 12:10

Bɛva mediema ɛhulolɛ bɛhulo bɛ nwo ngoko kɛ bɛle Kelaese ɛdoavolɛma, na bɛbɔ mɔdenle bɛpele bɛbu bɛ gɔnwo mɔ kpalɛ kpalɛ.

1 Kɔl 6:10

bɛdabɛ mɔɔ bɛle nwule, bɛle anyebolo, bɛdabɛ mɔɔ nza ɛgya bɛ, bɛdabɛ mɔɔ bɛ nloa ɛdendɛlɛ ɛnyɛ fɛ nee bɛdabɛ mɔɔ bɛle ahɔdiawu la, biala ɛnrɛnyia Nyamenle Belemgbunlililɛ ne.

1 Kɔl 6:6

mɔɔ yemɔti adiema fa adiema kɔ kɔɔto kɔmaa bɛdabɛ mɔɔ bɛnlie Edwɛkpa ne bɛnli la bua bɛ ndɛne a?

Mɛla 15:11

Ɔluakɛ kɛ ɔkɛyɛ biala la, ehyianli ɛnrɛkpa bɛ avinli wɔ azɛlɛ ne azo. Zɔhane ati mese bɛ kɛ, ‘Bɛbuke bɛ sa nu bɛmaa bɛ mediema ne mɔ nee ehyianvolɛma mɔɔ wɔ azɛlɛ ne azo la.’

Mɛla 16:18

“Bɛye ndɛnebuavolɛma na bɛdu maanle mgbanyima wɔ bɛ azua ne mɔ mɔɔ Ɛdɛnkɛma bɛ Nyamenle ne kɛva kɛmaa bɛ la azo, kɛmɔ bɛ mbusua ekpunli ekpunli ne mɔ de la. Ɔwɔ kɛ menli ɛhye mɔ nea di menli ne mɔ edwɛkɛ wɔ pɛlepɛle adenle zo; ɔnle kɛ bɛnea sonla nyunlu.

1 Tɛs 4:6

Wɔ ɛhye ɛyɛlɛ nu, ɔnle kɛ awie biala yɛ ɔ diema bie ɛtane anzɛɛ sisi ye. Yɛha ɛhye yɛhile bɛ ɛlɛ, yɛɛ yɛbɔ bɛ nwolɛ kɔkɔ, kɛ Nyamenle badea bɛdabɛ mɔɔ bɛyɛ zɔhane ɛtane ne la.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:2

Ka kile bɛ kɛ bɛmmaka awie anwo edwɛkɛ ɛtane anzɛɛ bɛmmadi butule, na bɛva anzonudwolɛ nee agɔnwolɛyɛlɛ bɛdɛnla na bɛli awie biala eni.

Kɛlata mɔɔ bɛhɛlɛle bɛhɔmanle Hibuluma la 12:25

Zɔhane ati, bɛnlea boɛ, na bɛamkpo kɛ bɛnrɛdie mɔɔ ɛlɛtendɛ la. Bɛdabɛ mɔɔ bɛkpole kɛ bɛnrɛdie mɔɔ hanle Nyamenle anloa edwɛkɛ ne hilele bɛ wɔ azɛlɛ ye azo la, anvi ɛsalɛ. Na saa akee yɛmɛ yɛkpo kɛ yɛnrɛdie mɔɔ tendɛ fi anwuma lɔ kile yɛ la a, kɛ ɔkɛyɛ na yɛavi ɛsalɛ ɛ?

Kɛlata mɔɔ bɛhɛlɛle bɛhɔmanle Hibuluma la 5:9

Mɔɔ bɛmanle ɔlile munli la, akee ɔrayɛle ngoanelielɛ mɔɔ ɛnlɛ awieleɛ la ɔmanle bɛdabɛ mɔɔ bɛtie ye la,

Gyemise Kɛlata ne 2:20

Kɔnwɔne! Ɛkulo kɛ bɛkile wɔ kɛ diedi mɔɔ gyimayɛlɛ ɛmboka nwo la ɛnzo ma ɔ?

Gyemise Kɛlata ne 3:6

Ɛtafinlimalɛ le senle. Ɔboa ɔle munzule ewiade ekyi kpalɛ wɔ yɛ sonlabaka ne nvɛyeba ne mɔ avinli na ɔfa ɛtane ɔsalo yɛ sonlabaka ne kpokpoti. Ɔle ɛbolɔ senle kpalɛ mɔɔ fa senle to yɛ ɛbɛlabɔlɛ nu a.

1 Pit 2:23

Noko mɔɔ bɛbɔ ye aholoba la, yeambɔ bɛ bie, bɛgolo ɔ nwo la, yeandɛ ɔ nloa anu; mɔɔ ɔnwu amaneɛ bɔbɔ la, yeanwunlonwunla awie, na ɔvale ye anyelazo kɔsɔɔti ɔdole Nyamenle anwo zo kɛ yemɔ a ɔle pɛlepɛle Ndɛnebuavolɛ ne a.

1 Pit 3:9

Bɛmmafa ɛtane bɛtua ɛtane kakɛ anzɛɛ bɛmmafa butule bɛyia butule. Bɛva nyilalɛ nee kosoɛ ɛyɛlɛ bɛdua ɛtane kakɛ, ɔluakɛ ɛhye ati yɛɛ Nyamenle vɛlɛle bɛ a, amaa bɛanyia nyilalɛ.

1 Dw 2:9

Awie biala mɔɔ se ɔde wienyi ne anu, noko ɔkpɔ ɔ diema la, tɛte awozinli nu.

1 Dw 3:10

Ngakyile mɔɔ wɔ bɛdabɛ mɔɔ bɛle Nyamenle amra nee bɛdabɛ mɔɔ bɛle Abɔnsam amra la avinli la ɛne: awie biala mɔɔ ɛmbɔ ɛbɛla kpalɛ anzɛɛ ɛngulo ɔ diema la ɛnle Nyamenle ara.

1 Dw 5:16

Saa awie nwu adiema bie kɛ ɔlɛyɛ ɛtane mɔɔ ɛndwe ye ɛngɔ ewule nu la a, ɔzɛlɛ ɔmaa ye na Nyamenle kɛmaa adiema ne ngoane. Noko ɛtane ne bie wɔ ɛkɛ mɔɔ wie ewule a. Menga ye kɛ awie ɛzɛlɛ ɛhye anwo.

Dwuudu Kɛlata ne 1:9

Nyamenle soanvolɛ kpanyinli Maekeɛle bɔbɔ anyɛ ɛhye. Mekɛ mɔɔ kpolera dɔle ye nee Abɔnsam avinli wɔ Mosisi funli nwo la, Maekeɛle anga ɛtane angile Abɔnsam. Mɔɔ ɔzele ye la a le kɛ, “Awulae badua wɔ kakɛ.”

Yekile 20:14

Akee bɛvuandinle Ewule nee Ɛbolɔ bɛguale senle tandane ne anu. Senle ɛhye a le ewule ne mɔɔ tɔ zolɛ nwiɔ la.