Edwɛkpa ne kɛmɔ Mateyu hɛlɛle la 5:18 - BAEBOLO ANZƐƐ BULUKU NWUANZANWUANZA

¹⁸ Nɔhalɛ, meka meahile bɛ kɛ anwuma nee aze baze ahɔ na mɛla ne anu kpɔkɛ nretee ko bɔbɔ ɛnrɛkpɔkye ɛnrɛdɔ kyesɛ mɔɔ wɔ nu la amuala ɛli munli.

Edwɛkpa ne kɛmɔ Mateyu hɛlɛle la 5:18 ပူးပေါင်းရင်းမြစ်များ

Edwɛndolɛ Buluku ne 102:26

Bɛ bo zo baminli, noko wɔmɔ, ɛwɔ ɛkɛ ne dahuu; bɛ muala bɛbatete kɛ adɛladeɛ. Ɛdi bɛ ngakyile kɛ ɛdanlɛ, na bɛse bɛkɔ,

Edwɛndolɛ Buluku ne 111:8

Bɛwɔ ɛkɛ ne mekɛ biala, kɛ bɛyɛ bɛ gyima tenlene nee nɔhalɛ nu.

Edwɛndolɛ Buluku ne 119:152

Menwu wɔ mɛla ne mɔ anu dɛbadɛba, kɛ wɔhyehyɛ wɔdo ɛkɛ melɛ mɔɔ ɛnlɛ awieleɛ.

Ayezaya Buluku ne 40:8

Ɛhɛe, ndile nwoso, ndotolo kɛnlɛma kpa, noko Nyamenle edwɛkɛ ne bagyinla ɛkɛ dahuu.”

Ayezaya Buluku ne 44:26

Medame a memaa me sonvolɛma edwɛkɛ di munli, na meyɛ mɔɔ me soanvolɛma kɛha la. Meka ye Gyɛlusalɛm anwo kɛ, ‘Menli baradɛnla zolɛ,’ na meka mekile Dwuda azuamgbole kɛ, ‘Bɛbakyekye bɛ fofolɛ, na mebakyekye bɛ azuamgbole mɔɔ ɛzɛkye la.’

Ayezaya Buluku ne 51:6

Bɛdo bɛ nye anwuma bɛnlea, na bɛdo bɛ nye bɛnlea azɛlɛ ye, ɔluakɛ anwuma baminliminli kɛ esike; azɛlɛ ye batete kɛ ɛdanlɛ, na bɛdabɛ mɔɔ bɛde zolɛ la bawu kɛ ngokowule. Me ngoanelielɛ ne wɔ ɛkɛ dahuu, na me konimlilɛ ɛnrɛwie ɛlɛ.

Edwɛkpa ne kɛmɔ Mateyu hɛlɛle la 10:15

Na nɔhalɛ, mese, wɔ Ndɛnebualɛ Kenle ne, Nyamenle baze Sodɔm nee Gomɔla amra anwunvɔne dɔɔnwo adɛla menli mɔɔ wɔ zɔhane sua ne azo la.

Edwɛkpa ne kɛmɔ Mateyu hɛlɛle la 10:23

Saa bɛyɛ bɛ kpɔdekpɔde wɔ sua ko azo a, bɛnriandi bɛhɔ mɔɔ doa ye la azo. Na meka meahile bɛ kɛ bɛnrɛwie Yizilayɛ azua ne mɔ amuala azo kɔ na Sonla Ra ne ara.

Edwɛkpa ne kɛmɔ Mateyu hɛlɛle la 10:42

Na bɛhakye ɛhye: Awie biala mɔɔ kɛmaa ngakula ngyikyi ɛhye mɔ anu ko nzule fɔlɔdɔdɔ kanrɛlɛ ko bɔbɔ kɛnlo, kɛ ɔle me ɛdoavolɛ la, kɛnyia nwolɛ ahatualɛ somaa!”

Edwɛkpa ne kɛmɔ Mateyu hɛlɛle la 11:11

Nɔhalɛ, meka meahile bɛ, wɔ menli mɔɔ bɛwo bɛ bɛgua ɛbɛla azɛlɛ ɛhye azo la anu, awie ɛtɛdwazole mɔɔ le kpole tɛla Dwɔn Sɔnevolɛ ne a. Noko akee awie mɔɔ le ekyi wɔ Anwuma Belemgbunlililɛ nu la le kpole tɛla ye.

Edwɛkpa ne kɛmɔ Mateyu hɛlɛle la 13:17

Meka meahile bɛ: Nyamenle kpɔmanvolɛma dɔɔnwo nee Nyamenle menli ne dɔɔnwo hulole kɛ anrɛɛ bɛkɛnwu ninyɛne mɔɔ bɛmɛ bɛnwu bɛ la, noko bɛannwu bɛ; anzɛɛ anrɛɛ bɛkɛde mɔɔ bɛmɛ bɛte la, noko bɛande.

Edwɛkpa ne kɛmɔ Mateyu hɛlɛle la 16:28

Bɛhakye ɛhye, menli bie gyigyi bɛ avinli ɛke mɔɔ bɛnrɛwu na bɛanwu Sonla Ra ne kɛ yera kɛ Belemgbunli la.”

Edwɛkpa ne kɛmɔ Mateyu hɛlɛle la 17:20

Gyisɛse buale bɛ kɛ, “Ɔluakɛ bɛ diedi le ekyi la ati ɔ. Nɔhalɛ, meka meahile bɛ kɛ, saa bɛ diedi ne kpole le kɛ ‘mɛsetade’ ma kunlu ma ekyi bie bɔbɔ a, anrɛɛ bɛbahola bɛaze boka ɛhye kɛ, ‘Tudu kɔ nehane!’ na ɔkɛhɔ; eza debie biala ɛyɛlɛ ɛnrɛyɛ se ɛnrɛmaa bɛ. [

Edwɛkpa ne kɛmɔ Mateyu hɛlɛle la 18:18

“Nɔhalɛ, meka meahile bɛ: Debie biala mɔɔ bɛkɛkyekye ye wɔ azɛlɛ ye azo la bɛkɛkyekye ye wɔ anwuma lɔ, yɛɛ debie biala mɔɔ bɛkɛtulu ye wɔ azɛlɛ ye azo la bɛkɛtulu ye wɔ anwuma lɔ.

Edwɛkpa ne kɛmɔ Mateyu hɛlɛle la 18:3

na ɔzele bɛ kɛ, “Bɛhakye ɛhye! Kyesɛ bɛkakyi bɛ nyɛleɛ na bɛyɛ kɛ ngakula la, anrɛɛ bɛnrɛnwu Anwuma Belemgbunlililɛ ne ɛlɛ.

Edwɛkpa ne kɛmɔ Mateyu hɛlɛle la 19:23

Na Gyisɛse zele ye ɛdoavolɛma ne kɛ, “Meka meahile bɛ: Ɔbayɛ se yeamaa sukoavolɛ kɛ ɔkɛnyia Anwuma Belemgbunlililɛ ne.

Edwɛkpa ne kɛmɔ Mateyu hɛlɛle la 19:28

Gyisɛse zele bɛ kɛ, “Meka meahile bɛ, saa medame Sonla Ra, metɛnla me anyunlunyia belemgbunli ebia ne anu wɔ Ewiade fofolɛ ne anu a, bɛdabɛ bulu nee nwiɔ ye mɔɔ bɛle me ɛdoavolɛma la, bɛkɛdɛnlɛdɛnla arelemgbunli mbia zo na bɛkɛbua Yizilayɛ mbusua bulu nee nwiɔ ne ndɛne.

Edwɛkpa ne kɛmɔ Mateyu hɛlɛle la 21:21

Gyisɛse buale kɛ, “Bɛhakye ɛhye! Saa bɛdie bɛdi na bɛanzu kpolera a, bɛkɛhola bɛkɛyɛ mɔɔ meyɛ feege baka ɛhye la bie. Bɔbɔ bɛkɛhola bɛkɛze boka ɛhye kɛ, ‘Tudu kɔdɔ nyevile nu’, na ɔkɛyɛ zɔhane.

Edwɛkpa ne kɛmɔ Mateyu hɛlɛle la 21:31

Ɛnee ngakula nwiɔ ɛhye, bɛ nuhua boni a yɛle ɔ ze ɛhulolɛdeɛ a?” Bɛzele ye kɛ, “Mɔɔ lumua la ɔ.” Gyisɛse zele bɛ kɛ, “Nɔhalɛ, meka meahile bɛ: Adwuledievolɛma nee tuutuuma balumua anyia Nyamenle Belemgbunlililɛ ne agyakyi bɛ.

Edwɛkpa ne kɛmɔ Mateyu hɛlɛle la 23:36

Nɔhalɛ, meka meahile bɛ, ɛhye mɔ amuala anwo ndeanlɛ bara bɛdabɛ adwuleso amra anwo zo.

Edwɛkpa ne kɛmɔ Mateyu hɛlɛle la 24:2

Na ɔbizale bɛ kɛ, “Bɛnwu ninyɛne ɛhye mɔ ɔ? Nɔhalɛ, meka meahile bɛ kɛ bolɛ ko bɔbɔ ɛnrɛla bolɛ zo mɔɔ bɛnrɛdwula ye aze a.”

Edwɛkpa ne kɛmɔ Mateyu hɛlɛle la 24:47

Nɔhalɛ, meka meahile bɛ, ɔ menle ne kɛmaa ɔkɛnlea ye agya ninyɛne ne mɔ amuala azo.

Edwɛkpa ne kɛmɔ Mateyu hɛlɛle la 25:12

Na atɔfolɛ nrenya ne zele bɛ kɛ, ‘Kyɛkyɛ! Nɔhalɛ, meka meahile bɛ, menze bɛ.’ ”

Edwɛkpa ne kɛmɔ Mateyu hɛlɛle la 25:40

Na mebabua bɛ kɛ, ‘Nɔhalɛ, meka meahile bɛ kɛ, suzuamgba ala mɔɔ bɛyɛle ɛhye mɔ bɛmanle me mediema ɛhye mɔ mɔɔ anwo ɛngyia la anu bie la, bɛyɛle bɛmanle me.’

Edwɛkpa ne kɛmɔ Mateyu hɛlɛle la 25:45

Na mebabua bɛ kɛ, ‘Nɔhalɛ, meka meahile bɛ kɛ, suzuamgba ala mɔɔ bɛkpole kɛ bɛnrɛboa menli ɛhye mɔ mɔɔ anwo ɛngyia la anu ko bɔbɔ la, bɛkpole kɛ bɛnrɛboa medame noko.’

Edwɛkpa ne kɛmɔ Mateyu hɛlɛle la 5:26

Nɔhalɛ, meka meahile bɛ, bɛnrɛgyakyi wɔ ɛlɛ kyesɛ ɛtua kakɛ biala mɔɔ ɛha la.

Edwɛkpa ne kɛmɔ Mateyu hɛlɛle la 6:16

“Saa bɛkye ɛhɔne a, bɛmmayɛ bɛ nyunlu alɔbɔlɛ alɔbɔlɛ, kɛmɔ nabalabama ne mɔ yɛ la. Bɛsie bɛ nwo evinli bɛfa bɛkile bɛmaa awie biala nwu kɛ bɛlɛkye ɛhɔne. Bɛnwu ye kɛ bɛdua bɛ nwolɛ kakɛ bɛwie.

Edwɛkpa ne kɛmɔ Mateyu hɛlɛle la 6:2

“Zɔhane ati saa bɛfa debie bɛahyɛ a bɛmmabɔ nwolɛ awuye, kɛmɔ nabalabama ne mɔ yɛ ye wɔ nyianu azua ne mɔ anu nee awɔdenle ne mɔ azo la. Bɛyɛ ye zɔhane amaa bɛanyia bɛ nyunlu wɔ menli nyunlu. Nɔhalɛ, meka meahile bɛ kɛ bɛnyia bɛ ahatualɛ bɛwie.

Edwɛkpa ne kɛmɔ Mateyu hɛlɛle la 8:10

Gyisɛse dele ɛhye la ɔzinle ɔ nwo, na ɔzele bɛdabɛ mɔɔ bɛdoa ye la kɛ, “Nɔhalɛ, metɛnwunle awie mɔɔ lɛ diedi zɛhae bie la ɛlɛ, bɔbɔ wɔ Yizilayɛma avinli.

Edwɛkpa ne kɛmɔ Maake hɛlɛle la 10:15

Bɛhakye ɛhye! Awie biala mɔɔ anyɛ ɔ nwo kɛ kakula, anlie Nyamenle Belemgbunlililɛ ne ando nu la ɛnrɛnwu Nyamenle Belemgbunlililɛ ne.”

Edwɛkpa ne kɛmɔ Maake hɛlɛle la 10:29

Gyisɛse zele bɛ kɛ, “Ɔle zɔhane, noko bɛdie! Awie biala mɔɔ me ti, nee Edwɛkpa ne ati yegyakyi sua, mediema mrenya anzɛɛ mediema mraalɛ, ninli anzɛɛ selɛ, mralɛ anzɛɛ azɛlɛ la

Edwɛkpa ne kɛmɔ Maake hɛlɛle la 11:23

Bɛhakye ɛhye: saa bɛdie Nyamenle bɛdi, na bɛanzu kpolera wɔ bɛ ahonle nu, na bɛdie bɛdi bɔkɔɔ kɛ mɔɔ bɛkɛha la kɛyɛ ɛkɛ a, bɛbahola bɛaze boka ɛhye kɛ, ‘Tudu kɔdɔ nyevile nu,’ na ɔkɛyɛ zɔhane.

Edwɛkpa ne kɛmɔ Maake hɛlɛle la 12:43

Gyisɛse vɛlɛle ye ɛdoavolɛma ne amuala na ɔzele bɛ kɛ, “Nɔhalɛ, raalɛ kunlanvolɛ ehyianli ɛhye ɛva mɔɔ le kpole tɛla awie biala ɛdeɛ ne la ɛgua gya ne anu.

Edwɛkpa ne kɛmɔ Maake hɛlɛle la 13:30

Bɛhakye ɛhye! Ninyɛne ɛhye mɔ basisi wɔ bɛdabɛ mɔɔ kɛkala bɛde aze la dɔɔnwo ne ala anye zo.

Edwɛkpa ne kɛmɔ Maake hɛlɛle la 14:18

Na mɔɔ bɛde ɛkponle ne anwo bɛlɛdi debie la, Gyisɛse zele bɛ kɛ, “Nɔhalɛ, meka meahile bɛ kɛ, bɛdabɛ mɔɔ bɛ nee me yɛ sa wɔ ɛyɛba ye anu la, bɛ nuhua ko baye me amaa.”

Edwɛkpa ne kɛmɔ Maake hɛlɛle la 14:25

Nɔhalɛ, menrɛnlo nwanye ɛhye bieko, kyesɛ Nyamenle Belemgbunlililɛ nu na meanlo nwanye bieko.”

Edwɛkpa ne kɛmɔ Maake hɛlɛle la 14:30

Gyisɛse zele Pita kɛ, “Kakye ɛhye, ɔ nee mɔɔ akɔlɛ kabɔ fane nwiɔ la, ɛnee ɛdawɔ, wɔha ye fane nsa ɛnɛ nɔe kɛ ɛnze me.”

Edwɛkpa ne kɛmɔ Maake hɛlɛle la 14:9

Bɛhakye ɛhye! Ewiade ye anu ɛleka biala mɔɔ menli kɛbɔ Edwɛkpa ne nolo la, bɛkɛha debie mɔɔ raalɛ ye ɛyɛ la bɛkɛva bɛkɛhakye ye.”

Edwɛkpa ne kɛmɔ Maake hɛlɛle la 3:28

“Bɛhakye ɛhye! Ɛtane biala ɛnle ɛkɛ mɔɔ sonla kɛyɛ anzɛɛ munzule edwɛkɛ biala ɛnle ɛkɛ mɔɔ sonla kɛha, mɔɔ bɛnrɛva bɛnrɛhyɛ ye a.

Edwɛkpa ne kɛmɔ Maake hɛlɛle la 6:11

Saa bɛkɔ sua bie azo noko na menli ne anlie bɛ anzɛɛ ɛnrɛdie bɛ a, bɛvi ɛkɛ ne bɛhɔ na bɛkpɔlɔkpɔla bɛ gyakɛ anwo munlutu bɛgua, bɛva bɛhile kɛ menli ne di ɛzonle.”

Edwɛkpa ne kɛmɔ Maake hɛlɛle la 8:12

Gyisɛse gule ɛnwomenle na ɔbizale kɛ, “Duzu ati a bɛmɛ adwuleso amra bɛkpondɛ sɛkɛlɛneɛ ɛ? Nɔhalɛ, bɛnrɛyɛ sɛkɛlɛneɛ biala bɛnrɛhile bɛdabɛ menli ɛhye mɔ ɛlɛ!”

Edwɛkpa ne kɛmɔ Maake hɛlɛle la 9:1

Na ɔhanle ɔzɔle zolɛ kɛ, “Bɛhakye ɛhye! Bie mɔ gyi bɛ avinli ɛke mɔɔ bɛnrɛwu kɔkpula kɛ bɛkɛnwu Nyamenle belemgbunlililɛ ne kɛ yera zo wɔ tumi nu.”

Edwɛkpa ne kɛmɔ Maake hɛlɛle la 9:41

Bɛhakye ɛhye! Awie biala mɔɔ ɔluakɛ bɛle Kelaese ne ɛdeɛ la ati ɔkɛmaa bɛ nzule bɛkɛnlo la kɛnyia ahatualɛ wɔ nwolɛ.

Edwɛkpa ne kɛmɔ Luku hɛlɛle la 11:51

ɔvi mekɛ mɔɔ bɛhunle Ebulu, bakpula Zɛkalaya, mɔɔ bɛhunle ye wɔ azukponle ne nee Ɛleka Nwuanzanwuanza ne avinli la anwo zo. Ɛhɛe, mese, bɛbadea adwuleso amra wɔ ɛhye mɔ amuala anwo.

Edwɛkpa ne kɛmɔ Luku hɛlɛle la 12:37

Nyilalɛ ɛha sonvolɛma mɔɔ mekɛ mɔɔ bɛ menle kɛra la ɔkɛrado bɛ kɛ bɛ nye gyi zo na bɛlɛkendɛ ye la. Nɔhalɛ, meka meahile bɛ kɛ ɔkɛmaa bɛkɛdɛnlɛdɛnla aze, ɔkɛkpa ɔkɛgua, na ɔkɛmaa bɛ debie.

Edwɛkpa ne kɛmɔ Luku hɛlɛle la 13:35

Yemɔti bɛ sua ye badɔ mgbane. Meka meahile bɛ kɛ bɛnrɛnwu me, kɔkpula kɛ mekɛ ne kɛdwu mɔɔ bɛbadeɛdea nu bɛaze kɛ, ‘Nyilalɛ ɛha mɔɔ lua Awulae duma nu ɛlɛba la.’ ”

Edwɛkpa ne kɛmɔ Luku hɛlɛle la 16:17

Na ɔnyɛ se kɛ anwuma nee aze kɛpɛ nu kɛze, tɛla kɛ mɛla ne anu edwɛkɛkpɔkɛ nretee ko kɛminli a.

Edwɛkpa ne kɛmɔ Luku hɛlɛle la 18:17

Bɛhakye ɛhye, awie biala mɔɔ anyɛ ɔ nwo kɛ kakula anlie Nyamenle Belemgbunlililɛ ne ando nu la ɛnrɛnyia ye.”

Edwɛkpa ne kɛmɔ Luku hɛlɛle la 18:29

Gyisɛse zele bɛ kɛ, “Ɛhɛe, ɔle zɔhane, noko bɛdie: Awie biala mɔɔ ɛgyakyi ye sua, ɔ ye nee ɔ mediema, ye awovolɛ anzɛɛ ɔ mra wɔ Nyamenle Belemgbunlililɛ ne ati la

Edwɛkpa ne kɛmɔ Luku hɛlɛle la 23:43

Gyisɛse zele ye kɛ, “Mebɔ wɔ ɛwɔkɛ kɛ, ɛnɛ kenle ye, me nee wɔ bahɔ Paladaese.”

Edwɛkpa ne kɛmɔ Luku hɛlɛle la 4:24

Gyisɛse zɔle zo hanle kɛ, “Meka ko ɛhye meahile bɛ: Nyamenle kpɔmanvolɛ biala ɛnlɛ ɔ nyunlu wɔ ye sua zo.

Dw 1:51

Na ɔhanle ɔhilele bɛ muala kɛ, “Meka nɔhalɛ ne meahile bɛ: bɛbanwu kɛ anwuma ɛbuke na Sonla Ra ne ati, Nyamenle soanvolɛma ɛlɛfo dwu.”

Dw 10:1

Gyisɛse zele bɛ kɛ, “Meka nɔhalɛ ne meahile bɛ: Awie mɔɔ ɛlɛkɔ mboane tunli ne anu na yeanlua anlenkɛ ne anu, na ɔkɛvo bane ne la le awule, ɔle kɔdiawu.

Dw 10:7

Yemɔti Gyisɛse hanle ye bieko kɛ, “Meka nɔhalɛ ne meahile bɛ: Mame a mele anlenkɛ ne mɔɔ bɛfa nu bɛkɔ mboane tunli ne anu la.

Dw 12:24

Meka nɔhalɛ ne meahile bɛ: Abɛlɛ ma ko anwo ɛnrɛzo dɔɔnwo kyesɛ bɛdua na ɔkpɔlɔ. Saa ɔkpɔlɔ a, ɔfifi na ɔso ma dɔɔnwo.

Dw 13:16

Meka nɔhalɛ meahile bɛ: Akɛlɛ biala ɛnle kpole ɛndɛla ɔ menle; soanvolɛ biala ɛnle kpole ɛndɛla ahenle mɔɔ zoanle ye la,

Dw 13:38

Gyisɛse buale ye kɛ, “Amgba wɔboɔboa ɛ nwo kɛ ɛkɛwu ɛkɛmaa me ɔ? Meka nɔhalɛ ne meahile wɔ: Akɔlɛ kabɔ la ɛnee wɔha ye fane nsa kɛ ɛnze me.”

Dw 14:12

Meka nɔhalɛ ne meahile bɛ: Awie mɔɔ kɛlie me kɛli la kɛyɛ gyima mɔɔ meyɛ la bie, yɛɛ ɔbayɛ mɔɔ tɛla ɛhye mɔ la bɔbɔ, ɔluakɛ melɛkɔ Selɛ ne anwo lɔ,

Dw 16:20

Meka nɔhalɛ ne meahile bɛ: Bɛbazu bɛayi, na ɛtane ewiade ye bali fɛlɛko; bɛbali nyane, na bɛ nyanelilɛ ne bahakyi fɛlɛkolilɛ.

Dw 16:23

“Saa mekɛ zɔhane dwu a, bɛnrɛbiza me bɛnrɛlie debie biala. Meka nɔhalɛ ne meahile bɛ: Debie biala mɔɔ bɛkɛbiza Selɛ ne wɔ me duma nu la, ɔkɛva ɔkɛmaa bɛ.

Dw 21:18

Meka nɔhalɛ ne meahile wɔ: Mekɛ mɔɔ ɛle kpavolɛ la, ɛnee ɛdawɔ ɛkola ɛmaa ɛ nwo zo ɛkɔ ɛleka biala mɔɔ ɛkulo la, na saa ɛyɛ kpanyinli a, ɛbadenrɛ ɛ sa na awie akyekye bɛ na yeava wɔ yeahɔ ɛleka mɔɔ ɛngulo kɛ ɛkɔ la.”

Dw 3:11

Meka nɔhalɛ meahile wɔ: yɛka mɔɔ yɛnwu ye na yɛbɔ mɔɔ yɛde la nolo, noko bɛ biala ɛnlie yɛ edwɛkɛ ne ɛndo nuhua.

Dw 3:3

Gyisɛse buale ye kɛ, “Meka nɔhalɛ meahile wɔ: awie biala ɛnrɛnwu Nyamenle Belemgbunlililɛ ne kyesɛ bɛwo ye fofolɛ.”

Dw 3:5

Gyisɛse buale kɛ, “Meka nɔhalɛ ne meahile wɔ: kyesɛ bɛfa nzule nee Sunsum Nwuanzanwuanza ne bɛsɔne sonla anrɛɛ ɔnrɛnwu Nyamenle Belemgbunlililɛ ne ɛlɛ.

Dw 5:19

Yemɔti Gyisɛse zele bɛ kɛ, “Meka nɔhalɛ ne meahile bɛ: Ralɛ ne angome ɛnli ɔ ti anwo ɛnyɛ debie biala; ɔyɛ mɔɔ ɔkɛnwu kɛ Selɛ ne ɛlɛyɛ la ala angome. Mɔɔ Selɛ ne yɛ la, yɛɛ Ralɛ ne ɔdaye ɔyɛ a.

Dw 6:26

Gyisɛse buale bɛ kɛ, “Meka nɔhalɛ ne meahile bɛ: Bɛlile kpanwo ne na bɛ ko yile la ati yɛɛ bɛlɛkpondɛ me bo zo a, na tɛ kɛ asɛɛ bɛdele me nwanwane gyima mgbole mɔɔ menyɛle la abo la ati ɔ.

Dw 6:32

Gyisɛse zele bɛ kɛ, “Meka nɔhalɛ ne meahile bɛ: tɛ Mosisi a vale aleɛ ne mɔɔ vi anwuma la manle bɛ a; Egya a maa bɛ aleɛ kpalɛ mɔɔ vi anwuma la a.

Dw 6:47

Meka nɔhalɛ ne meahile bɛ: Mɔɔ kɛlie kɛli la lɛ ngoane mɔɔ ɛnlɛ awieleɛ.

Dw 6:53

Gyisɛse zele bɛ kɛ, “Meka nɔhalɛ ne meahile bɛ: Saa bɛanli medame Sonla Ra me nwonane, bɛanno me mogya a bɛnrɛnyia ngoane mɔɔ ɛnlɛ awieleɛ.

Dw 8:34

Gyisɛse zele bɛ kɛ, “Meka nɔhalɛ ne meahile bɛ: Awie biala mɔɔ kɛyɛ ɛtane la le ɛtane akɛlɛ.

Dw 8:51

Meka nɔhalɛ ne meahile bɛ: Mɔɔ kɛli me edwɛkɛ zo la ɛnrɛwu ɛlɛ.”

Dw 8:58

Gyisɛse buale bɛ kɛ, “Meka nɔhalɛ ne meahile bɛ: Mɔɔ bɛkawo Ebileham la, ɛnee bɛfɛlɛ me ɛtease.”

1 Pit 1:25

noko Awulae edwɛkɛ ne wɔ ɛkɛ ne dahuu.” Edwɛkɛ ɛhye a le Edwɛkpa ne mɔɔ bɛbɔle ye nolo bɛhilele bɛ la.

Yekile 20:11

Akee menwunle Belemgbunli ne nee ye belemgbunli ebia fufule ne mɔɔ ɔde zolɛ la. Anwuma nee azɛlɛ minliminlinle ɔ nyunlu ɛkɛ ne na bɛannwu bɛ bieko.