Edwɛkpa ne kɛmɔ Mateyu hɛlɛle la 5:16 - BAEBOLO ANZƐƐ BULUKU NWUANZANWUANZA

¹⁶ Zɔhane ala yɛɛ bɛmaa bɛ ɛbɛla kpalɛ ne ɛyɛ kɛ kɛnlaneɛ na ɔda wɔ menli nu a, amaa bɛanwu bɛ gyima kpalɛ ne mɔɔ bɛyɛ la na bɛaye bɛ Ze mɔɔ wɔ anwuma la ayɛlɛ.

Edwɛkpa ne kɛmɔ Mateyu hɛlɛle la 5:16 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:35

Yizilayɛma nwu kɛ Mosisi anyunlu ɛlɛta. Mosisi eza fa ɛdanlɛ ne keda ɔ nyunlu kɔkpula mekɛ mɔɔ ɔkɛhɔ Ɛdɛnkɛma Ndanlɛ Sua ne anu bieko kɛ ɔ nee Ɛdɛnkɛma kadendɛ la.

Mrɛlɛbulɛ Buluku ne 4:18

Tenlenema adenle nu le wienyi kɛ nwonlomɔ sɛnzɛne mɔɔ kɛkpuke la, ɔfi, ɔta toonwo ɔyɛ kɛ sɛnzɛngyinla ewia.

Ayezaya Buluku ne 58:8

“Saa bɛyɛ ɛhye a bɛ wienyi ne bada kɛ nwonlomɔ ewia, na bɛ nwo aza ndɛndɛ; bɛ tenleneyɛlɛ ne bala ali, na medame Ɛdɛnkɛma me anyunlunyia ne azinza bɛ.

Ayezaya Buluku ne 61:3

Yezoa me kɛ membankyekye Zayɔnoma arɛle Kɛ bɛgyakyi nyanelilɛ na bɛli fɛlɛko. Bɛgyakyi bɛ ti zo nzonle ɛbɔlɛ, Na bɛbɔ ndotolo kɔtɔlɔba abɔtile. Bɛdo ayɛlɛyelɛ edwɛne na bɛgyakyi nyanelilɛ; Amaa bɛavɛlɛ bɛ tenleneyɛlɛ mbaka ɛsesebɛ, Mɔɔ Ɛdɛnkɛma ɛlua, amaa bɛawula ye anyunlunyia.

Edwɛkpa ne kɛmɔ Mateyu hɛlɛle la 23:5

Bɛyɛ bɛ ninyɛne kɔsɔɔti wɔ menli nye zo. Bɛdabɛ bɛnlea kɛ bɛ abɔtile ne mɔ si de mgbole na bɛhɛlɛhɛlɛ Nyamenle Edwɛkɛ wɔ nu, mɔɔ bɛbɔ a ɛnee ɔgua bɛ nwoma azo a; nee bie noko mɔɔ wɔ tabule nu mɔɔ bɛgua ye bɛ sa zo la mgbole kɛ si de la. Eza bɛnlea bɛ adɛladeɛ ne mɔ anloa, kɛ bɛzi bɛyɛ bɛ sosɔkpɔɔ la.

Edwɛkpa ne kɛmɔ Mateyu hɛlɛle la 23:9

Eza bɛmmafɛlɛ awie biala bɛ ‘ze’ wɔ azɛlɛ ye azo, ɔluakɛ bɛ Ze kokye, na yemɔ ala a wɔ anwuma lɔ la.

Edwɛkpa ne kɛmɔ Mateyu hɛlɛle la 5:45

amaa bɛayɛ bɛ Ze mɔɔ wɔ anwuma la amra. Ɔluakɛ yemɔ, ɔmaa ye ezule tɔ na ye ewia fi maa ɛtanevolɛma nee kpalɛyɛlɛma amuala.

Edwɛkpa ne kɛmɔ Mateyu hɛlɛle la 6:16

“Saa bɛkye ɛhɔne a, bɛmmayɛ bɛ nyunlu alɔbɔlɛ alɔbɔlɛ, kɛmɔ nabalabama ne mɔ yɛ la. Bɛsie bɛ nwo evinli bɛfa bɛkile bɛmaa awie biala nwu kɛ bɛlɛkye ɛhɔne. Bɛnwu ye kɛ bɛdua bɛ nwolɛ kakɛ bɛwie.

Edwɛkpa ne kɛmɔ Mateyu hɛlɛle la 6:9

Zɔhane ati, bɛmɛ, bɛyɛ nzɛlɛlɛ a bɛyɛ ye zɛhae: ‘Yɛ Ze mɔɔ wɔ anwuma: Wɔ duma nwo ɛde;

Edwɛkpa ne kɛmɔ Mateyu hɛlɛle la 9:8

Menli ne mɔ nwunle ye zɛhae la, ɛzulolɛ hanle bɛ, na bɛyele Nyamenle ayɛlɛ kɛ yeva tumi mɔɔ le zɛhae la yemaa sonla a.

Edwɛkpa ne kɛmɔ Luku hɛlɛle la 11:2

Gyisɛse zele bɛ kɛ, “Saa bɛyɛ nzɛlɛlɛ a bɛha ɛhye: ‘Egya, Wɔ duma ne anwo ɛde; wɔ belemgbunlililɛ ɛrɛla.

Dw 15:8

Saa bɛyɛ Nyamenle ɛhulolɛdeɛ a, ɛnee bɛlɛye Egya anyunlunyia bɛahile; na ye zɛhae azo a bɛlua a bɛkɛhile kɛ bɛle me ɛdoavolɛma a.

Ɛzoanvolɛma Gyima ne 9:36

Dwɔpa noko, raalɛ bie wɔ ɛkɛ, bɛfɛlɛ ye Tabeta. (Ye duma ne Giliki nu a le Dɔkase.) Ɔle ɛdoavolɛ. Raalɛ ɛhye vale ye mekɛ yɛle ahunlunyele gyima na ɔboale ehyianvolɛma.

1 Kɔl 14:25

aye ɔ ti anu edwɛkɛ ahile ye, na yeamaa yeabɔ ɔ ti aze yeazonle Nyamenle, na yeaha yeado gua kɛ, “Amgba Nyamenle nee bɛ de!”

2 Kɔl 9:13

Bɛ ɛzonlenlɛ gyima ɛhye kile bɛ diedi mɔɔ bɛlɛ la. Ɔlua zo menli dɔɔnwo ye Nyamenle ayɛlɛ kɛ bɛdi Kelaese anwo Edwɛkpa ne mɔɔ bɛlie bɛdo bɛ nwo zo la azo, na bɛ nee awie biala kyɛ nyilalɛ mɔɔ bɛnyia ye la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:24

Na ɔlua me ti bɛyele Nyamenle ayɛlɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:10

Yɛle Nyamenle asa anloa gyima, yɛɛ yelua yɛ nee Kelaese Gyisɛse yɛ koyɛlɛ ne azo yebɔ yɛ yemaa ɛbɛla kpalɛ ne mɔɔ ɔhyehyɛle ɔdole yɛ ɛkɛ ne dɛba kɛ yɛbɔ la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:8

Dɛba ne ɛnee bɛwɔ awozinli nu, na ɛnɛ bɛyɛ Awulae menli; ɛhye ati bɛwɔ wienyi nu. Ɔwɔ kɛ bɛbɔ bɛ ɛbɛla kɛ menli mɔɔ wɔ wienyi nu la.

1 Tɛs 2:12

Yɛzile yɛ ahonle, yɛkyekyele bɛ rɛle, na yɛhɔle zolɛ yɛmanle bɛ anwosesebɛ kɛ bɛbɔ ɛbɛla mɔɔ fɛta Nyamenle ne mɔɔ fɛlɛ bɛ kɛ bɛrɛla ye anyunlunyia Belemgbunlililɛ ne anu la.

1 Tem 2:10

Meka ɛbɛla kpalɛ ɛbɔlɛ mɔɔ fɛta mraalɛ mɔɔ sonle Nyamenle la.

1 Tem 5:10

yɛɛ ye nyɛleɛ kpalɛ ti bɛbɔ ye duma kpalɛ kɛ ɔle raalɛ mɔɔ tetele ɔ mra kpalɛ, ɔliele nyɛvolɛ, ɔwowole anwondelɛma agyakɛ anwo, ɔboale bɛdabɛ mɔɔ bɛ nwo hyelele bɛ, na ɔdule ɔ nwo ɔmanle gyima kpalɛ biala ɛyɛlɛ la.

1 Tem 5:25

Zɔhane ala yɛɛ nyɛleɛ kpalɛ biala la ali wienyi a, yɛɛ mɔɔ ɛnla ali bɔbɔ la, bɛngola bɛnvea zolɛ.

1 Tem 6:18

Ɔwɔ kɛ bɛyɛ nyele, bɛkɔ zolɛ bɛyɛ nyɛleɛ kpalɛ, bɛfa atiakunlukɛnlɛma nee ɛhulolɛ bɛkyɛ debie.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:14

Gyisɛse Kelaese vale ɔ nwo manle wɔ yɛ ti kɛ ɔbaye yɛ yeavi amumuyɛ muala anu, na yeayɛ yɛ ye menli mɔɔ anwo te na yɛle ɔ ngomekye ye ɛdeɛ la, amaa yɛ nye abolo kɛ yɛkɛyɛ kpalɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:7

Wɔ ninyɛne muala anu, ɛdawɔ mumua ne pɛ kelemunli kpalɛ wɔ gyima kpalɛ ɛyɛlɛ nu to ɛkɛ. Maa ɛ nye ɛbolo wɔ ngilehilelɛ ne anwo na di nɔhalɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:14

Maa yɛ menli ne mɔ ɛzukoa ɛyɛ gyima kpalɛ, amaa saa edwɛkɛ bie mɔɔ hyia la si a bɛahola bɛaboa. Ɔnle kɛ bɛbɔ ɛbɛla mɔɔ nvasoɛ biala ɛnle zolɛ la.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:4

Na mɔɔ yɛ Ngoanelielɛ Nyamenle ne lale ye atiakunlukɛnlɛma nee ye ɛhulolɛ ne ali la,

Kɛlata mɔɔ bɛhɛlɛle bɛhɔmanle Hibuluma la 10:24

Bɛmaa yɛdwenle yɛkpondɛ adenle mɔɔ yɛdua zolɛ a yɛkɛhulo yɛ nwo ngoko ngoko, na yɛkɛyɛ gyima kpalɛ la.

1 Pit 2:12

Ɔwɔ kɛ bɛmaa bɛ nyɛleɛ wɔ maanlema avinli yɛ kɛnlɛma, amaa saa bɛsi bɛ amgbu kɛ bɛnle kpalɛ bɔbɔ a, ɛnee kɛmɔ bɛnwu bɛ nyɛleɛ kpalɛ ne la ati bɛaye Nyamenle ayɛlɛ wɔ Kenle ne mɔɔ Awulae bara la.

1 Pit 2:9

Bɛmɛ a bɛle menli mɔɔ Nyamenle ɛkpa nu ɛye bɛ a. Bɛle Belemgbunli ne sɛlɛvolɛma, maanle nwuanzanwuanza, Nyamenle ɔdaye ye menli mɔɔ yeboɔboa yekpondɛ bɛ bo zo na yevɛlɛ bɛ kɛ bɛvi awozinli nu bɛrɛla ye wienyi ne anu na bɛbɔ ye nwanwane gyima ne nolo a.

1 Pit 3:1

Bɛmɛ nwuvolɛ mraalɛ, bɛbɛlɛ bɛ nwo aze bɛmaa bɛ hu mɔ, amaa nuhua mɔɔ ɔ hu ɛnlie Nyamenle Edwɛkɛ ne ɛnli la, bɛalua bɛ nyɛleɛ zo bɛahwe ye bɛarɛlɛ Nyamenle, mɔɔ ɔnrɛhyia kɛ bɛkɛha edwɛkɛ kpɔkɛ ko bɔbɔ a,

1 Pit 3:16

noko anrɛɛ bɛva bɛtɛɛyɛlɛ amaa saa awie mɔ keha bɛ nwo edwɛkɛ ɛtane ɛtane a, bɛ subane kpalɛ ne, kɛmɔ bɛle Kelaese ɛdoavolɛma na bɛdi boɛ la agua menli zɔhane mɔ anyunlu aze.

1 Pit 4:11

Sonla ne mɔɔ ka Nyamenle edwɛkɛ la ɛnlea ɛha Nyamenle edwɛkɛ ne; mɔɔ sonle noko la ɛva ye anwosesebɛ mɔɔ Nyamenle ɛva ɛmaa ye la amuala ɛzonle, amaa debie biala mɔɔ bɛyɛ la anu menli ava ayɛlɛyelɛ alua Gyisɛse Kelaese anwo zo amaa Nyamenle. Yemɔ yɛɛ anyunlunyia nee tumi le ye ɛdeɛ dahuu a. Amen.

1 Pit 4:14

Saa Kelaese duma nu ti bɛkile bɛ nyane a, nyilalɛ ɛha bɛ, ɔluakɛ ɛhye kile kɛ anyunlunyia sunsum ne mɔɔ le Nyamenle Sunsum ne wɔ bɛ nwo zo.