Edwɛkpa ne kɛmɔ Mateyu hɛlɛle la 5:12 - BAEBOLO ANZƐƐ BULUKU NWUANZANWUANZA

¹² Bɛmaa bɛ nye ɛlie na bɛli fɛlɛko, ɔluakɛ bɛlɛ nwolɛ ahatualɛ kpole wɔ anwuma. Zɔhane ala yɛɛ bɛyɛle Nyamenle kpɔmanvolɛma ne mɔ mɔɔ lumua la a.

Edwɛkpa ne kɛmɔ Mateyu hɛlɛle la 5:12 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 15:1

Ɛhye mɔ anzi, Ebilam dele Ɛdɛnkɛma edwɛkɛ ne wɔ ɛnyelɛzodeɛnwunlɛ nu kɛ, “Ebilam, mmasulo, na mebabɔ ɛ nwo bane. Wɔ ahatualɛ bayɛ kpole kpalɛ.”

1 Arl 18:13

Me menle, ɔkɛyɛ kɛ ɛtɛtele nyɛleɛ mɔɔ menyɛle wɔ mekɛ mɔɔ Gyɛzɛbɛle kuhu Nyamenle kpɔmanvolɛma ne mɔ la, nee kɛ menzile menvale Nyamenle kpɔmanvolɛma ɛya ko menveale awolɛ mbɔne nu la. Mengyɛle bɛ nu nwiɔ na menvale bɛ abulanlu abulanlu menveale, memanle bɛ aleɛ nee nzule.

1 Arl 18:4

Mekɛ mɔɔ Gyɛzɛbɛle kuhu Nyamenle kpɔmanvolɛma ne mɔ la, Obadaya liele bɛ nuhua ɛya ko ngoane. Ɔvale bɛ abulanlu abulanlu ɔveɛveale awolɛ mbɔne nu na ɔmanle bɛ aleɛ nee nzule.)

1 Arl 19:2

Ɛhye ati Gyɛzɛbɛle zoanle manle bɛhɔhanle bɛhilele Yilaegya kɛ, “Ɛhunlɛ mɔɔ wɔhu ahɔmenle ne mɔ la, saa ɛhyema bekezɛ ɛnee metɛkunle ɛdawɔ noko a awozonle ne mɔ ɛdua me kakɛ ɛgua me bie zo.”

1 Arl 21:20

Ehabe nwunle Yilaegya ala la ɔhanle kɛ, “Hue e! Me kpɔvolɛ ɛvinde me.” Yilaegya buale ye kɛ, “Ɛhɛe, mevinde wɔ! Ɔboalekɛ wɔbɔ kpɔkɛ kɛ wɔmɔ, amumuyɛ ala a ɛyɛ wɔatia Ɛdɛnkɛma a.

1 Arl 22:8

Yizilayɛ belemgbunli ne hanle hilele Gyɛhɔhyafate kɛ, “Sonla bieko wɔ ɛkɛ mɔɔ yɛkola yɛkɔnwu ye yɛmaa ɔbiza Ɛdɛnkɛma ɔmaa yɛ a. Yemɔ a le Yemela ara Maekaya. Na mekyi ye kɔkɔ kɔkɔ zɛhae, ɔboalekɛ ɔmbɔ me munzule kpalɛ; dahuu munzule ɛtane ala a ɔbɔ me a.” Gyɛhɔhyafate buale kɛ, “Nana, mmaka mɔɔ ɛlɛka la.”

2 Arl 1:9

Na Belemgbunli zoanle ye safohyenlema ne anu ko manle ɔvale menli abulanlu kɛ bɛhɔva Yilaegya bɛrɛla. Safohyenle ne nee ye ɛlɔnema ne hɔdole Yilaegya wɔ boka bie azo na ɔzele ye kɛ, “Nyamenle sonla, belemgbunli se yɛrava wɔ yɛrɛla.”

2 Edk 16:10

Belemgbunli Esa vale Nyamenle sonla ne anwo ɛya kpole kpalɛ wɔ mɔɔ ɔhanle la anwo, na ɔmanle bɛhyele ye, bɛdole ye efiade, na bɛbɔle ye kpanwu. Eza ɔvi mekɛ zɔhane anu ala, Belemgbunli Esa bɔle ɔ bo kɛ ɔyɛ menli ne bie mɔ asa.

2 Edk 36:16

Noko bɛhɔle zo bɛzile menli mɔɔ Nyamenle zoanle bɛ la amgbu, bɛkpole kɛ bɛnrɛdie bɛ edwɛkɛ ne, na bɛgolole Nyamenle kpɔmanvolɛma ne anwo toonwo bɛmanle Ɛdɛnkɛma vale ɛya kpole mɔɔ bɛyɛ ye ɛhwee a ɔnyɛ boɛ a.

Nihɛmaya Buluku ne 9:26

“Wɔ menli ne dele ɛ nwo atua na bɛandie wɔ aneɛ, bɛhakyile bɛ nzi bɛzile wɔ mɛla ne. Bɛhunle Nyamenle kpɔmanvolɛma mɔɔ bɔle bɛ kɔkɔ, na bɛzele bɛ kɛ bɛzia bɛdoa wɔ la; bɛbɔle munzule kpole!

Edwɛndolɛ Buluku ne 19:11

Bɛkakyehakye medame, wɔ sonvolɛ; zolɛlilɛ le nyilalɛ kpole.

Edwɛndolɛ Buluku ne 58:11

Menli baha kɛ, “Nɔhalɛ, tenlenema ɛnyia bɛ ahatualɛ; nɔhalɛ, Nyamenle wɔ ɛkɛ mɔɔ bua ewiade ndɛne a.”

Mrɛlɛbulɛ Buluku ne 11:18

Amumuyɛnli ahatualɛ ɛngyinla, na sonla mɔɔ dua tenleneyɛlɛ ma la nyia ahatualɛ kpalɛ.

Ayezaya Buluku ne 3:10

Maa tenlenema ɛde kɛ ɔbayɛ boɛ yeamaa bɛ, ɔluakɛ bɛbadidi bɛ gyima mɔɔ bɛyɛ la anwo.

Gyɛlɛmaya Buluku ne 2:30

Bɛ mra ne mɔ ɛmaa mevɛ mgbane; medea bɛ, noko bɛande folɛ. Bɛdabɛ a bɛhu bɛ Nyamenle kpɔmanvolɛma ne mɔ kɛ awenade mɔɔ asa ɛha nane la.

Gyɛlɛmaya Buluku ne 26:8

Na mɔɔ Gyɛlɛmaya wiele edwɛkɛ mɔɔ Ɛdɛnkɛma kulo kɛ ɔka ɔkile menli ne amuala la ka la, sɛlɛvolɛma, Nyamenle kpɔmanvolɛma, yɛɛ menli ne kɔsɔɔti nwinwinle ye, hyele ye na bɛzele ye kɛ, “Yɛku wɔ!

Gyɛlɛmaya Buluku ne 37:14

Gyɛlɛmaya buale ye kɛ, “Ɔnle nɔhalɛ, menriandi menva me nwo mengɔmaa Babeloniama.” Noko Ayelaegya andie mɔɔ ɔhanle ɔhilele ye la. Ɔzɔle ye nu ɔ nee ye hɔle mgbanyima ne mɔ anyunlu.

Edwɛkpa ne kɛmɔ Mateyu hɛlɛle la 16:27

Ɔluakɛ ɔnrɛhyɛ biala na medame Sonla Ra me nee me anwuma soanvolɛma yɛara, wɔ Egya anyunlunyia nu, na yɛaradua awie biala kakɛ kɛmɔ ye gyima de la.

Edwɛkpa ne kɛmɔ Mateyu hɛlɛle la 6:16

“Saa bɛkye ɛhɔne a, bɛmmayɛ bɛ nyunlu alɔbɔlɛ alɔbɔlɛ, kɛmɔ nabalabama ne mɔ yɛ la. Bɛsie bɛ nwo evinli bɛfa bɛkile bɛmaa awie biala nwu kɛ bɛlɛkye ɛhɔne. Bɛnwu ye kɛ bɛdua bɛ nwolɛ kakɛ bɛwie.

Edwɛkpa ne kɛmɔ Luku hɛlɛle la 13:34

“Gyɛlusalɛm, O Gyɛlusalɛm! Wɔhu Nyamenle kpɔmanvolɛma ne, wɔzi menli mɔɔ Nyamenle zoanle bɛ ɛ nwo la awolɛ! Fane dɔɔnwo yɛɛ mehulo kɛ anrɛɛ menwɔva me sa menwɔbɛla bɛmɛ Gyɛlusalɛmma kɛ akɔlɛ ɛdane fa ɔ mra fea ɔ ndɛba abo la; na bɛammaa me adenle.

Edwɛkpa ne kɛmɔ Luku hɛlɛle la 6:23

Saa ɔba ye zɔhane a, bɛli fɛlɛko, bɛzi agole, na bɛmaa bɛ nye ɛlie, ɔboalekɛ Nyamenle ɛva nwolɛ ahatualɛ kpole bie ɛzie bɛ wɔ anwuma. Ɔluakɛ kɛ bɛ nlenya mɔ yɛle Nyamenle kpɔmanvolɛma mɔɔ lumua la ɛne.

Edwɛkpa ne kɛmɔ Luku hɛlɛle la 6:35

Kyɛkyɛ! Bɛhulo menli mɔɔ kpɔ bɛ la na bɛyɛ kpalɛ bɛmaa bɛ, bɛbɔ bɛ bosea, noko bɛmmamaa bɛ nye da kɛ bɛ sa kɛha ye, na Anwuma Anwuma Nyamenle ne bamaa bɛ nwolɛ ahatualɛ kpole, na yeavɛlɛ bɛ ɔ mra, ɔluakɛ ɔyɛ nyele ɔmaa anzeayɛlɛma nee angomedima amuala.

Ɛzoanvolɛma Gyima ne 16:25

Nɔe ne, kɛyɛ alevinli mu nwiɔ avinli, ɛnee Pɔɔlo nee Saelase ɛlɛyɛ nzɛlɛlɛ na bɛlɛto edwɛne bɛaye Nyamenle ayɛlɛ, na menli mɔɔ bɛdabɛ noko bɛgua efiade ne bie la ɛlɛtie bɛ.

Ɛzoanvolɛma Gyima ne 5:41

Ɛzoanvolɛma ne vale fɛlɛkolilɛ vile ayia sua ne anu hɔle, kɛ bɛdabɛ bɔbɔ Nyamenle ɛbu bɛ bie, na ɔlua Gyisɛse duma ne ati bɛnwu amaneɛ a.

Wulo 5:3

Bɔbɔ wɔ amaneɛnwunlɛ nu yɛbali fɛlɛko, ɔboalekɛ yɛze kɛ nyanelilɛ maa sonla nyia abotane,

1 Kɔl 3:8

Ngakyile ɛnle mɔɔ dua nee mɔɔ gugua zolɛ nzule la avinli. Nyamenle badua ko biala kakɛ wɔ ye gyima mɔɔ yeyɛ la anwo kɛmɔ ɔfɛta la.

2 Kɔl 4:17

Nyane sikalɛ ekyi ɛhye mɔɔ yɛlɛnwu ye la bava anyunlunyia mɔɔ ɛnlɛ awieleɛ na ɔle kpole kpalɛ ɔtɛla nyane ɛhye la arɛlɛ yɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:29

Nyamenle a ɛmaa adenle kɛ bɛlie Kelaese bɛli na bɛnwu amaneɛ wɔ ɔ ti a.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:17

Saa bɔbɔ ɔba ye kɛ bɛfa me mogya bɛaye ɛdɛne bɛagua bɛ diedi azubɔlɛ zo bɛamaa Nyamenle a, anrɛɛ me nye die nwolɛ kpole na me nee bɛ di fɛlɛko.

Kɔlɔ 1:24

Kɛkala, bɛdabɛ bɛ ti ɔyɛ me fɛ kɛ melɛnwu amaneɛ a, ɔluakɛ melua me nwonane nu amaneɛnwunlɛ ye azo melɛboa meamaa Kelaese amaneɛnwunlɛ wɔ ye Asɔne ne ati ali munli.

Kɔlɔ 3:24

Bɛhakye kɛ Awulae a bamaa bɛ nwolɛ ahatualɛ ne mɔɔ yeva yezie ɛkɛ yemaa ye menli la a. Ɔluakɛ Awulae Kelaese a le Menlenlɛ ne mɔɔ bɛsonle ye la.

1 Tɛs 2:15

Dwuuma hunle Awulae Gyisɛse nee kpɔmanvolɛma ne mɔ, bɛyɛle yɛ kpɔdekpɔde bɛmanle yɛnriandile. Bɛha Nyamenle ɛya kpole! Bɛkyi awie biala.

Kɛlata mɔɔ bɛhɛlɛle bɛhɔmanle Hibuluma la 10:34

Bɛ nee menli mɔɔ bɛguale bɛ efiade la lile nyane, yɛɛ mɔɔ bɛzale bɛ bɛliele bɛ nwo ninyɛne bɔbɔ la, yeanvane bɛ nwo fee, ɔboalekɛ ɛnee bɛze kɛ bɛlɛ ninyɛne kpalɛ mɔɔ ɛnzɛkye ɛlɛ la wɔ ɛkɛ.

Kɛlata mɔɔ bɛhɛlɛle bɛhɔmanle Hibuluma la 11:26

Ɔdwenlenle nwo kɛ saa sonla doa Kelaese ne abo zo na ɔnwu amaneɛ a, ɔle kpalɛ ɔtɛla kɛ ɔkɛnyia Yigyibiti anwonyia kɔsɔɔti a, ɔluakɛ ɛnee ɔ nye la ahyɛlɛdeɛ mɔɔ kenle bie Nyamenle bava amaa ye la azo.

Kɛlata mɔɔ bɛhɛlɛle bɛhɔmanle Hibuluma la 11:33

Bɛluale diedi zo bɛhonle na bɛlile maanle dɔɔnwo anwo zo konim. Bɛnleanle bɛmanle pɛlepɛlelilɛ yɛle gyima na bɛnyianle Nyamenle ɛwɔkɛ ne mɔ. Bɛluale diedi zo bɛhanle awenade nloa bɛdole nu,

Kɛlata mɔɔ bɛhɛlɛle bɛhɔmanle Hibuluma la 11:6

Ɔyɛ se kɛ awie mɔɔ ɛnlɛ diedi la kɛhola kɛzɔ Nyamenle anye. Ɔluakɛ ɔwɔ kɛ awie mɔɔ ba Nyamenle ɛkɛ ne la die di kɛ Nyamenle wɔ ɛkɛ na ɔyila bɛdabɛ mɔɔ bɛkpondɛ ɔ bo zo la.

Gyemise Kɛlata ne 1:2

Me mediema, saa sɔnea ngakyile dɔɔnwo ba bɛ nwo zo a bɛli nwolɛ fɛlɛko;

Gyemise Kɛlata ne 5:10

Mediema, bɛhakye Nyamenle kpɔmanvolɛma ne mɔ mɔɔ luale Awulae duma nu dendɛle la. Bɛva bɛ abotane ne mɔɔ bɛnyianle ye bɛgyinlanle kpundii wɔ nyane nu la bɛyɛ ndonwo.

1 Pit 4:13

Bɛli fɛlɛko kɛ bɛ nee Kelaese ɛlɛnwu amaneɛ a, amaa saa bɛye ye bɛkile anyunlunyia nu a bɛali fɛlɛko kpole.

Wulu 2:12

Ɛdɛnkɛma ɛyila wɔ wɔ mɔɔ wɔyɛ la anwo; Ɛdɛnkɛma ɛlo wɔ molozo na Yizilayɛ Nyamenle ne mɔɔ wɔravea ɔ ndɛba abo la ɛva wɔ ɛzie boɛ.”